John 3:5 - Zokam International Version

⁵ Jesu in, "Thutak kong geninah, tui le Kha-a suak kik lote peuhmah Pasian gamah a lut thei kei hi.

LAISIENGTHOU CL Bible (BSI)

⁵ Jesu’n adawnga, “Adihtahin ka hing hil ahi, Mi koipou tui leh Hagau a, apientha sihleh Pasian gam alut thei sih ding hi.

Zo Bible

⁵ Jesu in, “A tahtah a kang ci-in, koipo tui le hlagau tawh a suokia sih leh Pasien’ manggam a lut thei sih ding hi.

John 3:5 ပူးပေါင်းရင်းမြစ်များ

Matthew 18:3

Tua ciangin amah in, "Thutak kong geninah, note kikhela naupangno na bat kei uh leh vantung gam sungah na lut ngei kei ding uh hi.

Matthew 19:24

Kong gen kik inah mihau khat Pasian gam a lut ding sangin Kala-oh khat phim bilvangah a thawl ding baihzaw ding hi," a ci hi.

Matthew 21:31

"Tua nihte kua zaw in a pa deihna bangin hih ahi hiam?" a ci hi. Amaute in, "Amasa pen in," a ci uh hi. Jesu in amaute kiangah, "Thutak kong geninah, siahdongte le numei kizuakte in vantung gam hong lutsan ding uh hi ta hi.

Matthew 28:19

Tua ahi manin pai unla, minamte khempeuh nungzui na suaksak un; Pa, Tapa le Khasiangtho minin d na baptise unla,

Matthew 3:11

"Na kisikna hangun tui-in b kong baptize hi. Ahi hangin kei nunga hong pai ding pa, kei sangin a vanglianzaw hi; ama khedap tawi ding nangawnin ka kilawm kei hi. Amah in note Khasiangtho le mei-in hong baptize ding hi.

Matthew 5:20

Ken kong geninah, note thumaanna in Pharisee-te le thukham siate aa a khup zawh kei leh vantung gamah na lut peuhmah kei ding uh hi.

Mark 10:14

Jesu in a muh ciangin a lungkim kei hi. Amah in amaute kiangah, "Naupangnote ka kiangah hong paisak un, amaute dal kei un. Ahang in, Pasian gam i cih hih bangte aa ahi hi.

Mark 16:16

Um-a a kibaptise-te peuhmah kihonkhia dinga, ahi hangin a um lo peuhmah a kimawhpaih ding hi.

Mark 9:47

Na mittang hangin mawhna na bawl leh khelkhia in. Mittang kimin meilipi khukah hong kipaih sangin mit langkhat bek tawh Pasian gamah lut lecin nang adingin a hoihzaw hi.

Luke 13:24

"Kong kawcik-a lut ding na hahkat un. Bang hang hiam cihleh, mi tampi in lut ding a hanciam ding uh a, ahi hangin a lut thei kei ding uh hi, cih kong gen hi.

Luke 13:3

Ken kong geninah, a mawhzaw tuan kei uh hi! Ahi hangin note na kisik kei uh leh note zong na vekun na mangthang khin ding uh hi.

Luke 13:5

Kong hilh tektek hi, a mawhzaw tuan kei uh hi! Ahi hangin note na kisik kei uh leh note zong na vekun na mangthang khin ding uh hi," ci-in a dawng hi.

John 1:13

Tuate pianngei tate c banga suak hi lo, mihing khensatna bang le pasal deihna pana suak zong hi lo, Pasian pana suak ahi uh hi.

John 3:3

Jesu in a dawnna in, "Thutak kong geninah, ‘Mi khatpeuh a suah kik c kei leh Pasian gam a mu thei kei hi," a ci hi.

John 3:4

Nicodemus in, "A khangham khinsa mi khat bangci in suak kik thei ding ahi hiam?" ci-in dong a, "A nih veina a suak dingin a nu sungah lut kik thei lo takpi mah ding hi!" a ci hi.

Nasepte 2:38

Peter in, "Na mawhnate uh a kimai sak theih nadingin note, na vekpi un kisik unla Jesu Christ minin na kibaptise un. Tua ciangin Khasiangtho letsong na ngah ding uh hi.

Nasepte 3:19

Tua ahi ciangin kisikin Pasian lam nga kik un. Tua hileh na mawhnate uh kisiaksiangin Topa tung panin thathak ngahna hun hong tung thei dinga;

Rome-te 14:17

Ahang in, Pasian gam pen nekna le dawnna thu hi loin, Khasiangtho sunga thumaanna, lemna le lungnopna ahi hi.

Rome-te 8:2

Bang hang hiam cih leh Christ Jesu tungtawnin nuntakna Kha thukham in mawhna le sihna thukham panin kei hong suaktasak zo hi.

1 Corinth-te 15:50

Sanggamte aw, si le sa in Pasian gam a luah thei kei hi, a kisia thei na in a kisia thei lo na a luah thei kei hi, cih note tungah kong pulak hi.

1 Corinth-te 2:12

Pasian in eite man nei lo a hong piak i theihtel theih nadingin leitung kha i ngah kei a, Pasian tung pana Kha i ngah hi.

1 Corinth-te 6:11

Note pawlkhat tua bang na hi uh hi. Ahi hangin i Topa Jesu Christ min le i Pa Pasian Kha tawh note hong kisawp zo, hong kisiangthosak zoin, dik hong kitangsak zo hi.

Galatia-te 6:15

Vunat le vunat loh in phattuamna a nei kei hi. A thaka piansakna bekin phattuamna a nei hi.

Ephesa-te 5:26

Amah in pawlpi siangtho dingin thu tungtawnin tui in sawp a, singthosak a hi,

1 Peter 1:2

Jesu Christ thumang ding le a sisan thehna ngah dingin Pa Pasian theihkholhna tawh kizui-a Kha in a siansak nasepna hanga a kiteelsa mite tungah: Hehpihna le lemna note aa hi ta hen.

1 Peter 3:21

Hih tui in tu huna note zong hong honkhia baptise na a lak hi; pumpi tung ninte sawpkhiatna hi loin Pasian lamah lungsim kitheihna hoih-a kiciamna e ahi hi. Tua in Jesu thawhkikna hangin note hong honkhia hi.

1 John 2:29

Amah a thumaan hi, cih na theih uh leh thumaan a hih peuhmah ama sunga suak ahi hi, cih na thei uh hi.

1 John 5:1

Jesu in Christ ahi hi, ci-a a umte peuhmah Pasian pana suak hi-a a pa a it peuhmah in a ta zong a it hi.