John 15:19 - Zokam International Version

¹⁹ Leitung aa na hi uh leh ama aa bangin note hong it ding hi. A taktak in leitung aa na hi kei uh hi. Keimah in leitung mite lak panin note kong teelkhia zo hi. Tua hangin leitung in note hong mudah hi.

LAISIENGTHOU CL Bible (BSI)

¹⁹ Noute leitunga hi u’lachin, leitungin ama ate a it ding hi. Hinanleh noute leitunga na hilou zieh un, leitunga kipat noute ka hing teldohta hi, tuaziehin leitungin noute ahing muda hi.

Zo Bible

¹⁹ Note pen leitung-a’ na hi uleh leitung in ama-a’ bangin ang it ding hi. Note pen leitung-a’ hi loin leitung pana kang teelsa na hi ziehun leitung in note ang muda hi.

John 15:19 ပူးပေါင်းရင်းမြစ်များ

Matthew 10:22

Keima hangin mi khempeuh in note hong mudah ding uh hi. Ahi hangin a tawp donga kipte kihonkhia ding hi.

Matthew 24:9

"Tua ciangin note bawlsiat ding le thah dingin hong kipiakhia dinga, keima hangin minam khempeuh in note hong mudah ding uh hi.

Luke 6:32

"No hong itte bek na it uh leh bang lawhtak ding na hi uh hiam? ‘Mawhneite’ nangawn in amau a itte it uh hi.

John 13:18

"Note na vekpi un kong ci khin kei hi; ka teelsate ka thei hi. Ahi zongin hih in, Laisiangtho sunga; ‘An ka nekkhawm pihpa in kei langah a khetul a liikto zo hi,’ e a cih thu a tangtunsak nading ahi hi.

John 15:16

Note in kei nong teel kei uh a, keimah in pai-a gah a gah tawntung dingin note kong teel hi. Tua ciangin ka min suanga na nget peuhpeuh uh Pa in note hong pia ding hi.

John 6:70

Tua ciangin Jesu in, "No, Sawm-le-nihte hong teel khin hi lo ka hi hiam? Hi napi note lak nangawn ah khat, dawi mangpa ahi hi!" ci-in a dawng hi.

James 4:4

No angkawm hat mite aw, leitung tawh kilawmtakna in Pasian lama muhdahna ahilam thei lo na hi uh hiam? A lawm dinga leitung a teelte peuhmah Pasian gal a suak hi.

1 Peter 4:3

Ahi hangin, lawkite in hih dinga a teel uh hukna lanna ah note nungta-in, kilunggulhna, zukhamna, zu-uangdawnna, zu-nopdawnna le a kihhuai milim biaknate hihin hun beisa, a hunkhop na zang khin uh hi.

1 John 3:12

Gilopa aa ahi, a sanggampa a that pa Cain na bang kei un. Tua ahileh bang hangin amah that ahi hiam? Bang hang hiam cih leh ama gamtatnate gilo-a, a sanggampa gamtatnate amaan hang ahi hi.

Kilaakna 12:17

Tua ciangin tua numei tungah gulpi-sikhiam thangpai a, Pasian thupiak mangin, Jesu teci panna a len a om lai tua numei tate sim dingin a kuankhia hi.

Kilaakna 12:9

Gulpi-sikhiam kilawnsuk a - tua dawimangpa ahikeh Satan kici leitung buppi lampialsakpa tua tanglai gulpi ahi hi. Amah ama vansawltakte tawh lei-ah kilawnkhia suk hi.