John 17:25 - Zokam International Version

²⁵ "A thumaan Pa aw, leitung in nang hong thei kei zongin, ken nang kong thei-a, nang, kei nong sawl amaute in a thei uh hi.

LAISIENGTHOU CL Bible (BSI)

²⁵ Pa dihtat aw, leitungin Nang ahing theisih a, hinanleh Ken ka hing thei hi, tualeh nang kei na hing sawl hi chi tam miten zong atheita uhi.

Zo Bible

²⁵ “A thuman ka Pa aw, leitung mite in ang thei sih vangin keima in nang kang thei hi; tuale tamte in zong kei nei sawl lam a thei uhi.

John 17:25 ပူးပေါင်းရင်းမြစ်များ

Isaiah 45:21

Bang piang ding hiam genkhia-in thu sung un - amaute kikumkhawmsak un. hih thu sawt pekin kua in genkhol a, hun beisa lai-in kua in genkhia ahi hiam? a genkhia keimah TOPA hi lo ka hi hiam? Keimah Pasian longal a thumaan Pasian le Honpa dang kuamah a om kei hi; kuamah om lo hi, keimah ka hi hi.

Matthew 11:27

"Ka Pa in na khempeuh kei hong ap zo hi. Pa longal kuamah in Tapa a thei kei hi. Tapa le Tapa in amah a lah theih nadinga a teel mite longal in Pa a thei kei uh hi.

Matthew 16:16

Simon Peter in, "Nang, a nungta Pasian Tapa, Christ b na hi hi," ci-in a dawng hi.

Luke 10:22

"Ka Pa in na khempeuh kei hong ap zo hi. Tapa kua hiam, cih Pa longal kumah in thei lo-a, Pa kua hiam, cih Tapa le Tapa in a theihsak dinga a teelte longal kuamah in a thei kei uh hi," a ci hi.

John 1:18

Kuamah in Pasian a mu ngei kei hi. Ahi hangin Pa kianga om Tapa neihsun bek e f in amah a kitheisak zo hi.

John 10:15

Pa in kei hong theih bang tektekin kei zong Pa ka thei hi - tua hi-a ka tuute ading ka nuntakna ka kham hi.

John 15:21

Ka min hangin amaute in note hih bangin hong bawl ding uh hi. Ahang in, amaute in kei hong Sawlpa a thei kei uh hi.

John 16:27

Hi lo hi, Pa mahmah in note hong it hi, bang hang hiam cih leh note in kei nong it uh a, Pa kiang pana hong pai ka hilam na um uh hi.

John 16:3

Kei ka hi a, ka Pa ahi zongin hong thei lo uh ahi manin amaute in tua bangin a hih ding uh hi.

John 16:30

Tu-in ahileh na khempeuh na thei a, kuama hong dot nangawn a kul kei hi, cih ka thei ta uh hi. Nang, Pasian kiang pana hong pai na hilam hih in ko hong umsak ta hi," a ci uh hi.

John 17:11

Leitung ah sawt ka om nawn kei ding hi. Ahi hangin amaute leitung ah om lai ding uh a, nang kiangah kei kong pai ding hi. A Siangtho Pa aw, nang le kei khat i hi bangin, amaute khat ahi theih nading un kei nong piaksa min - nangma min vangliatna tawh amaute hu in.

John 17:18

Leitungah kei nong sawl bangin, amaute leitungah ka sawl zo hi.

John 17:21

Pa aw, nang kei sungah na om a, kei nang sungah ka om bang tektekin amaute khat a suah theih nadingun kong ngen hi. Nang, kei nong sawl ahilam leitung in a up nadingin amaute zong ei sungah om uh hen.

John 17:23

Amaute sungah kei ka oma kei sungah nang na om hi. Nang, kei nong sawl le kei nong it bangin amaute na it cih leitung in a theih nadingin amaute kiciantakin pumkhat suak uh hen.

John 17:3

Tu-in hih in nuntak tawntungna ahi: nang bek a maan Pasian na hina le na sawlpa Jesu Christ a theihna uh ahi hi.

John 17:8

Ahang in, kei nong piak thute, amaute ka pia-a, tuate a sang uh hi. Amaute in nang kiang pana pai ka hilam theitel uh a, nang kei nong sawl zong a um uh hi.

John 3:17

Ahang in, leitung mawhpaihsak dingin Pasian in a Tapa leitungah a sawl kei hi. Ama tung tawnin leitung a honkhia dingin a sawl hizaw hi.

John 6:19

Amaute in tai thum ahikeh tai thum le alang d a hot khit uh ciangin gunkuang lam manawh in Jesu tui tunga pai mu uh a, a lau mahmah uh hi.

John 7:29

Ahi hangin kei, ama kiang pan ka hi-a, amah in kei hong sawl ahi manin, amah ka thei hi," ci-in a kikokhia hi.

John 8:19

Tua ciangin amaute in, "Na Pa koi-ah om hiam?" ci-in a dong uh hi. Jesu in, "Note in kei ka hi-a, ka Pa ahi zongin na thei kei uh hi. Kei hong thei le uh cin, ka Pa zong na thei ding uh hi," ci-in a dawng hi.

John 8:55

Note in amah na theih loh uh hangin ken amah ka thei hi. Amah ka thei kei hi, ci leng note mah bangin zuauphuak ka hi ding hi. Ahi hangin amah ka thei-a a thu ka zui hi.

Nasepte 17:23

Ahang in, pai kawikawi-a, na biak uh nate ka vel leh biakna-tau khat ah: THEIHLOH PASIAN ADING, ci-a kigelh ka mu hi. Tu-in note in na theih loh uh na biak uh, note tungah kong tangko ding hi.

Nasepte 26:18

Keimah hong upna hangun mawhnate maisakna le sian thosaksate lakah mun a ngah theih nadingun, amaute mit honsak ding, khuamial pan khuavak ah a hei ding, Satan vangliatna pan Pasian lam a ngasak dingin nang kong sawl ding hi,’ hong ci hi.

Rome-te 1:28

Tua banah Pasian theihna kepcing ding thaman sa lo uh ahi manin hih dinga kilawm lo pipi a hih nadingun lungsim siat dimdem na-ah amaute a ngawhngatsan hi.

Rome-te 3:11

a theitel kuamah om lo a, Pasian a zong khat beek a om kei hi.

Rome-te 3:26

tu-in amah thutang ahi ding le Jesu sunga upna a ngah midik a tangsakpa ahi lai dingin a thutangna hih bangin a lak hi.

1 Corinth-te 1:21

Ahang in, Pasian pilna sungah leitung in ama pilna tungtawnin amah thei lo ahi nungsang a kihilh haihuaina tungtawnin a um mite a hotkhiat ding Pasian lungkimna ahi hi.

1 Corinth-te 15:34

Note ahi ding bangin kiphawk kik unla, mawh nawn kei un; Pasian phawk lo pawlkhat om na hi manun na maizum nadingun hih thu kong gen hi.

2 Corinth-te 4:4

Pasian lim a hipa Christ minthanna lungdamna-thu khuavak a muh theih loh nadingun a um lote lungsim mit hih khanghun pasian in a tawsak hi.

2 THESSALONIKA 1:8

Amah in Pasian a thei lote le i Topa Jesu lungdamna-thu a mang lote a gawt ding hi.

Hebrews 8:11

Kuamah in a vengte ahikeh ama sanggampa tungah hilhin, ‘Topa thei in,’ cih a kul nawn kei ding hi; bang hang hiam cih leh amaute khempeuh in a neu pen pan a lian pen dongin kei hong thei ta ding uh hi.

1 John 1:9

Eite in i mawhnate i pulak leh i mawhnate hong maisakin i thumaanlohna khempeuh hong siangsak dingin amah muanhuai-in a thutang hi.

Kilaakna 13:8

Leitung kipiansaka kipan a kigosa Tuuno nuntakna laibu sunga a min a kigelh lote khempeuh - leitunga a tengte khempeuh in tua gamsa bia ding uh hi. b

Kilaakna 16:5

Tua ciangin tuite a uk vansawltak in: "Nang, tu laitaka om, a om densa, a Siangtho Pa aw, hih banga thu khen na hi manin na thukhennate ah na thutang hi;