John 10:27 - Zokam International Version

²⁷ Ka tuute in ka aw a ngai uh hi; keimah in amaute ka thei-a amaute in kei hong zui uh hi.

LAISIENGTHOU CL Bible (BSI)

²⁷ Ka belamte’n ka aw aza ua, ken amauh ka thei hi, tualeh amaun ahing zui uhi.

Zo Bible

²⁷ Ka tuute in ka aw a za uhi. Keima in amate ka thei a, amate in ka nua ei zui uhi.

John 10:27 ပူးပေါင်းရင်းမြစ်များ

1 Kumpite 18:21

Mipite mai-ah Elijah pai-in, "Ngaihsutna nih kikal ah bang tanvei lungsim laklawhin om niloh ding na hi uh hiam? TOPA pen Pasian ahileh amah zui unla; Baal pen Pasian ahileh lah amah zui un," a ci hi. Ahi hangin mite in bangmah a gen kei uh hi.

Isaiah 66:22

"Ka bawl ding athak vante le lei thak ka mai-ah a kip den bangin, note le na suan na khakte uh min a kip ding hi," TOPA in cikhia hi.

Matthew 16:24

Tua ciangin Jesu in a nungzuite kiangah, "Mi khatpeuh in ka nung hong zuih ding leh amah le amah kinialin, ama singlamteh kisuanin hong zuih pelmawh kul hi.

Matthew 17:5

Tua banga a pau laitakin meiingo khat in amaute tuama, tua meii lak panin, "Hih in, ka it ka Tapa ahi hi, ama tungah ka lung a kim mahmah hi; ama thu na ngai ta un!" ci-in aw khat a ging hi.

Matthew 25:12

"Ahi hangin amah in, ‘Thutak kong geninah, note kong thei kei hi,’ ci-in dawng hi.

Matthew 7:23

Tua ciangin, ‘Note kong thei ngei kei hi. Gitlohna a bawlte aw, kei kiang pan taikhia un!’ teltakin ka ci ding hi.

Mark 10:21

Jesu in amah enin it a, "Na khat na kisam lai hi. Pai-in, na neihsa khempeuh zuak inla mizawngte pia in. Tua hileh vantungah gou na nei ding hi. Tua khit ciangin hong pai inla kei hong zui in," a ci hi.

Mark 8:34

Tua ciangin a nungzuite le mihonpite ama kiangah sama, "Mi khatpeuh in ka nung hong zuih nop leh pel loin amah le mah kinialin, ama singlamteh kisuanin hong zui ding hi.

Luke 13:27

"Ahi hangin amah in, ‘Note kong thei kei hi; koi pan hong pai cih zong kong thei kei hi, no a tatkhelte aw paimang un!’ ci-in hong dawng ding hi.

Luke 9:23

Tua ciangin amah in amaute khempeuh kiangah, "Mi khatpeuh in ka nung hong zuih nop leh amah leh amah kinial pelmawh dinga nisimin ama singlamteh kisuanin hong zuih kul hi.

John 10:14

"Keimah, tuucing hoihpa ka hi hi; ka tuute ka thei-a, ka tuute in zong kei hong thei uh hi.

John 10:16

Hih tuu khumna inn sungah a om lo tuu dang zong ka nei hi. Amaute zong kong paipih pelmawh ding hi. Amaute in zong ka aw ngai ding uh a, tuuhon khat omin tuucingpa khat a om ding hi.

John 10:8

Ka mai-a hong pai ngei khempeuh gutate le misuamte hi uh a, ahi hangin tuute in amau thu a ngai kei uh hi.

John 12:26

Ka na a sem peuhmah in kei hong zuih pelmawh kul-a, kei omna ah ka nasempa zong a om ding hi. Ka na a sem mi peuhmah ka Pa in a pahtawi ding hi.

John 21:22

Jesu in, "Amah kong pai kik dong a nungta lai dingin deih leng zong nang tawh bang kisai hiam? Nang kei nong zuih pelmawh kul hi," ci-in a dawng hi.

John 5:25

Thutak kong geninah, misite in Pasian Tapa aw a zak hun hong tung dinga, tu-in zong hong tung zo hi; a zate a nungta ding hi.

John 8:12

Jesu in mihonpi tungah thu a gen khit ciangin, "Keimah leitung khuavak ka hi hi. Kei hong zui peuhpeuh khuamial lakah pai loin nuntakna khuavak a nei ding hi," a ci hi.

John 8:43

Bang hang ka thu gen thei siang lo na hi uh hiam? Ka thu gen na za thei kei uh hi.

Nasepte 3:23

Ama thu a ngai lo peuhpeuh ama mite lak panin kikhenkhia siang ding hi,’ a ci hi.

1 Corinth-te 8:3

Ahi hangin Pasian a it mi Pasian in a thei hi.

Galatia-te 4:9

Ahi hangin tu-in note in Pasian thei tham loin, Pasian hong theih na hi nungsangun a thanem le bangmah a man lo thubulpite ah na kihei kik uh bangci bang ahi hiam? Tuate nuai-ah sila suak kikkik nuam na hi uh hiam?

2 Timothy 2:19

Ahi zongin Pasian bulkippi kiptakin dinga, "Topa in ama aate a thei hi," a cih le "Topa min a pulakte peuhmah in tatsiatna a taisan pelmawh ding uh hi," ci-a kigelh tawh a tungah kiciamteh hi.

Hebrews 3:7

Tua hi-a, Khasiangtho in: "Tu ni-in ama aw na zak uh leh,

Kilaakna 14:4

Hihte in amau le amau a sianga a kikep manun, amau le amau numei tawh a kibuahsak lote ahi uh hi. Amaute in Tuuno paina peuhpeuh ah a zui uh hi. Amaute, mite lak pana kileisa hi uh a, Pasian le Tuuno tungah gahmasa banga piakte ahi uh hi.

Kilaakna 3:20

Hih lai-ah ka om hi! Kongkhak ah dingin ka kiu hi. Mi khatpeuh in ka aw za a, kongkhak hong hon leh ka lut dinga, amah tawh an nekhawm in, amah in kei tawh a nekhawm ding hi.