John 2:11 - Zokam International Version

¹¹ Jesu nalamdang bawlte lakah a masa pen hih Galilee gam Cana-a a bawl ahi hi. Amah in a minthanna tua bangin kilaaka, a nungzuite in amah a um uh hi.

LAISIENGTHOU CL Bible (BSI)

¹¹ Tami chiemtena lamdang kipatna Jesu’n Galili gam a Kana khuo a abawl ahia; tualeh athupina akilang sah hi, anuazuiten Ama agingta ta uhi.

Zo Bible

¹¹ Jesu in Galilee gam Cana khuo ah a masa pen tami na lamdang bawlin, tuaci’n ama’ minthanna a kilangsah hi; tuale a nuazuite in zong ama a um uhi.

John 2:11 ပူးပေါင်းရင်းမြစ်များ

1 Kumpite 17:24

Tua ciangin numei in Elijah kiangah, "Tu-in Pasian mipa na hilam le na kam pana TOPA kammalte thutak ahilam ka thei hi," a ci hi.

Phatna-late 72:19

A minthang ama min kiphat tawntung henla, leitung buppi ama minthanna dim hen. Amen, Amen.

Phatna-late 96:3

Minamte lakah ama minthanna pulak unla, mi khempeuh lakah a nasep piandangte pulak un.

Paikhiatna 14:31

Tua hi a, Israel-te in TOPA in Egypt-te langah ama vangliatna a kilatsak a muh uh ciangin mite in TOPA kihta uh a, amah le a nasempa Moses a muang uh hi.

Paikhiatna 4:9

Ahi hangin amaute in hih lim nihte um lo-a, na thu hong ngaih kei uh leh Nile panin tui tawm suakkhia inla leikeu tungah sung in. Gun pana na suahkhiat tui pen lei tungah sisan a suak ding hi," a ci hi.

Thuhilhna 9:7

Pasian na nasepna hong angvanna ahi manin: pai in lungkimtakin na an ne inla lung nuamtakin na zu dawn in.

Isaiah 40:5

Tua ciangin TOPA minthanna kilaak dinga, mihing khempeuh in a mu ding uh hi. Ahang in, TOPA kam in a gensa ahi hi.

Malachi 2:2

Thu ngai loin ka min pahtawi ding na ngaihsut kei uh leh kong hamsiat dinga, na thuphate uh ka hamsiat ding hi," Thahatpen TOPA in ci hi. "Hihi, na lungsimun kei pahtawi ding ngaihsun lo na hi manun amaute ka hamsiat khin hi.

John 1:14

Tua Thu, ci-le-sa suak a, eite lakah amah a teng hi. Eite in ama minthanna - Pa kiang pana hong pai thutak le hehpihna a dim Tapa d neihsun minthanna i mu khin hi.

John 1:17

Ahang in, Moses tungtawnin thukham kipia hi. Jesu Christ tungtawnin hehpihna le thutak hong pai ahi hi.

John 1:43

A zing ciangin Jesu in Galilee lamah pai a sawm hi. Philip mu-a, "Ka nung hong zui in," a ci hi.

John 1:50

Jesu in, "Theikung nuai-ah nang kong mu zo hi, ci-a kong gen manin na um d hi. Tua sanga thupizaw nate na mu ding hi," a ci hi.

John 10:41

a kiangah mi tampi a va pai uh hi. Amaute in, "John in na lamdang a bawl ngei loh hangin hih mipa thu a gen khempeuh amaan hi," a ci uh hi.

John 11:15

na up theih nadingun kei tua lai-a ka om loh note adingin ka nuam hi. Ahi zongin ama kiangah pai ni," ci-in a telgen hi.

John 11:47

Tua ciangin siampi makaite le Pharisee-te in Sanhedrin kikhop a sam uh hi. Amaute in, "A bangci tazen i hi hiam? Hih mipa in limlamdangte bawlbawl a;

John 12:18

Hih nalamdang a bawlna thu a zak manun mi tampite amah dawn dingin a kuankhia uh hi.

John 12:37

Jesu in amaute om-a, hih lim lam dangte a bawl khit nangawnin amaute in a um tuan kei lailai uh hi.

John 12:41

Isaiah in Jesu minthanna mu zo ahi manin ama thu a na gen ahi hi.

John 14:13

Tapa in Pa tungah minthanna a puak theih nadingin kei min suanga na nget peuhpeuh uh ka na sepsak ding hi.

John 16:27

Hi lo hi, Pa mahmah in note hong it hi, bang hang hiam cih leh note in kei nong it uh a, Pa kiang pana hong pai ka hilam na um uh hi.

John 16:30

Tu-in ahileh na khempeuh na thei a, kuama hong dot nangawn a kul kei hi, cih ka thei ta uh hi. Nang, Pasian kiang pana hong pai na hilam hih in ko hong umsak ta hi," a ci uh hi.

John 2:1

A ni thum ni-in Galilee gam Cana ah mopawi khat a om hi. Tua lai-ah Jesu nu om a,

John 2:23

Paisan Pawi sung Jerusalem a, a om laitakin, a lim lamdang bawlte mi tampi in mu uh a, ama min a um uh hi. b

John 3:2

Amah zanin Jesu kiangah va pai-a, "Rabbi aw, Pasian kiang pana hong pai siapa na hi cih ka thei uh hi. Ahang in, Pasian in a ompih kei leh kuamah in na bawl lim lamdangte a bawl thei kei ding hi," a ci hi.

John 4:3

Topa in hih thu a zak ciangin Judea gam nusia-a, Galilee gamah khat vei a pai kik hi.

John 4:46

Tui, lenggahzu a suahsakna mun Galilee gam Cana ah khat vei va hawh kik hi. Tua lai-ah kumpi nasem ulian khat oma, a tapa Capernaum ah cina-in a lum hi.

John 4:54

Hih pen Judea pan Galilee ah Jesu, tun zawh nalamdang a bawl a nihna ahi hi.

John 5:23

tua pen mi khempeuh in Pa a pahtawi bangin Tapa a pahtawi nading uh ahi hi. Tapa a pahtawi lote in amah a sawlpa, Pa pahtawi lo ahi hi.

John 6:14

Jesu nalamdang bawl mite in a muh khit uh ciangin, "Hih pa, leitunga hong pai ding Kamsangpa hi takpi hi," a ci pan uh hi.

John 6:2

Mihon tampi in cinate tunga a hihsa lim lamdangte mu uh ahi manin amah a zui uh hi.

John 6:26

Jesu in thutak kong geninah, lim lamdang na muh manun kei hong zong na hi kei uh a, anlum ne in na gilvah manun kei hong zong na hi uh hi.

John 6:30

Tua ciangin amaute in, "Tua ahileh ka muh uh cianga nang kong up theih nadingun lim lamdang bang nong lak ding hiam? Bang hih ding na hi hiam?

John 7:31

Tua hi napi mipite lakah tampi in amah a um lai uh hi. Amaute in, "Christ hong pai ciangin hih mipa bawl sangin lim lamdang zaw a bawl ding hiam?" a kici uh hi.

John 9:16

Pharisee-te pawlkhat in, "Tua mipa in Sabbath ni tang lo ahi manin Pasian kiang pana hong pai ahi kei hi," a ci uh hi. Adangte in, "Mawh nei mi khat in tua bang limlamdang bangci bawl theih ding ahi hiam?" a ci uh hi. Tua ciangin amaute a kipawlkhen uh hi.

2 Corinth-te 3:18

Maitang kikhuh lo-a Topa minthanna a tang sawnsak a kote pen Kha ahi Topa tung pana hong tung, a lian semsem minthanna tawh amah bang dingin hong kibawlpha den hi.

2 Corinth-te 4:17

Ahang in, a cihtak lo le hun tomno sunga ka thuak uh lungkhamnate in tuate khempeuh a khup tawntung minthanna kote hong ngahsak hi.

2 Corinth-te 4:6

Ahang in, "Khuamial lak panin khuavak tang hen," b a cipa Pasian in Christ maitang a om Pasian minthanna, tua theihna khuavak hong piak nadingin kote lungsim sungah khuavak hong tangsak hi.

Thupiakkikna 5:24

Tuateh note in, "TOPA note Pasian in a minthanna le a thupina eite hong lak khin a, meikuang lak panin ama aw i za hi. Pasian in mite hopih ta leh mite a nuntak lai veve lam tuni-in i mu hi.

1 John 5:13

Pasian Tapa min a um note in nuntak tawntungna na neih lam uh na theih nadingun no tungah hihte kong gelh hi.