John 20:16 - Zokam International Version

¹⁶ Jesu in, "Mary" ci-in a sam hi. Ama lam nga-in amah kihei a Aram pau in, "Rabboni!" (Sia cihna) ci-in a awngkhia hi.

LAISIENGTHOU CL Bible (BSI)

¹⁶ Jesu’n akungah, “Mari” achi a, amanu akihei a, akungah “Rabboni” achi hi. Tua pen Siepa china ahi.

Zo Bible

¹⁶ Jesu in ama kungah, “Mary!” a ci leh Mary zong kinua hei-in Hebrew hamin, Rabboni!” ci a, (tua khu Siepa a cinopna ahi hi).

John 20:16 ပူးပေါင်းရင်းမြစ်များ

Piancilna 22:1

Tua khit a sawt loin Pasian in Abraham a sin hi. Amah in, "Abraham," ci-in sama, amah in, "Hiah ka om hi," ci-in a dawng hi.

Piancilna 22:11

Ahi hangin TOPA’ vansawltak in van panin, "Abraham, Abraham," ci-in a sam hi. Amah in, "Hiah ka om hi," ci-in a dawng hi.

Piancilna 45:12

"Note kianga thugen kei mahmah ka hina note le ka sanggampa Benjamin mahmah in zong a mu hi.

Paikhiatna 3:4

A en dinga tua lai-a a pai TOPA in a muh ciangin Pasian in, "Moses, Moses!" ci-in sawlbawk kawm panin a sam hi. Tua ciangin Moses in, "Hih lai-ah ka om hi," a ci hi.

Paikhiatna 33:17

Tua ciangin TOPA in Moses kiangah,"Nong ngetsa tektek mah kong hihsak ding hi, bang hang hiam cihleh nang tungah ka lungkima, na minin kong thei hi," a ci hi.

Zailate’ Zaila 3:4

Amau’ nua ciang ka siat nua’n e lunglai kuai tawh dawnbang tuak ing e. Mimbang pianna ka tun saunuam kei hong paii lam gialbang kiatna ka tunnu siangsung ka tut dong khah lo sialbang kai ing e.

Zailate’ Zaila 5:2

Laikhun tung sambang zal tahal, sinlung maimit sing maw’ng e. Ngai dih sin aw! Ka sannem in kot hong kiu ve’n, "Kot hong hon aw ka laizom ka zunngek aw, ka khuvano lelbaang lo aw e. Ka sumlu teng zingdai nom’n tuam ve’n, ka besam dong nomsak lawm aw" hong ci e.

Isaiah 43:1

Ahi hangin, tu-in hih in TOPA gen ahi hi - Jacob aw, note hong piangsak amah hi a, Israel aw, note hong bawl amah hi: "Note hong tankhin ka hi manin lau kei un; na minun kong sam khin a; note kei aa na hi uh hi.

Matthew 14:27

Ahi hangin amaute kiangah Jesu in, "Lau kei un! Keimah ka hi hi. Hong kihta kei un," a cipah hi.

Mark 10:51

Jesu in, "Bang kong hihsak ding deih na hi hiam?" ci-in amah a dong hi. Tua mittawpa in, "Rabbi aw, khua ka mu thei nuam hi," a ci hi.

Luke 10:41

Topa in, "Martha, Martha aw, na tampi lunghimawhin na lunggim hi.

John 1:38

Jesu kihei-a, amaute in a nung a zuih uh a muh ciangin, "Bang deih na hi uh hiam?" ci-in a dong hi. Amaute in, "Rabbi, (Siapa cihna) nang koi-a taam na hi hiam?" a ci uh hi.

John 1:49

Tua ciangin Nathanael in, "Rabbi, nang Pasian Tapa na hi hi. Israel Kumpipa na hi hi," ci-in a genkhia hi.

John 10:3

Kong cingpa in amah kong honin tuute in a aw a ngai uh hi. Ama tuute a minin sama a pikhia hi.

John 11:28

Hih teng a gen khit ciangin kileh kika, a sanggamnu Mary a va sam tuam hi. Amah in, "Siapa hih lai ah om-a, nang hong kan hi," a ci hi.

John 13:13

"Note in kei ‘Sia’ le ‘Topa’ nong ci uh a, amaan hi; kei zong tua mah ka hi hi.

John 20:28

Thomas in, "Ka Topa le ka Pasian!" a ci hi.

John 3:2

Amah zanin Jesu kiangah va pai-a, "Rabbi aw, Pasian kiang pana hong pai siapa na hi cih ka thei uh hi. Ahang in, Pasian in a ompih kei leh kuamah in na bawl lim lamdangte a bawl thei kei ding hi," a ci hi.

John 5:2

Jerusalem a, Tuu kongpi kici kiangah Aram pau-a Bethsaida a kici tuili khat a om hi. Tua tuili kimkotah talap nga a om hi.

John 6:25

Tuilipi galkhatah amah a muh uh ciangin amaute in, "Rabbi aw, cik-a hihtak tung na hi hiam?" ci-in a dong uh hi.

Nasepte 10:3

Ni khat, nitak lam nai thum pawlin mang a mu hi. Topa vansawltak khat ama kianga pai kiciantakin mu a, amah in, "Cornelius!" a ci hi.

Nasepte 9:4

Amah lei lakah puka, aw khat in, "Saul, Saul, bang hangin kei hong bawlsia na hi hiam?" a cih a za hi.

1 Samuel 3:10

TOPA pai-in tua lai-ah dinga a hun danga mah bangin, "Samuel! Samuel" ci-in a sam hi. Tua ciangin Samuel in, "Na nasempa in ka ngai hi, hong gen in," a ci hi.

1 Samuel 3:6

TOPA in, "Samuel!" ci-in a sam kik hi. Tuateh Samuel thoin Eli kiangah pai-a, "Hong sam na hia; hiah ka om hi" a ci hi. Eli in, "Ka tapa aw, hong sam ke’ng, pai kik inla lum in," a ci hi.