John 12:29 - Zokam International Version

²⁹ Tua lai-a om mihonpite in za uh a, vanging hi, a ci tawh, vansawltak in amah hopih hi, a ci tawh a om uh hi.

LAISIENGTHOU CL Bible (BSI)

²⁹ Tuaziehin akunga dinga, tua thu zaten van ging ahi, achi ua, adangten lah “Vansawlsiengten Ama ahoupi ahi,” achi uhi.

Zo Bible

²⁹ Tua munah a om mihonpite in za-in vanto ahi hi, a ci uhi. Adangte in, “Vantungmi khat in ama hopi hi,” a ci uhi.

John 12:29 ပူးပေါင်းရင်းမြစ်များ

Job 40:9

Nang in Pasian’ ban bang ban nei in, ama aa bangin na aw in van gingsak thei ahi hiam?

Paikhiatna 19:16

A ni thumna ni zingsang ciangin mualtungah meiipi sahpi tawh vanpi gingin khua phia-a, pengkul ngaih mahmah a kimut hi. Giahphual-a om khempeuh a ling uh hi.

Paikhiatna 20:18

Mipite in vanpi ging le khuaphia mu uh a, pengkul za-in meikhu in mual a tuam a muh uh ciangin lau-in a ling uh hi. Amaute a gamlapi-ah ding uh a,

Ezekiel 10:5

Thahatpen b Pasian a pau cianga awging kizak bangin cherub-te kha ging biakinnpi tual a puanung dongah kiza hi.

Nasepte 9:7

Saul tonpih mite gen ding nei loin tua lai-ah a ding uh hi. Awging a zak uh hangin kuamah a mu kei uh hi.

Kilaakna 11:19

Tua ciangin vantunga Pasian biakinnpi kihong a, ama biakinnpi sungah ama thukhun singkuangpi kimu hi. Tua mun ah kek kia in khua phia zalzala, van ging damdam in zin linga, gialpi a kia hi.

Kilaakna 14:2

Tua ciangin vantung pan a ngaih mahmah kekbaak kia ging le tuizeu hawk tawh a kibang aw khat ka za hi. Ka zak aw pen harp tumte tumging tawh kibang hi.

Kilaakna 6:1

Tuuno in ciamtehna sagihte a masa pen a hon laitak ka en hi. Tua ciangin a nungta ganhing lite khat in kek kia ging bangin, "Hong pai in!" a cih ka za hi.

Kilaakna 8:5

Tua ciangin vansawltak in gimnamtui kuang la a, biakna-tau pana mei-am tawh a dip khit ciangin leitung a denna suk leh khua phia zalzalin, kek kia-a van ging damdam in zin a ling hi.