John 12:40 - Zokam International Version

⁴⁰ "Amah in amaute mit tawsakin, a lungtangte uh sisak hi, tua ahi manin a mit uh tawh bangmah mu thei lo uh a, a lungtang uh tawh zong bangmah theitel thei loin a kihei thei kei uh hi - tua hi kei leh amaute ka damsak kha ding hi," c ci hi.

LAISIENGTHOU CL Bible (BSI)

⁴⁰ “Aman a mitte uh atosah a, alungtangte uh a khausah hi; tuachilou in amitte un amu kha ding ua, tualeh alungtang ua theisiem in, Kei lam ah ahing kihei ding ua, ken kana sudam kha ding hi,” achi kia hi.

Zo Bible

⁴⁰ “Amate in a mit utawh en loin, a lungtang utawh thei-a ang kihei lo nadingun, ama in a mit uh tawsahin, a lungtang uh a khausah hi. Tua hi sihle keima in amate ka damsah kha ding hi,” a ci hi.

John 12:40 ပူးပေါင်းရင်းမြစ်များ

1 Kumpite 22:20

Tua ciangin TOPA in, ‘Ramoth Gilead sima a sih nadingin kua in Ahab va zol ding ahi hiam?’ ci hi. "Khat in khat gena, adang khat in a tuam khat a gen hi.

Phatna-late 147:3

Amah in lungsim tamkhamte damsak a, amau liammate a tunsak hi.

Phatna-late 41:4

Ke’n, " TOPA aw, kei hong lainat in; na tungah ka mawh khin hi, hong damsak in," ka ci hi.

Phatna-late 6:2

Ka tha zawm ahi manin TOPA, kei hong lainat inla; ka guhte na ahi manin TOPA aw, hong damsak in.

Paikhiatna 10:1

Tua ciangin TOPA in Moses tungah, "Pharaoh kiangah pai in, ahang in, amaute lakah hih a piandang ka limte ka bawlbawl theih nadingin,

Paikhiatna 11:10

Moses le Aaron in Pharaoh mai-ah hih a lamdangte khempeuh bawl uh a, ahi hangin TOPA in Pharaoh lungsim khauhsak-in, Israel-te ama gamsung pan a paikhiat ding a phal kei hi.

Paikhiatna 14:17

Amaute in a sungah a nungdelh theih nadingun Egypt-te lungtang ka khauhsak ding hi. Tua ciangin Pharaoh le a galkapte khempeuh tungtawn le a sakollengte le a sakol-tuangte tungtawnin minthanna ka ngah ding hi.

Paikhiatna 14:4

Pharaoh lungtang ka khauhsak dinga, amaute a delh ding hi. Ahi hangin Pharaoh le ama galkapte tungtawnin kei mahmah in minthanna ka ngah dinga, Egypt mite in keimah TOPA ka hilam a thei ding uh hi," a ci hi. Israel-te in tua mah bangin a hih uh hi.

Paikhiatna 14:8

TOPA in Egypt kumpipa Pharaoh lungtang khauhsak-a, hangtaka mainawt Israel-te a delh hi.

Paikhiatna 4:21

TOPA in Moses tungah, "Egypt ah na ciah ciangin sep theihna vang kong piaksa a lamdangte khempeuh Pharaoh mai-ah na hih ding thei gige in. Ahi hangin mite a paisak nop loh nadingin a lungtang ka khauhsak ding hi.

Paikhiatna 7:13

Tua hi napi TOPA gensa bangin Pharaoh lungsim khauhsak lai-a amaute thu angai tuan kei hi.

Paikhiatna 7:3

Ahi hangin Pharaoh lungtang ka khauhsak dinga, Egypt ah a lamdang limte le nalamdang tampi ka bawl hangin

Paikhiatna 9:12

Ahi hangin TOPA in Pharaoh lungsim khauhsak-a, TOPA cihsa bang tektek in Moses le Aaron thu a ngai kei hi.

Isaiah 26:11

TOPA aw, na khut sangpi in na viktoh hangin amaute in a mu kei uh hi. Na mite adingin na deihluatna musak inla amaute maizumsak in; na galte a kangtum dingin meikuangsa koih khol in.

Isaiah 29:10

TOPA in hong ihsipsak zo a: na mitte khakcipin (kamsangte); na lu a tuncip zo hi (thumu kholte).

Isaiah 53:5

Ahi hangin eite tatsiatna hangin amah kisunlet a, i tatkhialh nate hangin amah kisatnim hi; eite in lungnopna i ngah nadingin amah in dan thuaka, ama liammate hangin eite i dam hi.

Isaiah 6:10

Hih mite lungtang saksak inla, a bil uh ngongsak in; amaute mitsisak in. a Tua hi kei leh a mit uh tawh mu-in a bil uh tawh za-a, a lungtang uh tawh theitelin kihei ding uh a, amaute ka damsak kha ding hi,’ hong ci hi.

Isaiah 6:9

Amah in, "Pai inla hih mite kiangah va gen in: "‘Note in zaza napi theitel ngei loin; mumu napi na mutel ngei kei ding uh hi.

Jeremiah 3:22

"A muantak lo mite hong kihei kik un; na nungtolhna uh kong damsak ding hi," a ci hi. "Nang TOPA kote Pasian na hi manin nang kong zuan na ding uh hi.

Jeremiah 5:21

No mihai bangmah a ngaihsun thei lo mite; mit nei napi khua mu lote, bil nei napi khuaza lote aw, hih thu za un:

Ezekiel 12:2

"Mihing tapa aw, nang a lehdo mite lakah na teng hi. Amaute a lehdo mi ahi manun mit nei napi mu lo uh a, zak nading bil nei napi khua a za kei uh hi.

Ezekiel 14:9

" ‘Kamsang khat kamsang dingin a kizol-a a kithuzawh leh keimah TOPA in tua kamsangpa ka thuzawh dinga ama langkhatah ka khut zanin ka mi Israel-te lakah ka susia ding hi.

Hosea 14:4

"Amaute tungah heh nawn lo ka hi manin amaute lampialna ka damsak dinga, man ngen loin ka it ding hi.

Hosea 6:1

"Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

Matthew 15:14

Amaute thudon dah lel un; amaute, mittaw lamhilhte f ahi uh hi. Mittaw khat in mittaw dang khat makaih leh a nih un kawhawm sungah kiakhawm ding uh hi," ci-in a dawng hi.

Mark 4:12

"‘Amaute in mu ngitnget napi, mutel ngei lo ding uh a, za ngitnget napi, a theitel ngei kei ding uh hi; tua hi kei leh amaute lunghei in, kimaisak kha ding hi!’" a a ci hi.

Mark 6:52

Amaute in anlum ngate thu theitel lo uh ahi manin lamdang lua mahmah a sa uh hi, amaute lungtang kikhauhsak hi.

Luke 4:18

"Mizawngte tunga lungdamna-thu hilh dingin keimah sathau hong nilh khin zo ahi manin, Topa Kha ka tungah a om hi. Amah in thongkiate suaktasak ding, mittawte khua musak ding, a kinengcipte khahkhia ding,

Luke 8:10

Amah in, Pasian-gam thusimte theih theihna note hong kipiak hangin, "amaute in mumu napi a muhtel theih loh, zaza napi in a theihtel theih loh,’ c nadingin midangte tungah gentehnate zangin ka gen hi.

John 12:39

Hih thu hangin amaute in a um thei kei uh hi. Bang hang hiam cih leh Isaiah in mun dangah:

John 9:39

Jesu in, "Mittawte in khua a muh nading le mitvakte a mit uh a tawt nading, thukhen dingin hih leitungah kong pai hi," a ci hi.

Nasepte 15:3

Pawlpite in lampi-ah kha uh a, Phoenicia le Samaria gamte tawna a zin kawmun Gentile-te kikhelna zia a gen uh hi. Hih thuthak in sanggamte khempeuh a nuamsak mahmah hi.

Nasepte 28:26

‘Hih mite kiangah pai inla, "Note in na zak ngitnget uh hangin na theitel ngei kei ding uh hi; na muh ngitnget uh hangin na mutel ngei kei ding uh hi,"

Nasepte 3:19

Tua ahi ciangin kisikin Pasian lam nga kik un. Tua hileh na mawhnate uh kisiaksiangin Topa tung panin thathak ngahna hun hong tung thei dinga;

Rome-te 9:18

Tua ahi manin Pasian in a lainat nopte tungah lainatna nei-a, a lungkhauhsak nopte a lung khauhsak hi.

Thupiakkikna 29:4

Ahi hangin tuni mahmah dong TOPA in theihtelna lungsim ahi a, muhna mit ahi a, zakna bil ahi zongin hong pia nai kei hi.

Joshua 11:20

Ahang in, TOPA in Moses a thupiaksa bangin lainat loin a vekpi un susia mang a a cimansak theih nadingin Israel-te do dingin TOPA in amaute lungsim a khauhsak ahi hi.