John 14:30 - Zokam International Version

³⁰ Hih leitung ukpa hong pai ta ahi manin note tawh sawtveipi ka kiho nawn kei ding hi. Amah in kei bangmah hong cih zo kei hi.

LAISIENGTHOU CL Bible (BSI)

³⁰ Tukalsie na kung uah thu tampi ka gen nawn sih ding, aziehpen tam leitung vaihawmpa hing pei pai ding ahi; aman keima ah bangma anei sih hi.

Zo Bible

³⁰ Tu-in leitung thu vaihawmpa ang pei zo tah ziehin note tungah thu tampi kang gen ta sih ding hi. Ama in keima tungah thuneina bangma a nei sih hi.

John 14:30 ပူးပေါင်းရင်းမြစ်များ

Luke 1:35

Vansawltak in, "Nang tungah Khasiangtho hong tung dinga Sang Penpa vang in nang hong sung ding hi. Tua ahi ciangin a suak ding misiangthopa, Pasian Tapa kici a ding hi.

Luke 22:53

Nisimin biakinnpi tualte ah note tawh ka om khawm laitakin khut khat zong nong nga kei uh hi. Ahi hangin tu laitak, note hun ahi, khuamial thuneih hun ahi hi," a ci hi.

John 12:31

Hih leitunga thu khen ding tu hun ahi hi; hih leitung a ukpa tu-in kihawlkhia ding hi.

Nasepte 1:3

A thuak dingte a thuak khit nungin hih mite kiangah amah mah kilak-a, amah a nungta takpi ahina, a uptak kitelna tampitak a lak hi. Amaute kiangah amah kilak in, ni sawmli sung Pasian gam thu a gen hi.

2 Corinth-te 4:4

Pasian lim a hipa Christ minthanna lungdamna-thu khuavak a muh theih loh nadingun a um lote lungsim mit hih khanghun pasian in a tawsak hi.

2 Corinth-te 5:21

Eite ama tungtawnin Pasian thumaanna i suah theih nadingin Pasian in mawhna a nei lo amah eite adingin mawhna a a suaksak hi.

Ephesa-te 2:2

hih leitung thu, tu laitaka thumang lote sunga na a sem kha tua huihgam ukpa na zuih lai-un, tuate sungah na nungta uh hi.

Ephesa-te 6:12

Ahang in, eite do ahileh si le sa hi loin vanlam gama gam-ukte, thuneihnate, hih leitung khuamial vangliatnate le kha gilo galkapte ahi hi.

Colosse-te 1:13

Ahang in, amah in khuamial ukna gam pan eite hong hukhia in, a it a Tapa gam sung hong tun zo a,

Hebrews 4:15

Ahang in, eite zawn khalna hong thuakpih thei lo tulpi nei i hi kei hi; ahi hangin eite thuak mah bangin zia-etna a pawlpawl a thuak ngei, ahi hanga mawhna a nei lo tulpi khat i nei hi.

Hebrews 7:26

Tua bang tulpi khat - a siangtho, a kawkbaang lo, a siang, mawhneite pana kikhenkhia, vante tunglama a kitawisang pa khat in, eite kitaksapna hong pia zo mahmah hi.

1 Peter 1:19

kawkbaanna le melhemna om lo tuuno - Christ sisan manpha tawh note hong kitan ahilam na thei uh hi.

1 Peter 2:22

"Amah in mawhna bawl lo a, ama kam sungah zong khemna a kimu kei hi," f

1 John 4:4

No, kong it ka tate Pasian pan na hi uh a, leitunga om pa sangin no sunga om pa lianzaw ahi manin amaute na zawhsa uh ahi hi.

1 John 5:18

Pasian pana suak mi khatpeuh mawhna ah a zongsang kei cih i thei a, Pasian pana suakpa amah bittakin kikemcing a, gilopa in amah a lawng thei kei hi.

1 John 5:19

Eite Pasian tate i hilam le leitung buppi gilopa ukna nuai-a om ahilam i thei hi.

Kilaakna 12:9

Gulpi-sikhiam kilawnsuk a - tua dawimangpa ahikeh Satan kici leitung buppi lampialsakpa tua tanglai gulpi ahi hi. Amah ama vansawltakte tawh lei-ah kilawnkhia suk hi.