John 12:32 - Zokam International Version

³² Ahi hangin kei ka hileh leitung pan hong kikhaitoh ciangin kei lamah mi khempeuh ka huai ding hi," a ci hi.

LAISIENGTHOU CL Bible (BSI)

³² Tualeh kei leitung apat khaikanga ka um chiengin mi zousie keima lam ah ka hip ding hi,” achi hi.

Zo Bible

³² Tuale leitung panin ei kikhaito ciengin keima lamah mi zosie ka kai ding hi,” a ci hi.

John 12:32 ပူးပေါင်းရင်းမြစ်များ

2 Samuel 18:9

Tu-in Absalom le David mite a kituak kha uh hi. Amah a laa tungah tuanga, tawsaw hiangzau mahmah nuai-ah a laa a pai laitakin sing kawmah Absalom lu a awk hi. A tuanna laa paisuak a, amah huih lakah kikhai-in a nusia hi.

Zailate’ Zaila 1:4

Uaikai loin kaitui bang hong zawl inla Vaimang in a zaalna saunuam sung hong tun hen aw. Na khavang in sinlai tangbang damsak e; mubang nong ngaih ningzu sang’n pakzaw nu’ng e. Sengual’n lambang hong paak pawh lailawm nah e!.

Isaiah 11:10

Tua ni ciangin mite dialkhai bangin Jesse Zungpi ding dinga, minam khempeuh in amah beelin ama khawlna mun a minthang ding hi.

Isaiah 49:6

amah in: "Jacob behte ciahpih kik ding le ka kepsa Israel-te puak kik ding a sempa na hina nang adingin neu lua hi. Ka hotkhiatna leimongte dongin na puak theih nadingin Gentile-te adingin zong khuavak kong suaksak ding hi," hong ci hi.

Hosea 11:4

Mihing migitna khauzente in amaute ka makaih a, itna in ka khih hi; a ngawng panun hakkolte ka sankhia a, amaute vak dingin ka kunsuk hi.

Misimna 21:9

Tua ciangin Moses in sumngo gul khat bawla, khuam tung khatah a khai hi. Tua ciangin mi khatpeuh gul in a tuka sumngo gul a et nak leh a nungta hi.

John 1:7

Mi khempeuh in ama tungtawnin tua khuavak a up theih nadingin khuavak tawh kisai a theisak dingin teci-a hong pai ahi hi.

John 12:34

Mihonpite in, "Thukham sungah, ‘Christ, a a om tawntung ding hi,’ cih ka za uh hi. Tua hi napi bang dinga, ‘Mihing Tapa kikhaito ding,’ ci thei na hi hiam? Hih Mihing Tapa kua ahi hiam?" a ci uh hi.

John 18:32

Bangci banga sihna thuak ding cih, Jesu in ama sih nading thu a genkholhna, a tangtun nadingin hih thu a piang ahi hi.

John 19:17

Ama singlamteh ding amah in pua-a, Luguh Mun (Aram pau-a Golgotha kici) lamah a paikhia hi.

John 3:14

Moses in gamlakah gul a khai bang tektekin Mihing Tapa kikhai ding hi.

John 6:44

Kei hong sawlpa, Pa in a huai lohte khat beek kei kiangah hong pai thei lo dinga, hong paite lah ni nunung ni ciangin ka thosak ding hi.

John 8:28

Tua ciangin Jesu in, "Mihing Tapa na khaitoh khit uh ciangin kei a tua ci ding mah ka hilam nong thei ding uh hi. Pa in kei hong hilh teng bek ka gena, kei thu-in bangmah ka sep loh lam zong na thei ding uh hi.

Galatia-te 3:13

Eite tang dingin Christ hamsia hong suakin thukham hamsiatna panin hong tan zo hi. Ahang in, "Sing tunga kikhai peuhpeuh hamsiat ahi hi," j ci-in kigelh hi.

1 Timothy 2:6

Mi khempeuh tat nadingin amah kipia a, tua teci panna thu a hun lianin kipia hi.

Hebrews 2:9

Ahi hangin vansawltakte sangin a niam zawdeuh a kikoih phot Jesu in, Pasian hehpihna hangin mi khempeuh adinga sihna a ciap theih nadingin sihna a thuak manin tu-in minthanna le pahtawina a kikhusak eite in i mu hi.

1 Peter 2:24

Mawhnate i sihsan theih nading le thumaanna i nuntakpih theih nadingin ama pumpi mahmah in i mawhnate sing tungah pua zo hi. Ama liammate hangin note hong kidamsak zo hi.

1 Peter 3:18

Ahang in, Pasian kiangah note hong tut theih nadingin Christ - tua mi thumaan, mi thumaan lote ading khatvei-a cinkim dingin a si zo hi. A pumpi-in sihna kithuaksak a, ahi hangin Kha-in kinung tasak hi.

1 John 2:2

Amah, eite mawhnate thoihdamna dingin biakpiakna hi-a, eite ading bek hi lo leitung buppi mawhnate thoihdam nadinga c biakpiakna zong ahi hi.

Kilaakna 5:9

Amaute in lathak khat, "Nang hong kigo zo a, na sisan tawh Pasian ading mi, beh kim, pau kim, mi kim, nam kim pan lei khin zo na hi manin tua laizial la a, a ciamtehna phel dingin na kilawm hi.