John 20:31 - Zokam International Version

³¹ Ahi hangin Jesu, Christ hi-a, Pasian Tapa hi, cih na up theih a nading uh le tua upna hangin ama minin nuntakna na neih theih nadingun hihte a kigelh ahi hi.

LAISIENGTHOU CL Bible (BSI)

³¹ Hinanleh tamte pen nouten Jesu Khrist Pasian Tapa ahi chi na gintat na ding u’leh, na gintat zieh ua amina hinna na nei na ding ua kigiel ahi.

Zo Bible

³¹ Ahi vangin Jesu in Messiah hi a, Pasien’ Tapa ahina thu na up thei nading ule tua banga na upna uh tungtawnin ama’ min tawh hinna na nei thei nading vua tam thute kigiel ahi hi.

John 20:31 ပူးပေါင်းရင်းမြစ်များ

Phatna-late 2:12

Tapa nam un, tua hi kei leh amah heh kha dinga, ama thangpaihna thakhatin kuang thei ahi manin na lampi-ah hong susia kha ding hi. Amah a bel mi khempeuh thupha ngah ahi hi.

Phatna-late 2:7

TOPA thukip ka tangko ding hi. Amah in, "Nang ka Tapa d na hi hi tu ni-in kei na Pa e ka suakkhin hi.

Matthew 16:16

Simon Peter in, "Nang, a nungta Pasian Tapa, Christ b na hi hi," ci-in a dawng hi.

Matthew 27:54

Jesu luang a cingte le zakhat-ukpa in, zinling le thupiang teng a muh uh ciangin lau mahmah uh a, "Pasian Tapa c lah a hi takpi a!" a ci uh hi.

Matthew 4:3

Tua zia-etpa a kiangah va pai-a, "Nang Pasian Tapa na hileh hih suangte anlum suaksak in," a ci hi.

Mark 16:16

Um-a a kibaptise-te peuhmah kihonkhia dinga, ahi hangin a um lo peuhmah a kimawhpaih ding hi.

Luke 1:35

Vansawltak in, "Nang tungah Khasiangtho hong tung dinga Sang Penpa vang in nang hong sung ding hi. Tua ahi ciangin a suak ding misiangthopa, Pasian Tapa kici a ding hi.

Luke 1:4

Tua pen nang hong kihilhte a taktak a hina na theih nading ahi hi.

Luke 24:47

Jerusalem pan kipankhia in, ama minin minamte khempeuh tungah kisikna le mawh maisakna thu a kihilh ding hi.

John 1:49

Tua ciangin Nathanael in, "Rabbi, nang Pasian Tapa na hi hi. Israel Kumpipa na hi hi," ci-in a genkhia hi.

John 10:10

Gutate ahileh, a gu ding, a that ding le a siasak ding beka pai ahi hi. Kei ka hileh amaute in nuntakna a neih nading, adim a neih nadingun hong pai ka hi hi.

John 19:35

A mu pa in a muh thu teci panga, ama teci panna thutak ahi hi. Amah in thutak gen ahilam thei a, nang zong na up theih nadingin teci a pang hi.

John 20:28

Thomas in, "Ka Topa le ka Pasian!" a ci hi.

John 3:18

Amah a um khempeuh a kimawhpaih kei hi. Ahi hangin amah a um lo mi peuhmah Pasian Tapa i khat neihsun a min um lo ahi manin mawh paihsa ahi hi.

John 3:36

Tapa a um mi peuhmah in nuntak tawntungna a nei hi; ahi hangin Tapa a nial peuhmah in nuntakna a mu kei ding hi; ahang in, Pasian thangpaihna ama tungah a om hi," d a ci hi.

John 5:24

"Thutak kong geninah, ka thugen za a, kei hong sawlpa a um peuh in nuntak tawntungna a nei hi; a kimawhpaih kei ding hi. Amah in sihna kantanin nuntakna ah tung zo hi.

John 6:40

Ahang in, ka Pa deihna ahileh Tapa mu a, amah a um peuhpeuh in nuntak tawntungna nei-a, ni nunung ni ciangin amah ka thawhsak ding ahi hi," a ci hi.

Nasepte 10:43

Amah a umte khempeuh in ama min tungtawnin mawh maina a ngah nading uh thu, kamsangte khempeuh in teci a pang zo uh hi," a ci hi.

Nasepte 3:16

Note in na muh uh le na theih uh hih mipa Jesu min upna hangin kihatsak hi. Note khempeuh in na muh uh bangin ama tunga damsiangna a pia pen Jesu min le ama tungtawna hong pai upna ahi hi.

Nasepte 8:36

A paipai laitakun tui omna mun khat tung uh a, cilgehpa in, "En in, hih lai-ah tui a om hi. Bang hangin kibaptise lo ding ka hi hiam?" a ci hi.

Nasepte 8:37

Philip in, "Na lungsim khempeuh tawh na up leh na kibaptise thei hi," a ci hi. Cilgehpa in, "Jesu Christ, Pasian Tapa hi, cih ka um hi," b ci-in a dawng hi.

Nasepte 9:20

Amah in synagogue-te sungah Jesu, Pasian Tapa hi, cih thuhilh a kipan pah hi.

1 Peter 1:9

Ahang in, na upna un a tup note kihotkhiatna a ngah na hi uh hi.

1 John 4:15

Mi khatpeuh in, Jesu, Pasian Tapa hi, ci-a a san leh ama sungah Pasian tenga, Pasian sungah amah a teng hi.

1 John 5:1

Jesu in Christ ahi hi, ci-a a umte peuhmah Pasian pana suak hi-a a pa a it peuhmah in a ta zong a it hi.

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.

2 John 1:9

Mi khatpeuh a khengvalin pai a, Christ thuhilhna-a a om den lo pa in Pasian a nei kei hi; tua hilhna-a a om den peuhmah in Pa le Tapa a nei khawm hi.

Kilaakna 2:18

"Thyatira a pawlpi vansawltak tungah gelh in: Hihte, a mitte meikuanglai a bang, a khepekte sumngo nawtngilsa a bang, Pasian Tapa kammalte ahi hi: