John 15:18 - Zokam International Version

¹⁸ "Leitung in note hong muhdah leh, kei hong mudah masa hi, cih thei gige un.

LAISIENGTHOU CL Bible (BSI)

¹⁸ “Leitungin noute ahing muda leh noute ahing muda masangin Kei ahing muda zouta chi thei un.

Zo Bible

¹⁸ “Leitung mite in note ang muda leh, note ang muda masangin kei ei muda zo hi, ci thu thei un.

John 15:18 ပူးပေါင်းရင်းမြစ်များ

1 Kumpite 22:8

Israel kumpipa in Jehoshaphat kiangah, "TOPA thu i dot theih ding mi khat om lai hi, ahi hangin amah ka mudah hi, bang hang hiam cih leh kei tawh kisai a hoih khat beek genkhol ngei lo-a a sia bekbek a gen hi. Amah Imlah tapa Micaiah ahi hi," ci-in a dawng hi. Jehoshaphat in, "Kumpipa in tua bang ci kei in," ci-in a dawng kik hi.

Paunakte 29:27

Mi thumaante in zuauthu kih a, migilote in mi thutang kih hi.

Isaiah 49:7

TOPA gen hih ahi hi - Israel-te Tanpa le Siangtho Pa - a minamin simmawh a, a kih uh gam-ukte’ nasempa tungah: "A muanhuaipa TOPA - nang hong teelpa Israel-te Siangtho Pa hangin kumpite in nang hong muh uh ciangin dingto ding uh a, kumpi tapate in nang hong muh uh ciangin a kunsuk ding uh hi," hong ci hi.

Isaiah 53:3

Mihingte in amah simmawhin nial uh a, dahna thuak mipa le haksatna thei mipa ahi hi. Mite in mu nuam loin a mai uh a humsan mipa bangin amah kisimmawh a, eite in zong i thusim tuan kei hi.

Isaiah 66:5

No ama thu hanga lingte aw, TOPA kammal za un: "Na sanggamte un keima min hangin hong mudahin hong hawlkhia uh a, ‘Na lungnopna uh i muh theih nadingin TOPA kiminthangsak hen!’ ci uh hi. A tua cih uh hangin amaute a kimaizumsak ding hi.

Zechariah 11:8

Kha khat sungin tua tuucing thumte ka hemkhia hi. Tuuhonte in kei hong hua uh a, kei zong amaute cimtakin,

Matthew 10:22

Keima hangin mi khempeuh in note hong mudah ding uh hi. Ahi hangin a tawp donga kipte kihonkhia ding hi.

Matthew 24:9

"Tua ciangin note bawlsiat ding le thah dingin hong kipiakhia dinga, keima hangin minam khempeuh in note hong mudah ding uh hi.

Matthew 5:11

"Keima hangin engkona, bawlsiatna le zuauthu tawh gitlohna nam khempeuh a hong kingawh ciangin thupha ngah na hi uh hi.

Mark 13:13

Keima hangin mi khempeuh in note hong mudah ding uh hi. Ahi zongin a bei dongin a kipte kihonkhia ding hi.

Luke 6:22

Mite in note hong mudah uh a, Mihing Tapa hangin amaute in note hong puaseh in, hong engko in na min uh siasak a, hong nolh uh ciangin thupha ngah na hi uh hi.

John 16:1

"Note in lam na khialh loh nadingun hihte khempeuh kong gen zo hi.

John 16:33

Note in kei sungah lungnopna na ngah nadingun hih thute kong gen khin ta hi. Hih leitung ah note na lungmang ding uh hi. Ahi hangin kilungkhauhsak un! Leitung ka zo zo hi," a ci hi.

John 3:20

Gitlohna a hih mi peuhmah in a gamtatnate a kipholak ding lau ahi manin khuavak mudah a, khuavak ah a lut kei ding hi.

John 7:7

Leitung in no hong mudah thei kei ding hi. Ahi hangin a gamtat hoih lote lakkhia ka hi manin kei hong mudah hi.

Nasepte 14:22

nung zuite thakhauhsak uh a, upna-ah thutakin a om den nading uh a hanthawn uh hi. Amaute in, "Pasian gam i lut nadingin haksatna tampi i thuak ding mah ahi hi," a ci uh hi.

Hebrews 12:2

Ama mai-a kikoih lungnopna a ngah nadinga singlamteh ah simmawh bawlsiatnate a thuak keeikai khit ciangin Pasian taklamah a tu, i upna a piang sakpa le a hoihkimsakpa Jesu mitsuan gige ni.

James 4:4

No angkawm hat mite aw, leitung tawh kilawmtakna in Pasian lama muhdahna ahilam thei lo na hi uh hiam? A lawm dinga leitung a teelte peuhmah Pasian gal a suak hi.

1 John 3:1

Eite, Pasian tate cih-a i om nadingin Pa in eite tunga hong sunleet itna lian mahmah si! Ei lah tua mah i hi hi! Leitung in eite hong theih lohna amah a theih loh hang ahi hi.

1 John 3:13

Ka sanggamte aw, leitung mite in note hong muhdah leh lamdang sa kei un.

1 John 3:3

Ama sunga hih lametna a nei peuhmah, amah a siantho bang tektekin amah le amah a kisiangthosak hi.