John 3:35 - Zokam International Version

³⁵ Pa in Tapa it a; na khempeuh a khutah a koih hi.

LAISIENGTHOU CL Bible (BSI)

³⁵ Pa in tapa a it a, akhut ah sil zousie apeta hi.

Zo Bible

³⁵ Pa in Tapa it a, ama’ khut sungah na zosie a koi zo hi.

John 3:35 ပူးပေါင်းရင်းမြစ်များ

Piancilna 41:44

Tua ciangin Pharaoh in Joseph kiangah, "Kei Pharaoh ka hi hi, ahi hangin nang thu loin Egypt gam khempeuhah kuamah in khut ahikeh khe a liik kei ding hi," ci hi.

Piancilna 41:55

Egypt gam khempeuh ah kialpi a tun pat laitakin mite in Pharaoh kiangah an ngen uh hi. Tua ciangin Pharaoh in Egypt mite khempeuh tungah, "Joseph kiangah pai unla hong gen bangbangin sem un," ci hi.

Phatna-late 2:8

Hong ngen in, minamte na gouluah suaksakin leimong dong nang neihsa ka suaksak ding hi.

Paunakte 8:30

Tua hun lai-in a gei-ah khutsiampa in ka om hi. Nisimin nuam ka sa mahmah a, ama ompihna ah kipak tawntungin,

Isaiah 42:1

"Hih lai-ah ka letkip, ka lungkimna, ka telsa ka nasempa a om hi. Ama tungah ka Kha ka koih dinga, amah in minamte tungah thutang a puak ding hi.

Daniel 7:14

Amah thuneihna, minthanna le alianpipen vangliatna kipia hi; mite, minamte le pau nam khempeuh in amah a bia uh hi. Ama ukna bei ngei loin a kisia ngei kei ding hi; ama kumpi-gam kuamah in a susia kei ding hi.

Matthew 11:27

"Ka Pa in na khempeuh kei hong ap zo hi. Pa longal kuamah in Tapa a thei kei hi. Tapa le Tapa in amah a lah theih nadinga a teel mite longal in Pa a thei kei uh hi.

Matthew 17:5

Tua banga a pau laitakin meiingo khat in amaute tuama, tua meii lak panin, "Hih in, ka it ka Tapa ahi hi, ama tungah ka lung a kim mahmah hi; ama thu na ngai ta un!" ci-in aw khat a ging hi.

Matthew 28:18

Tua ciangin amaute kiangah Jesu pai a, "Vantung le leitungah thuneihna khempeuh kei hong kipia khin hi.

Matthew 3:17

Tua laitakin, "Hih in ka it ka Tapa ahi hi. Ama tungah ka lung a kim mahmah hi," ci-in vantung pan aw khat a ging hi.

Luke 10:22

"Ka Pa in na khempeuh kei hong ap zo hi. Tapa kua hiam, cih Pa longal kumah in thei lo-a, Pa kua hiam, cih Tapa le Tapa in a theihsak dinga a teelte longal kuamah in a thei kei uh hi," a ci hi.

John 13:3

Pa in ama vangliatna nuai-ah na khempeuh koihin amah Pasian kiang pana hong pai hi-a, Pasian kiangah a ciah kik ding ahi hi, cih Jesu in a thei hi.

John 15:9

"Ka Pa in kei hong itsa bangin note kong it zo hi. Tu-in ka itna sungah om un.

John 17:2

Ahang in, amah na piaksa mi khempeuh tungah nuntak tawntungna a piak theih nadingin mi khempeuh tunga thuneihna amah na pia zo hi.

John 17:23

Amaute sungah kei ka oma kei sungah nang na om hi. Nang, kei nong sawl le kei nong it bangin amaute na it cih leitung in a theih nadingin amaute kiciantakin pumkhat suak uh hen.

John 17:26

Amaute tungah nang kong pulak zo-a, nangmah in kei nong itna amaute aa ahi theih nading le kei mahmah amaute sungah ka om theih nadingin kong pulak lai hi," a ci hi.

John 5:20

Ahang in, Pa in Tapa it-a a hih khempeuh amah a lak hi. Himah hi, lamdang na sak dingun hihte sanga a lamdangzaw nangawn a lak lai ding hi.

John 5:22

Tua banah, Pa in kuama tungah thu a khen kei hi, ahi hangin thukhenna khempeuh Tapa tungah a ap hi;

1 Corinth-te 15:27

Ahang in, amah in, "A khepek nuai-ah na khempeuh koih zo hi" a Ama nuai-ah "Na khempeuh" a cih ciangin Christ nuai-ah na khempeuh a koihpa Pasian a gen khak loh lam kitel hi.

Ephesa-te 1:22

Pasian in na khempeuh ama khepek nuai ah koih a, pawlpi adingin amah na khempeuh tungah lutang in seh khinin,

Hebrews 1:2

ahi hangin hih ni nunungte ah khuavannuai a bawlpa na khempeuh a luah dinga a sehpa, ama Tapa zangin eite tungah thu hong gen zo hi.

1 Peter 3:22

Amah vantungah kahto khina tu-in Pasian taklamah om-a, vansawltakte, thuneihna le vangliatnate ama khutnuai-ah a om hi.