John 3:15 - Zokam International Version

¹⁵ Amah a um mite khempeuh in, nuntak tawntungna a neih theih nading ahi hi. g

LAISIENGTHOU CL Bible (BSI)

¹⁵ Koipou Ama gingtain mangthai lou a, kumtawn hinna anei zawhna ding ahi.

Zo Bible

¹⁵ tua khu ama a um tapo in kumtawn hinna a nga nading ahi hi.

John 3:15 ပူးပေါင်းရင်းမြစ်များ

Isaiah 11:10

Tua ni ciangin mite dialkhai bangin Jesse Zungpi ding dinga, minam khempeuh in amah beelin ama khawlna mun a minthang ding hi.

Isaiah 45:22

"No leimongte a omte khempeuh aw, keimah longal Pasian dang om lo ahi manin kei lamah kihei-in kihonkhia un.

Misimna 21:9

Tua ciangin Moses in sumngo gul khat bawla, khuam tung khatah a khai hi. Tua ciangin mi khatpeuh gul in a tuka sumngo gul a et nak leh a nungta hi.

Matthew 18:10

"Hih naupangnote khat beek na simmawh kha kei in. Ahang in, vantunga om amau vansawltakte in, vantunga ka Pa maitang a mu ngitnget uh hi. a

Matthew 25:46

"Tua ciangin amaute tawntung gawtna ah pai ding uh a, a thumaante ahi uh leh tawntung nuntakna ah a pai ding uh hi," a ci hi.

Mark 16:16

Um-a a kibaptise-te peuhmah kihonkhia dinga, ahi hangin a um lo peuhmah a kimawhpaih ding hi.

Luke 19:10

Ahang in, Mihing Tapa, a mangsate zong ding le honkhia dinga hong pai ahi hi," a ci hi.

John 1:12

Ahi zongin amah a sangte khempeuh, ama min a umte khempeuh tungah Pasian tate suah nading thuneihna a pia hi.

John 16:33

Note in kei sungah lungnopna na ngah nadingun hih thute kong gen khin ta hi. Hih leitung ah note na lungmang ding uh hi. Ahi hangin kilungkhauhsak un! Leitung ka zo zo hi," a ci hi.

John 20:31

Ahi hangin Jesu, Christ hi-a, Pasian Tapa hi, cih na up theih a nading uh le tua upna hangin ama minin nuntakna na neih theih nadingun hihte a kigelh ahi hi.

John 3:16

Pasian in leitung it lua ahi manin, a Tapa a um khempeuh mangthang lo-a nuntak tawntungna a neih nadingin a Tapa khat neihsun h a pia hi.

John 3:36

Tapa a um mi peuhmah in nuntak tawntungna a nei hi; ahi hangin Tapa a nial peuhmah in nuntakna a mu kei ding hi; ahang in, Pasian thangpaihna ama tungah a om hi," d a ci hi.

John 5:24

"Thutak kong geninah, ka thugen za a, kei hong sawlpa a um peuh in nuntak tawntungna a nei hi; a kimawhpaih kei ding hi. Amah in sihna kantanin nuntakna ah tung zo hi.

John 6:27

A sia thei an ngah nadingin na na sep uh sangin Mihing Tapa hong piak ding, nuntak tawntungna donga kimang ding an ngah nadingin sem zaw un. Pa Pasian in amah a sanna ciamtehna ama tungah a koih zo hi," ci-in a dawng hi.

John 6:40

Ahang in, ka Pa deihna ahileh Tapa mu a, amah a um peuhpeuh in nuntak tawntungna nei-a, ni nunung ni ciangin amah ka thawhsak ding ahi hi," a ci hi.

John 6:47

Thutak kong geninah, a um mi in nuntak tawntungna a nei hi.

Nasepte 13:41

"‘No mizahpih hatte aw en un lamdang sa unla mangthang un; ahang in, mi khatpeuh in hong gen taleh na up ngei loh ding uh na khat, na nuntak sungun ka hih ding hi,’ f ci hi," a ci hi.

Nasepte 8:36

A paipai laitakun tui omna mun khat tung uh a, cilgehpa in, "En in, hih lai-ah tui a om hi. Bang hangin kibaptise lo ding ka hi hiam?" a ci hi.

Rome-te 5:21

Tua pen, sihna sungah mawhna in a uk bang tektek in i Topa Jesu Christ tungtawnin nuntak tawntungna a tun dingin hehpihna in thumaanna tungtawna a uk theih nading ahi hi.

1 Corinth-te 1:18

Ahang in, a mangthang mite adingin singlamteh thupuak, haina ahi hi. Ahi hangin hong kihonkhia eite adingin Pasian vangliatna ahi hi.

2 Corinth-te 4:3

Tua ciangin ko gen lungdamna-thu a kikhuh leh zong a mangthangte adinga kikhuh hi lel hi.

Galatia-te 2:16

thukham zuihzawhna hang hi lo, Jesu Christ upna hangin mi in diktansakna ngah hi cih i thei hi. Tua ahi ciangin eite in zong thukham zuihna hang hi lo, Christ upna hangin dik tansak-a i om theih nadingin Christ Jesu sungah i upna i nga hi; bang hang hiam cih leh thukham zuihna hangin kuamah dik a kitangsak kei ding hi.

Galatia-te 2:20

Jesu tawh ka kikilhlum zo a, kei ka nungta nawn kei hi; ahi hangin ka sungah Christ a nungta hi. Ka pumpi sunga ka nuntakna pen, kei hong it-in, kei ading amahmah a kipia pa Pasian Tapa upna-in a nungta ka hi hi.

Hebrews 10:39

Eite i hileh nungtolh-a kisiate laka i hi kei a, ahi hangin uma kihonkhiate i hizaw hi.

Hebrews 7:25

Tua ahi manin ama tungtawnin Pasian kianga a paite khempeuh kicingtakin b honkhia thei hi; bang hang hiam cih leh amaute tanga a thumsak dingin a nungta tawntung hi.

1 John 2:25

Amah in eite hong kamciam, hih nuntak tawntungna mah ahi hi.

1 John 5:1

Jesu in Christ ahi hi, ci-a a umte peuhmah Pasian pana suak hi-a a pa a it peuhmah in a ta zong a it hi.

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.