John 10:15 - Zokam International Version

¹⁵ Pa in kei hong theih bang tektekin kei zong Pa ka thei hi - tua hi-a ka tuute ading ka nuntakna ka kham hi.

LAISIENGTHOU CL Bible (BSI)

¹⁵ Pain kei ahing thei bangin, Ken zong Pa ka thei hi, tualeh belamte a dingin ka hinna ka pie hi.

Zo Bible

¹⁵ Pa in kei ei thei bangin ke’n zong Pa ka thei hi. Keima in tuute adingin ka hinna ka pie hi.

John 10:15 ပူးပေါင်းရင်းမြစ်များ

Isaiah 53:10

Tua bangin kisatnima a kithuaksak ding lah TOPA deih hi a, TOPA in ama nuntakna khialhna hanga biakna-in a bawl f hangin amah in a suan le khakte mu in a nuntak hun sotsak dinga ama gamsungah a khut sungah TOPA deihna a pung ding hi.

Isaiah 53:8

Netniamna d le thukhenna tawh amah kipaipihmang hi. Tua hi-a ama suante kua in gen thei ahi hiam? Ahang in, a hingte gam pan amah kikhenkhia in; ka mite mawhnate hangin amah a kisat e hi.

Daniel 9:26

Sawmguk le nih ‘sagihte’ khit ciangin Sathau-kinilh Pa kithat dinga, bangmah f a nei kei ding hi. Hong pai ding gam-ukpa’ mite in khuapi le munsiangtho a susia ding uh hi. Tuikhang bangin a beina tungin: A bei dongin gal kido ding hi, siatmang ding thukip a kisehsa ahi hi.

Zechariah 13:7

"Namsau aw, ka tuucingpa le kei tawh kinai mipa do dingin tho in," Thahatpen TOPA in cikhia hi. "Tuucingpa sat in tuute kithehthang dinga, a note tungah ka khut ka viik ding hi.

Matthew 11:27

"Ka Pa in na khempeuh kei hong ap zo hi. Pa longal kuamah in Tapa a thei kei hi. Tapa le Tapa in amah a lah theih nadinga a teel mite longal in Pa a thei kei uh hi.

Matthew 20:28

Mihing Tapa, midangte ama na a semsak dinga hong pai hi lo, midangte ading nasem ding le mi tampi tat nadinga ama nuntakna a pia dingin hong pai ahi hi," a ci hi.

Luke 10:21

Tua hun laitakin Khasiangtho tungtawnin Jesu lungnuam mahmah a, "Vantung le leitung’ Topa, ka Pa aw, hih thute mipilte le theihna sangte tungah na im-a, naupangte tungah pholak na hi manin nangmah kong phat hi. Hi mah hi, Pa aw, hih in nangma deihna ahi hi.

Luke 10:22

"Ka Pa in na khempeuh kei hong ap zo hi. Tapa kua hiam, cih Pa longal kumah in thei lo-a, Pa kua hiam, cih Tapa le Tapa in a theihsak dinga a teelte longal kuamah in a thei kei uh hi," a ci hi.

John 1:18

Kuamah in Pasian a mu ngei kei hi. Ahi hangin Pa kianga om Tapa neihsun bek e f in amah a kitheisak zo hi.

John 10:11

"Keimah, tuucing hoihpa ka hi hi. Tuucing hoihpa in a tuute ading a nuntakna a pia hi.

John 15:13

A lawmte tang dinga a nuntakna a paai itna sanga itna lianzaw a nei kuamah om lo hi.

John 17:25

"A thumaan Pa aw, leitung in nang hong thei kei zongin, ken nang kong thei-a, nang, kei nong sawl amaute in a thei uh hi.

John 6:46

Pasian kiang pana hong pai mi khat longal Pa a mu ngei a om kei hi. Amah bek in Pa a mu zo hi.

John 8:55

Note in amah na theih loh uh hangin ken amah ka thei hi. Amah ka thei kei hi, ci leng note mah bangin zuauphuak ka hi ding hi. Ahi hangin amah ka thei-a a thu ka zui hi.

Galatia-te 1:4

I Pasian le Pa deihna bangin tu a gilo khanghun pana eite hong hu dingin i mawh nate adingin amah le amah hong kipia Pa

Galatia-te 3:13

Eite tang dingin Christ hamsia hong suakin thukham hamsiatna panin hong tan zo hi. Ahang in, "Sing tunga kikhai peuhpeuh hamsiat ahi hi," j ci-in kigelh hi.

Ephesa-te 5:2

Christ in eite hong it a, eite adingin Pasian tungah a namtui-a piakna ding le biakpiakna dingin amah le amah a kipiakkhiat bangin itna nuntakna tawh na nungta un.

Titus 2:14

Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

1 Peter 2:24

Mawhnate i sihsan theih nading le thumaanna i nuntakpih theih nadingin ama pumpi mahmah in i mawhnate sing tungah pua zo hi. Ama liammate hangin note hong kidamsak zo hi.

1 Peter 3:18

Ahang in, Pasian kiangah note hong tut theih nadingin Christ - tua mi thumaan, mi thumaan lote ading khatvei-a cinkim dingin a si zo hi. A pumpi-in sihna kithuaksak a, ahi hangin Kha-in kinung tasak hi.

1 John 2:2

Amah, eite mawhnate thoihdamna dingin biakpiakna hi-a, eite ading bek hi lo leitung buppi mawhnate thoihdam nadinga c biakpiakna zong ahi hi.