John 14:6 - Zokam International Version

⁶ Jesu in, "Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi.

LAISIENGTHOU CL Bible (BSI)

⁶ Jesu’n akungah, “Kei lampi leh thutah leh hinna ka hi, Keima a peilou in koima Pa kung ah atung ngai sih hi.

Zo Bible

⁶ Jesu in ama kungah, “Keima in lampi, thuman thutah, le hinna ka hi hi. Kei ei suong loin Pa kungah koima tung thei lo ding hi.

John 14:6 ပူးပေါင်းရင်းမြစ်များ

Matthew 11:27

"Ka Pa in na khempeuh kei hong ap zo hi. Pa longal kuamah in Tapa a thei kei hi. Tapa le Tapa in amah a lah theih nadinga a teel mite longal in Pa a thei kei uh hi.

John 1:14

Tua Thu, ci-le-sa suak a, eite lakah amah a teng hi. Eite in ama minthanna - Pa kiang pana hong pai thutak le hehpihna a dim Tapa d neihsun minthanna i mu khin hi.

John 1:17

Ahang in, Moses tungtawnin thukham kipia hi. Jesu Christ tungtawnin hehpihna le thutak hong pai ahi hi.

John 1:4

Ama sungah nuntakna om-a, tua nuntakna, mite khuavak ahi hi.

John 10:28

Amaute nuntak tawntungna ka pia-a, a mangthang ngei kei ding uh hi; amaute ka khut sung pan kuamah in a lakhia thei kei ding hi.

John 10:7

Tua ahi ciangin Jesu in, "Thutak kong geninah, keimah tuute adingin kongpi ka hi hi.

John 10:9

Keimah, tua kongpi ka hi hi; kei hong tawna a lut mi peuhmah kihonkhia a ding hi. Amah sungtumin pusuakkhia dinga lonona a mu ding hi.

John 14:19

A sawt loin leitung in kei hong mu nawn kei ding hi. Ahi hangin no nong mu ding uh hi. Kei nungta ka hi manin note zong na nungta ding uh hi.

John 15:1

"Keimah lenggui taktak ka hi-a, ka Pa, tua lo neipa ahi hi.

John 18:37

Pilate in, "Nang, kumpi khat na hi maw leh!" a ci hi. Jesu in, "Kei kumpi nong cih na maan hi. A taktakin, hih thu hangin ka suaka, hih thu hang mahin leitung ah kong pai-a thutak ah teci ka pang hi. Thutak lama pang peuhmah in ka thu a ngai uh hi," ci-in a dawng hi.

John 5:21

Ahang in, Pa in misite nuntakna pia-in a thawhkiksak bangin Tapa in zong a piak nop mite tungah nuntakna a pia hi.

John 6:33

Ahang in, Pasian anlum ahileh vantung pan hong paisuk in, leitung khempeuh nuntakna a piapa ahi hi," a ci hi.

John 6:51

Keimah in vantung pana hong pai a nungta anlum ka hi hi. Mi khat in hih anlum a nek leh a nungta tawntung ding hi.Hih anlum in leitung buppi nuntak nadinga ka piak ding ka sa ahi hi," a ci hi.

John 6:57

A nungta Pa in kei hong sawl-a, Pa hangin kei ka nuntak bangin kei-a kivak peuhmah kei hangin a nungta ding hi.

John 6:68

Simon Peter in, "Topa ko kua kiang ah pai ding ka hi uh hiam? Nangmah in nuntak tawntungna thu na nei hi.

John 8:32

Tua ciangin thutak na thei ding uh a, tua thutak in note hong suaktasak ding hi," a ci hi.

John 8:51

Thutak kong geninah ka thu a zui mi in sihna a mu ngei kei ding hi," a ci hi.

Nasepte 3:15

Note in nuntakna a piapa na that uh a, ahi hangin Pasian in amah misi pan a thosak hi. Hih thuah kote teci ka hi uh hi.

Nasepte 4:12

Midang khat beek sungah hotkhiatna a om kei hi. Ahang in, eite kihotkhiat nading van kikhupsin nuai-a mihing tungah a kipia, min dang a om kei hi," a ci hi.

Nasepte 9:2

Lampi thu a zui mi a muh nak leh numei ahi a pasal ahi zong in Jerusalem ah thong a khiat theih nadingin Damascus a synagogue-te a, a lah ding lai a ngen hi.

Rome-te 15:16

Khasiangtho in Gentile-te a siangthosak Pasian santheih biakna a suah nadingun Gentile-te tungah siampi sepna tawh Pasian lungdamna-thu tangko dinga Christ Jesu nasem khat ka hi hi.

Rome-te 5:2

Ama tungtawnin upna hangin tu-a i omna hehpihna sungah lut theihna i ngah hi. Tua hi a, Pasian minthanna lametna sungah eite i nuam hi. e

Rome-te 5:21

Tua pen, sihna sungah mawhna in a uk bang tektek in i Topa Jesu Christ tungtawnin nuntak tawntungna a tun dingin hehpihna in thumaanna tungtawna a uk theih nading ahi hi.

1 Corinth-te 15:45

Tua ahi ciangin "Mi masa Adam, a nungta mi suak hi." c ci-in kigelh hi. A nunung Adam, nuntakna a pia kha ahi hi.

Ephesa-te 2:18

Ahang in, ama tungtawnin eite in Kha khat tawh Pasian mai-ah luttheihna i nei tuak hi.

Colosse-te 2:17

Hihte in hong tung ding nate liim ahi hi; a taktak pen ahileh Christ sungah a om hi.

Colosse-te 2:9

Ahang in, Christ sunga Pasian-hina bucing pumpi nei-in a vekpi in om a,

Colosse-te 3:4

Note e nuntakna ahi Christ hong kilat ciangin note zong ama minthanna tawh na kilangkhawm ding uh hi.

Hebrews 7:25

Tua ahi manin ama tungtawnin Pasian kianga a paite khempeuh kicingtakin b honkhia thei hi; bang hang hiam cih leh amaute tanga a thumsak dingin a nungta tawntung hi.

Hebrews 9:8

Hih thu hangin biakbuk masa pen a om laiteng Mun Siangtho paina lampi kilak nai lo tadih hi, cih Khasiangtho in hong lak hi.

1 Peter 1:21

Ama tungtawnin misi panin amah thosaka, a minthangsak pa Pasian na um uh a, tua na up uh le na lamet uh Pasian ahi hi.

1 Peter 2:4

Mite in a nial, ahi hanga Pasian in a teelsa, ama adingin a manpha a nungta Suang kiangah nong pai bangun,

1 Peter 3:18

Ahang in, Pasian kiangah note hong tut theih nadingin Christ - tua mi thumaan, mi thumaan lote ading khatvei-a cinkim dingin a si zo hi. A pumpi-in sihna kithuaksak a, ahi hangin Kha-in kinung tasak hi.

1 John 1:8

Mawhna ka nei kei hi, i kicih leh ei le ei kikhem i hi a, eite sungah thutak a om kei hi.

1 John 2:23

Tapa a nial peuhmah in Pa a nei kei hi. Tapa a sang peuhmah in Pa zong a nei hi.

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.

1 John 5:6

Tui le sisana hong pai pa, Jesu Christ ahi hi. Amah tui bekin hong pai lo a, tui le sisanin hong pai hi. Tua thu teci pangpa Kha ahi hi; bang hang hiam cih leh tua Kha, thutak ahi hi.

2 John 1:9

Mi khatpeuh a khengvalin pai a, Christ thuhilhna-a a om den lo pa in Pasian a nei kei hi; tua hilhna-a a om den peuhmah in Pa le Tapa a nei khawm hi.

Kilaakna 1:5

le a muanhuai teci pa, misi pana a suak masa pen, le leitung kumpite a ukpa, Jesu Christ tung panin hehpihna le lemna no tungah om ta hen. Eite hong it a, ama sisan hanga i mawhnate pan hong suaktasak,

Kilaakna 19:11

Van kihonga om ka mu-a, ka mai-ah sakol kang khat a na om hi. A tunga tuangpa, Muanhuai le Thumaan kici hi. Amah in thutangin thukhena gal a do hi.

Kilaakna 20:15

Nuntakna laibu sunga a min kigelh lo peuhmah meili sungah kipai hi.

Kilaakna 22:1

Tua ciangin vansawltak in nuntakna guntui hong laka, crystal bangin cim sitset a, Pasian le Tuuno tokhom pan luangkhia-in,

Kilaakna 22:17

Tua Kha le tua mo in, "Hong pai in!" ci uh hi. A za peuh in, "Hong pai in!" ci ta hen. A dangtak peuhmah hong pai ta hen. A ut peuhmah in letsonga kipia nuntakna tui sang ta hen.

Kilaakna 3:14

"Laodicea a pawlpi vansawltak tungah gelh in: Hihte, Pasian piansakte a ukpa, a muanhuai le a thutak Amen kam malte ahi hi.

Kilaakna 3:7

"Philadelphia a pawlpi vansawltak tungah gelh in: Hihte, a siangtho le a thumaan-pa, David tawhtang tawipa kammalte ahi hi. Ama honsa kuamah in khak thei lo a, ama khaksa kuamah in a hong thei kei hi.