John 3:17 - Zokam International Version

¹⁷ Ahang in, leitung mawhpaihsak dingin Pasian in a Tapa leitungah a sawl kei hi. Ama tung tawnin leitung a honkhia dingin a sawl hizaw hi.

LAISIENGTHOU CL Bible (BSI)

¹⁷ Khovel siemlou tangsah dingin Pasian in atapa leitungah asawl sih a, Khovel Ama vanga hundam ahitheina dingin asawl zaw hi.

Zo Bible

¹⁷ “A tahtahin Pasien in leitung mawsahna thukhen dingin a Tapa leitunga ang sawl ahi sih a, ama tungtawnin leitung in hutdamna a nga thei nading hizaw hi.

John 3:17 ပူးပေါင်းရင်းမြစ်များ

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Matthew 1:23

"Tua nungak bit gaii-in tapa khat nei dinga, ama min Immanuel kici ding hi" c a khiatna in, "Eite tawh Pasian om khawm" cihna ahi hi.

Matthew 18:10

"Hih naupangnote khat beek na simmawh kha kei in. Ahang in, vantunga om amau vansawltakte in, vantunga ka Pa maitang a mu ngitnget uh hi. a

Matthew 18:11

Mihing Tapa, a mang b te hon dinga hong pai ahi hi.

Luke 19:10

Ahang in, Mihing Tapa, a mangsate zong ding le honkhia dinga hong pai ahi hi," a ci hi.

Luke 9:56

tua ciangin amaute khua dang khatah a pai uh hi. c

John 1:29

A zing ciangin ama lam manawh a Jesu hong pai John in a muh ciangin, "En un, leitung mawhna a puakhia Pasian Tuuno!

John 10:36

Pasian in ama aa mahmah a, a sehtuampa le leitunga, a sawlpa kua hi ding hiam? ‘Pasian Tapa ka hi hi’ ka cih mana bang hangin Pasian gendai a hong ngawh na hi uh hiam?

John 11:42

Ka thu nong sang tawntung cih ka thei hi. Ahi hangin hih lai-a ding mite phattuam nading, nang kei hong sawl na hilam a up nading uh deihna-in hih ka gen hi," a ci hi.

John 17:18

Leitungah kei nong sawl bangin, amaute leitungah ka sawl zo hi.

John 17:21

Pa aw, nang kei sungah na om a, kei nang sungah ka om bang tektekin amaute khat a suah theih nadingun kong ngen hi. Nang, kei nong sawl ahilam leitung in a up nadingin amaute zong ei sungah om uh hen.

John 17:23

Amaute sungah kei ka oma kei sungah nang na om hi. Nang, kei nong sawl le kei nong it bangin amaute na it cih leitung in a theih nadingin amaute kiciantakin pumkhat suak uh hen.

John 17:25

"A thumaan Pa aw, leitung in nang hong thei kei zongin, ken nang kong thei-a, nang, kei nong sawl amaute in a thei uh hi.

John 17:3

Tu-in hih in nuntak tawntungna ahi: nang bek a maan Pasian na hina le na sawlpa Jesu Christ a theihna uh ahi hi.

John 17:8

Ahang in, kei nong piak thute, amaute ka pia-a, tuate a sang uh hi. Amaute in nang kiang pana pai ka hilam theitel uh a, nang kei nong sawl zong a um uh hi.

John 20:21

Jesu in, "Note tawh Lemna, om ta hen! Pa in kei hong sawl bangin note kong sawl hi," a ci leuleu hi.

John 3:34

Ahang in, Pasian sawlpa in Pasian thute a gen hi. Pasian c in ama tungah ciangtan loin Kha a pia hi.

John 5:36

"John teci panna sanga thugik zaw ka nei hi. Ahang in, Pa in zawh khit dinga hong piak tua ka nasep pen Pa in kei hong sawl ahina teci ahi hi.

John 5:38

Ama sawlpa um lo na hi manun a thu zong note sungah a teng kei hi.

John 5:45

"Ahi hangin Pa mai-ah note hong mawhsak dingin hong ngaihsun kei un. Note hong mawhsak, na lametna uh a kingakna pa Moses ahi hi.

John 6:29

Jesu in, "Ama hong sawlpa up ding, Pasian’ na sepna ahi hi," ci-in a dawng hi.

John 6:38

Ahang in, kei deih bang sem ding hi loin kei hong sawlpa deih banga sem dingin vantung pan kong paisuk hi.

John 6:40

Ahang in, ka Pa deihna ahileh Tapa mu a, amah a um peuhpeuh in nuntak tawntungna nei-a, ni nunung ni ciangin amah ka thawhsak ding ahi hi," a ci hi.

John 6:57

A nungta Pa in kei hong sawl-a, Pa hangin kei ka nuntak bangin kei-a kivak peuhmah kei hangin a nungta ding hi.

John 7:29

Ahi hangin kei, ama kiang pan ka hi-a, amah in kei hong sawl ahi manin, amah ka thei hi," ci-in a kikokhia hi.

John 8:11

Numei in, "Kuamah in hong mawh paih kei, sia aw," a ci hi. Jesu in, "Ken zong kong mawhpaih kei hi, tu-in pai inla, mawhna tawh na nuntakna pen na nusia in," ci-in a thuhilh hi.

John 8:42

Jesu in amaute kiangah, "Na Pa uh Pasian ahileh note in kei nong it ding uh hi. Ahang in, kei Pasian kiang pana hong pai ka hi-a, tu-in hiah ka om hi. Keima thu-a hong pai hi loin hong sawlpa thu-a hong pai ka hi hi.

1 John 2:2

Amah, eite mawhnate thoihdamna dingin biakpiakna hi-a, eite ading bek hi lo leitung buppi mawhnate thoihdam nadinga c biakpiakna zong ahi hi.

1 John 4:14

Tua hi-a Pa in leitung Honpa dingin ama Tapa hong sawl zo hi, cih eite in i mu khin a, teci i pang hi.