John 3:34 - Zokam International Version

³⁴ Ahang in, Pasian sawlpa in Pasian thute a gen hi. Pasian c in ama tungah ciangtan loin Kha a pia hi.

LAISIENGTHOU CL Bible (BSI)

³⁴ Aziehpen Pasian misawlpa’n Pasian thu agen a; Pasian in lah a kungah Hagau tedetdet in ape sih hi.

Zo Bible

³⁴ Pasien’ sawl mi in Pasien’ thu a gen hi, azieh pen ama in tua mipa tungah ciengtan om loin Hlagau a pie hi.

John 3:34 ပူးပေါင်းရင်းမြစ်များ

2 Kumpite 2:9

A kantan khit uh ciangin Elijah in Elisha kiangah, "Nang kiang pan kei hong kilak ma-in nang ading bang hong hihsak ding ka hi hiam, hong gen in!" a ci hi. Elisha in, "Na kha zah nih kei hong luahsak in," ci-in a dawng hi.

Phatna-late 45:7

Thumaanna na it a gitlohna na mudah hi; tua ahi ciangin Pasian, na Pasian in nopna sathau hong nilhna tungtawnin na pawlte tungah hong koih hi.

Isaiah 59:21

"Kei adingin ahi leh hih in amaute tawh ka thukhun ahi hi" TOPA in a ci hi. "Note sunga om ka Kha le note kam tunga ka guansa kammalte na kam uh tawh kikhenkhia lo dinga, na tate kam, a suan le khakte kam tawh tu le a tawntungin a kikhenkhia kei ding hi," TOPA in a ci hi.

Siampi Laibu 7:35

Hih in, TOPA tungah siampi nasem dinga Aaron le a tapate a kipiak ni-ua, TOPA mai-a meihal biaknate pana kisehkhia amau tanh ding ahi hi.

Misimna 11:25

Tua ciangin meii lakah TOPA paisuk a, ama tunga Kha lakhia-in upa sawm sagihte tungah tua Kha a guan hi. Amaute tungah Kha a khawl ciangin amaute in thu genkhol uh a, tua bangin a gamta kik b nawn kei uh hi.

Matthew 12:18

"Ka it ka lung hong kimsak, ka teel ka nasempa hih lai-ah om hi; ama tungah ka Kha ka koih dinga, minamte tungah thutang a tangko ding hi.

Luke 4:18

"Mizawngte tunga lungdamna-thu hilh dingin keimah sathau hong nilh khin zo ahi manin, Topa Kha ka tungah a om hi. Amah in thongkiate suaktasak ding, mittawte khua musak ding, a kinengcipte khahkhia ding,

John 1:16

A kicing ama hehpihna panin eite khempeuh in thupha khat khit khat i ngah hi.

John 15:26

"Pa kiang pana no kianga kong sawl ding, Pa kiang pana hong paikhia thutak Kha - Thukuppihpa hong pai ciangin kei tungtang thu teci a pang ding hi.

John 16:7

Ahi hangin thutak kong geninah: Ka paikhiat note hoih nading ahi hi. Kei paikhia lo hileng Thukuppihpa no kiangah hong pai lo ding hi. Ahi zongin kei va paikhia leng, no kiangah amah kong sawl ding hi.

John 3:17

Ahang in, leitung mawhpaihsak dingin Pasian in a Tapa leitungah a sawl kei hi. Ama tung tawnin leitung a honkhia dingin a sawl hizaw hi.

John 5:26

Ahang in, Pa in amah mah-a nuntakna a neih bangin Tapa in zong amah mah-a nuntakna a neih nadingin a pia zo hi.

John 7:16

Jesu in, "Ka thuhilhte kei aa ahi kei hi. Hong sawlpa kiang pana hong pai ahi hi.

John 8:40

Tua bang ahileh Pasian tung pana ka zaksa thumaan a gen pa kei, thah nong sawm zel uh hi. Abraham in tua bangte a hih kei hi.

John 8:47

Pasian aa ahite in Pasian gente a za hi. Pasian aa hi lo na hi manun na za thei kei uh hi," a ci hi.

Nasepte 1:2

a teelsa sawltakpite tungah Khasiangtho tungtawna a lah khit ciangin vantungah a kilaktoh ni donga thute ka gelh ahi hi.

Nasepte 10:38

Pasian in Nazareth mi Jesu, Khasiangtho le vangliatna sathau a nilh zia le amah pai kawikawi in, Pasian in amah a ompihna hangin na hoih sema, dawimangpa vangliatna nuai-a mi khempeuh a dam saknate na thei zo uh hi.

Rome-te 8:2

Bang hang hiam cih leh Christ Jesu tungtawnin nuntakna Kha thukham in mawhna le sihna thukham panin kei hong suaktasak zo hi.

Ephesa-te 3:8

Pasian mi a neupente sanga a neuzaw hi napi hih hehpihna a kizongkhia zo lo Christ hauhna thu Gentile-te tunga hilh ding

Colosse-te 1:19

Ahang in, ama sungah Pasian kicinna teng a om nading,

Colosse-te 2:9

Ahang in, Christ sunga Pasian-hina bucing pumpi nei-in a vekpi in om a,

Kilaakna 21:6

Amah in kei kiangah, "Kizo ta hi! Keimah Alpha le Omega, a Patna le a Tawpna ka hi hi. A dangtak mi tungah man nei loin nuntakna tuinak panin tui ka pia ding hi.

Kilaakna 22:1

Tua ciangin vansawltak in nuntakna guntui hong laka, crystal bangin cim sitset a, Pasian le Tuuno tokhom pan luangkhia-in,