John 16:19 - Zokam International Version

¹⁹ Jesu in amaute in hih thu dong nuam uh cih a theih ciangin, "‘Hun tawm vei khit ciangin kei nong mukha nawn kei ding uh hi, tua khit ciangin a sawt loin nong mu ding uh hi,’ ka cih ciangin ka cihnopna bang hiam cih khat le khat kidong na hi uh hiam?

LAISIENGTHOU CL Bible (BSI)

¹⁹ Tuachi’n Ama adong nuom uh chi Jesu’n athei a, akung uah, “Hun tomnoukhat nuachiengin na hing mu nawn sih ding ua, tualeh hun tomnoukhat nuachieng in na hing mu kia ding uh, chia ka gen, kidongtuo hi uteh maw?

Zo Bible

¹⁹ A dot nop lam uh Jesu in a thei ciengin amate kungah, ‘Bakhat sung kei nei mu nawn sih ding vua, bakhat zaw ciengin nei mukia ding uhi,’ ka ci pen kidong na hi uh amah?

John 16:19 ပူးပေါင်းရင်းမြစ်များ

Matthew 6:8

Na Pa un na nget ma un na kisapnate uh thei ahi manin, amaute bangin na hi kei un.

Matthew 9:4

Jesu in amau ngaihsutna thei ahi ciangin, "Bang hangin na lungsim uhah thusia ngaihsun na hi uh hiam?

Mark 9:32

Ahi hangin amaute in ama cihnopna theitel lo uh a, tua thu tawh kisai lah a dong ngam kei uh hi.

John 13:33

"Ka tate aw, note tawh tawmvei sung bek ka omkhawm lai ding hi. Note in kei nong zong ding uh hi, Jew-te ka hilh bangin note kong hilh hi: Ka paina munah nong pai thei kei ding uh hi.

John 14:19

A sawt loin leitung in kei hong mu nawn kei ding hi. Ahi hangin no nong mu ding uh hi. Kei nungta ka hi manin note zong na nungta ding uh hi.

John 16:16

"Hun tawm vei khit ciangin kei nong mukha nawn kei ding uh hi; tua khit a sawt loin nong mu ding uh hi," a ci hi.

John 16:18

Amaute in, "‘Hun tawm vei,’ a cih bang a cihna hi ding hiam, a thugen lah i tel zo peuhmah kei a?" ci-in a kidong lailai uh hi.

John 16:23

Tua ni ciangin kei, bangmah nong dong nawn kei ding uh hi. Thutak kong geninah, kei min suanga na nget peuhpeuh uh ka Pa in hong pia ding hi.

John 16:26

Tua ni ciangin note in kei min suangin na ngen ding uh hi. Note tangin Pa kiangah kong ngetsak ding a ci ka hi kei hi.

John 16:30

Tu-in ahileh na khempeuh na thei a, kuama hong dot nangawn a kul kei hi, cih ka thei ta uh hi. Nang, Pasian kiang pana hong pai na hilam hih in ko hong umsak ta hi," a ci uh hi.

John 21:17

Ama kiangah, "John Tapa Simon aw, kei nong it hiam?" ci-in a thumveina a dong hi. Jesu in, "Kei nong it hiam?" ci-a a thumveina a dot manin Peter lungsim a nasak hi. Amah in "Topa aw, na khempeuh na thei hi; nang kong it na thei hi," a ci hi. Jesu in, "Ka tuute na vak in.

John 6:61

Hih thu ah a nungzuite phun uh cih a theih ciangin Jesu in amaute kiangah, "Hih thu in no hong dong ahi hiam?

John 7:33

Jesu in, "Note tawh hun tawm no sung bek ka om a, tua khit ciangin kei hong sawlpa kiangah ka pai ding hi.

Hebrews 4:13

A kipiangsak khempeuh Pasian muhna pan a kisel bangmah a om kei hi. I thu i tut nading mitmuhin a kisin bangmah om loin kitel sinsen in a om hi.

Kilaakna 2:23

A tate ka satlum ding hi. Tua ciangin pawlpi khempeuh in lungtang le lungsim zong a pheklekpa ka hilam hong thei ding uh a, note khempeuh na gamtatna bangun kong thuk ding hi.