John 17:3 - Zokam International Version

³ Tu-in hih in nuntak tawntungna ahi: nang bek a maan Pasian na hina le na sawlpa Jesu Christ a theihna uh ahi hi.

LAISIENGTHOU CL Bible (BSI)

³ Tualeh tami ahi kumtawn hinna, Nang Pasian dihtah thei leh na sawl Jesu Khrist athei uh.

Zo Bible

³ Tuale amate in nang beh Pasien man tahtah na hina le na sawlpa Jesu Khris a thei siemna uh pen kumtawn hinna ahi hi.

John 17:3 ပူးပေါင်းရင်းမြစ်များ

1 Khangthute 28:9

Tuateh nang ka tapa Solomon aw, na pa’ Pasian thei in, TOPA in lungsim khempeuh zonga ngaihsutna zui-a gamtatnate theitel ahi manin na lungsim neihzahin ki-ap inla lungsim utsa in ama na sem in. Amah na zon leh na mu ding hi; amah na taisan leh amah in a tawntungin nang hong nolh ding hi.

2 Khangthute 15:3

Israel-te sawtveipi Pasian maan tawh sung omlo uh a, a hilh ding siampi khat tawh zong om loin thukham loin a om uh hi.

Phatna-late 9:10

TOPA aw, nang in nang hong zongte taisan ngei lo na hi manin, na min hong theite in nang hong muang ding uh hi.

Paunakte 8:35

Ahang in kei hong zong peuhmah in nuntakna mu hi-a, TOPA angvanna a ngah hi.

Isaiah 48:16

Ka kiang hong naih unla hih thu ngai dih un: "Ka zaksak masa pena kipan a simthamin ka gen kei hi; tua hun mah in pianga, tualai ah kei ka om hi." Tua hi a tu-in Thupipen TOPA in ama Kha tawh kei hong sawl hi.

Isaiah 53:11

A hinna in a thuak khit ciangin, nuntakna g khuavak mu dinga a lungkim h ding hi; a thumaan ka nasempa in, ama theihna i tawh mi tampi dik tangsak dinga, amaute mawhna a puaksak ding hi.

Isaiah 61:1

Mizawngte tungah lungdamna thu hilh dingin TOPA in kei sathau hong nilh khin ahi manin Thupipen TOPA’ Kha kei tungah a om hi. Amah in lungsim kitamte khui kik ding, sal-a kimante suahtak nading le thong a kiate a khahkhiat nading tangko ding,

Jeremiah 10:10

Ahi hangin amaan Pasian TOPA hi a; amah a nungta Pasian, a tawntunga Kumpipa ahi hi. Amah a heh ciangin leitung kilinga, ama thangpaihna minamte in a nang zo kei uh hi.

Hosea 6:3

Eite in TOPA phawk ni; amah phawk ding ngaihsun tentan ni. Ni a suah pelmawh bangin amah hong kilang pelmawh ding hi; tuklai-a guahzuk bangin eite kiangah hong pai dinga, leitung tui a buak sikhiau guah bangin amah hong pai ding hi."

Mark 9:37

"Keima min hangin hih bang naupangno khat a sang peuhmah kei hong sang ahi hi. Kei hong sang peuhmah, keimah hong sang hi loin kei hong sawlpa a sang ahi hi," a ci hi.

Luke 9:48

Tua ciangin amah in amaute kiangah, "Keima min hangin hih naupnangno a sang peuhpeuh, kei hong sang ahi hi; kei hong sang peuhpeuh kei hong sawlpa a sang ahi hi. Ahang in, note khempeuh laka a neupen in a lianpen ahi hi," a ci hi.

John 10:36

Pasian in ama aa mahmah a, a sehtuampa le leitunga, a sawlpa kua hi ding hiam? ‘Pasian Tapa ka hi hi’ ka cih mana bang hangin Pasian gendai a hong ngawh na hi uh hiam?

John 11:42

Ka thu nong sang tawntung cih ka thei hi. Ahi hangin hih lai-a ding mite phattuam nading, nang kei hong sawl na hilam a up nading uh deihna-in hih ka gen hi," a ci hi.

John 14:26

Ahi hangin tua Thukuppihpa keima mina Pa in hong sawl ding tua Khasiangtho in na khempeuh hong hilh dinga, kong gensa khempeuh hong phawkkiksak ding hi.

John 17:18

Leitungah kei nong sawl bangin, amaute leitungah ka sawl zo hi.

John 17:21

Pa aw, nang kei sungah na om a, kei nang sungah ka om bang tektekin amaute khat a suah theih nadingun kong ngen hi. Nang, kei nong sawl ahilam leitung in a up nadingin amaute zong ei sungah om uh hen.

John 17:23

Amaute sungah kei ka oma kei sungah nang na om hi. Nang, kei nong sawl le kei nong it bangin amaute na it cih leitung in a theih nadingin amaute kiciantakin pumkhat suak uh hen.

John 17:25

"A thumaan Pa aw, leitung in nang hong thei kei zongin, ken nang kong thei-a, nang, kei nong sawl amaute in a thei uh hi.

John 17:8

Ahang in, kei nong piak thute, amaute ka pia-a, tuate a sang uh hi. Amaute in nang kiang pana pai ka hilam theitel uh a, nang kei nong sawl zong a um uh hi.

John 3:17

Ahang in, leitung mawhpaihsak dingin Pasian in a Tapa leitungah a sawl kei hi. Ama tung tawnin leitung a honkhia dingin a sawl hizaw hi.

John 3:34

Ahang in, Pasian sawlpa in Pasian thute a gen hi. Pasian c in ama tungah ciangtan loin Kha a pia hi.

John 5:44

Note khat le khat kiphatna kisangin, Pasian khat bek b hong phatna ngah ding na sawm kei uh leh bangci up thei ding na hi uh hiam?

John 6:57

A nungta Pa in kei hong sawl-a, Pa hangin kei ka nuntak bangin kei-a kivak peuhmah kei hangin a nungta ding hi.

John 7:29

Ahi hangin kei, ama kiang pan ka hi-a, amah in kei hong sawl ahi manin, amah ka thei hi," ci-in a kikokhia hi.

John 8:19

Tua ciangin amaute in, "Na Pa koi-ah om hiam?" ci-in a dong uh hi. Jesu in, "Note in kei ka hi-a, ka Pa ahi zongin na thei kei uh hi. Kei hong thei le uh cin, ka Pa zong na thei ding uh hi," ci-in a dawng hi.

1 Corinth-te 15:34

Note ahi ding bangin kiphawk kik unla, mawh nawn kei un; Pasian phawk lo pawlkhat om na hi manun na maizum nadingun hih thu kong gen hi.

1 Corinth-te 8:4

Tua tak ciangin milim thoihna an nekna thu panin milim pen, leitung ah bangmah a hi lopi hi-a Pasian khat longal adang om lo cih i thei hi.

2 Corinth-te 4:6

Ahang in, "Khuamial lak panin khuavak tang hen," b a cipa Pasian in Christ maitang a om Pasian minthanna, tua theihna khuavak hong piak nadingin kote lungsim sungah khuavak hong tangsak hi.

Philippi-te 3:10

Christ le ama thawhkikna’ vangliatna le a thuaknate thuakpihna, a sihna ah amah tawh kibatna ka thei nuam hi.

Philippi-te 3:8

Tua tham loin ka Topa Christ Jesu theihna a thupi luatna tawh tehin na khempeuh supna-in ka sima, ama hangin na khempeuh ka taan zo hi. Tuate khempeuh ninneng bangin ka ngaihsun hi, Christ ka ngah nading le

1 THESSALONIKA 1:9

Ahang in, amaute mah in kote nong sanna zia uh hong zasak sawn uh hi. Milimte na biakna uh pan, a nungta a maan Pasian nasem dingin Pasian lama na kihei zia uh le

2 THESSALONIKA 1:8

Amah in Pasian a thei lote le i Topa Jesu lungdamna-thu a mang lote a gawt ding hi.

Hebrews 3:1

Tua ahi manin vantung-lam sapna a ngah a siangtho sanggamte aw, eite in i pulak tua sawltakpi le tulpi Jesu tungah na ngaihsutnate uh kipsak un.

2 Peter 1:2

Pasian le i Topa Jesu theihna tungtawnin hehpihna le lemna adimin note aa hi ta hen.

2 Peter 1:3

Ama minthanna le a hoihna tawh hong sampa, amah i theihna tungtawnin nuntak nading le i pasianmi theih nadinga kisam khempeuh ama Pasian vangliatna in hong pia zo hi.

2 Peter 1:8

Ahang in, hih hoihnate ah na khan semsem uh leh i Topa Jesu Christ na theihna uhah muibut lohna le gahsuah lohna panin hong hu ding hi.

1 John 1:2

Tua nuntakna hong kilang zo a, kote in mu khinin teci ka pang uh a, Pa tawh a om khawm ko kianga hong kilak tua nuntak tawntungna no tungah kong tangko uh hi.

1 John 1:3

Note zong kote tawh na kipawl theih nadingun, ka muhsa uh le ka zaksate uh no tungah kong tangko uh hi. Kote kipawlna ahileh Pa le ama Tapa Jesu Christ tawh kipawlna ahi hi.

1 John 2:23

Tapa a nial peuhmah in Pa a nei kei hi. Tapa a sang peuhmah in Pa zong a nei hi.

1 John 4:6

Eite Pasian pan i hi-a, Pasian a thei peuhmah in i thu a ngai uh hi. Ahi hangin Pasian pan ahi lo peuhmah in i thu a ngai kei uh hi. Thutak Kha a le zuauna kha i khentel theihna hih bang ahi hi.

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.