John 19:17 - Zokam International Version

¹⁷ Ama singlamteh ding amah in pua-a, Luguh Mun (Aram pau-a Golgotha kici) lamah a paikhia hi.

LAISIENGTHOU CL Bible (BSI)

¹⁷ Tualeh Aman akross kipuohin Hebru ham a Golgotha kichi lugu mun lam ah apeita hi.

Zo Bible

¹⁷ Tuaci’n amate in Jesu peipi-in ama’ singlamte ding ama in puo a, Hebrew hamin Golgotha a kici Lutang Gu Mun-ah a pusuoh hi.

John 19:17 ပူးပေါင်းရင်းမြစ်များ

Piancilna 22:6

Abraham in meihal biakna-a zat ding singte la-a, a tapa Isaac suanin, aman mei le temta bek a pua hi. Tua ci-in amau gel a pai kawmun

1 Kumpite 21:13

Tua ciangin mibang lo nih hong pai uh a, amah tawh kigalsai in a tu uh hi; mite mai-ah Naboth mawhsak uh a, "Naboth in Pasian le kumpipa hamsiat hi," a ci uh hi. Tua ciangin amah khuanawl ah paikhiatpih in suangin a denglum uh hi.

Siampi Laibu 24:14

"Tua Pasian min gendaipa giahphual pualamah paikhiatpih un. Ama kampau a za mi khempeuh in tuapa lutungah a khut uh nga ding uh a, mipi khempeuh in amah suangin a deng ding uh hi.

Matthew 10:38

Ama singlamteh kisuana ka nung hong zui lote peuhmah kei adingin a cin kei hi.

Matthew 16:24

Tua ciangin Jesu in a nungzuite kiangah, "Mi khatpeuh in ka nung hong zuih ding leh amah le amah kinialin, ama singlamteh kisuanin hong zuih pelmawh kul hi.

Matthew 27:37

Amaute in: HIH JEW-TE KUMPIPA, JESU HI, ci-in a mawhmatna uh lai, a lutung sanah a suang uh hi.

Mark 10:21

Jesu in amah enin it a, "Na khat na kisam lai hi. Pai-in, na neihsa khempeuh zuak inla mizawngte pia in. Tua hileh vantungah gou na nei ding hi. Tua khit ciangin hong pai inla kei hong zui in," a ci hi.

Mark 15:26

Amah kimawhmatna-in JEW-TE KUMPIPA, ci-in theihsakna lai kigelh hi.

Mark 15:32

I mitin mu a i up theih nadingin hih Israel-te kumpipa, hih Christ e singlamteh tung pan hong kumsuk ta hen," a ci uh hi. Tua mah bangin amah tawh a kikilh khawmte in zong a engko uh hi.

Mark 8:34

Tua ciangin a nungzuite le mihonpite ama kiangah sama, "Mi khatpeuh in ka nung hong zuih nop leh pel loin amah le mah kinialin, ama singlamteh kisuanin hong zui ding hi.

Luke 14:27

Tua hi-a ama singlamteh pua-a ka nung hong zui lo peuhmah ka nungzui a hi thei kei ding hi.

Luke 23:26

Amaute in amah a paikhiatpih laitakun gamsung panin tua lai hong tawn Cyrene mi Simon lencip uh a, amah singlamteh suanin Jesu nung zui-in singlamteh a puasak uh hi.

Luke 23:33

Luguh kici munah amaute a tun uh ciangin tua lai-ah amah le tatkhialhna lian a neite - a taklam khat, a veilam khat tawh singlamteh tungah a kilh uh hi.

Luke 23:38

Ama lutung santakah: HIH PA JEW-TE KUMPIPA HI ci-in theih-sakna lai a suang uh hi.

Luke 9:23

Tua ciangin amah in amaute khempeuh kiangah, "Mi khatpeuh in ka nung hong zuih nop leh amah leh amah kinial pelmawh dinga nisimin ama singlamteh kisuanin hong zuih kul hi.

John 19:13

Pilate in hih thu a zak ciangin Jesu a pualam ah paikhiatpih a, Suangphah (Aram pau in Gabbatha) kici mun-a thukhenna tokhom tungah a tu hi.

John 5:2

Jerusalem a, Tuu kongpi kici kiangah Aram pau-a Bethsaida a kici tuili khat a om hi. Tua tuili kimkotah talap nga a om hi.

Nasepte 7:58

Khuapi sung panin talkaih gawp uh a, suangin a deng uh hi. Tua hun tektekin tecite in Saul kici tangvalno khat khephungah a puante uh a koih uh hi.