John 13:5 - Zokam International Version

⁵ Tua khit ciangin kuang sungah tui sunga, a nungzuite khe silsakin, a kawnga a vialh mainulpi in a nulkeusak hi.

LAISIENGTHOU CL Bible (BSI)

⁵ Tualeh kisilna kuonga tui asun zouin nuazuite keng asil pieh a, kinawtna puon atenin a nawt hul pieh zel hi.

Zo Bible

⁵ Tua ciengin ama in kuong sung khatah tui sungin a nuazuite keng a silpieh a, a kawnga a viel mainul tawh nawtpieh ding a kipan hi.

John 13:5 ပူးပေါင်းရင်းမြစ်များ

Piancilna 18:4

Tui tawm i lasak dinga na khe uh silin hih sing nuai-ah na khawl phot ding uh hi.

Piancilna 19:2

Amah in, "Ka tote aw, na nasempa inn lamah hong kihei un. Na khete uh silin zantam unla, zingtungin na khualzinna ban uh zom un," ci hi. Amaute in, "Hi lo hi, khualai tual-awngah ka giak ding uh hi," ci-in dawng uh hi.

Piancilna 43:24

Tua innsung ukpa in tua mite Joseph inn sungah paipiha, a khe sil nading uh tui lui-in a laate uh gan-an a pia hi.

2 Kumpite 3:11

Ahi hangin Jehoshaphat in, "Amah tungtawna TOPA thu i dot theih ding, hih lai-ah TOPA kamsang khat beek om lo ahi hiam?" ci-in a dong hi. Israel kumpipa’ ulian khat in, "Shaphat tapa Elisha hiah om hi. Elijah khut tui buak amah ahi hi," a ci-in a dawng hi.

Phatna-late 51:2

Ka khialhna khempeuh silkhia inla, ka mawhna hong sawpsiang in.

Paikhiatna 29:4

Tua ciangin Aaron le a tapate Kikhopna Puanbuk sungah lutpih inla, amaute tui-in sil in.

Isaiah 1:16

sil unla no le no kisiangsak un! Na gamtatsiate uh ka muhna ah sem nawn kei un! Na bawlbawl uh khialhnate tawpsan unla,

Ezekiel 36:25

Note tungah tui siangtho kong theh dinga na siang ding uh hi; na siantho lohna khempeuh uh ahi na milimte khempeuh panun kong siangsak ding hi.

Siampi Laibu 14:8

"A kisiangsak ding mi pen in pel loin a puan sawpin a mul khempeuh metin tui-in kisil ding hi; tua ciangin amah a siangin kiseh ding hi. Tua teng khit ciangin giahphual sungah lut thei dinga ahi hangin ama puanbuk pua-ah ni sagih sung a om pelmawh ding hi.

Zechariah 13:1

"Tua ni ciangn David innkuan tung le Jerusalem a tengte tungah amaute mawhna leh siantho lohnate silsiang nadingin tuinak khat kihong ding hi.

Luke 7:38

Jesu nunglam a khe phungah kap kawmin dinga a khitui in Jesu khepekte a kawtsak hi. Tua khit ciangin a samin nul-a, namin a sathau namtui a buak hi.

Luke 7:44

Tua ciangin amah tuanu lamah kihei-a Simon kiangah, "Hih nu na mu hiam? Na innah kong hawh a, ka khe sil nading tui nong pia kei hi. Ahi hangin amah in ka khepekte a khitui tawh kawtsakin a samin a nul hi.

John 13:10

Jesu in, "A kipumsilsate, a khe bek sil kul hi; a pumpi khempeuh a siang hi. Note na siang uh hi, ahi hangin na vekpi un na siang kim kei uh hi," ci-in a dawng hi.

John 13:6

Simon Peter ciang tunga amah in, "Topa nang lawmlawm in ka khe hong silsak zawzen ding na hi hiam?" a ci hi.

John 13:8

Peter in, "Hi kei, ka khe na sil ngei kei ding hi," a ci hi. Jesu in, "Nang kong sil kei leh kei tawh a kipawl lo na hi hi," ci-in a dawng hi.

John 19:34

Tua tangin galkapte khat in Jesu teneem teipi khatin sun-a, sisan le tui kihel a luangkhia pah hi.

Nasepte 22:16

Tua hi-a tu-in nang bang ngak lai na hi hiam? Tho in; ama min lo inla, kibaptise-in na mawhnate silkhia in,’ hong ci hi.

1 Corinth-te 6:11

Note pawlkhat tua bang na hi uh hi. Ahi hangin i Topa Jesu Christ min le i Pa Pasian Kha tawh note hong kisawp zo, hong kisiangthosak zoin, dik hong kitangsak zo hi.

Ephesa-te 5:26

Amah in pawlpi siangtho dingin thu tungtawnin tui in sawp a, singthosak a hi,

1 Timothy 5:10

Ahi zongin a gamtat hoihin, a tate khansuah zo a, zindo a siam, misiangte khe a silsak, gim ngahte huh tawntunga, gamtat hoih namkimte ah kipia zo mahmah in a kipahtak leh meigong lakah ciamteh in.

Hebrews 10:22

eite lungsim kisuantakna panin i lungtangte thehsiangsa le i pumpi tuisiang tawh silsa in, upna hanga kitheihtelna kim tawh Pasian kiang zuan ni.

1 John 1:7

Ahi hangin khuavak sungah i kalsuan leh amah khuavak ahi mah bangin eite khat le khat i kipawla, ama Tapa Jesu sisan in i mawhna khempeuh b panin hong siansuah hi.

1 John 5:6

Tui le sisana hong pai pa, Jesu Christ ahi hi. Amah tui bekin hong pai lo a, tui le sisanin hong pai hi. Tua thu teci pangpa Kha ahi hi; bang hang hiam cih leh tua Kha, thutak ahi hi.

Kilaakna 1:5

le a muanhuai teci pa, misi pana a suak masa pen, le leitung kumpite a ukpa, Jesu Christ tung panin hehpihna le lemna no tungah om ta hen. Eite hong it a, ama sisan hanga i mawhnate pan hong suaktasak,

Kilaakna 7:14

"Pu aw, nang na thei hi," ci-in ka dawng hi. Tua ciangin amah in, "Hihte gimna lianpi pana hong pusuakkhiate ahi uh hi. Amaute in a puantualte uh Tuuno sisan ah sawpin a paksakte ahi uh hi.

Thukhente 19:21

Tua ciangin a inn ah tungsaka a laate a vaksak hi. A khete uh a sil khit uh ciangin a ne a dawn uh hi.

1 Samuel 25:41

Tuanu in a mai leilam ngatin kunsuk a, "Hih lai-ah na nasemnu uh note nasem ding le ka pu nasemte khe a silsak dingin a kithawisa ahi hi," a ci hi.