John 10:11 - Zokam International Version

¹¹ "Keimah, tuucing hoihpa ka hi hi. Tuucing hoihpa in a tuute ading a nuntakna a pia hi.

LAISIENGTHOU CL Bible (BSI)

¹¹ Kei belamchingpa hoi ka hi, belampu hoiin belamte dingin ahinna apie hi.

Zo Bible

¹¹ “Kei tuucing hoi ka hi hi. Tuucing hoi in a tuute adingin a hinna a pie hi.

John 10:11 ပူးပေါင်းရင်းမြစ်များ

2 Samuel 24:17

David in mite a sattuk vansawltak a muh ciangin TOPA kiangah, "A khial, mawhna a bawlpa kei ka hi hi. Hihte tuu hi lo hiam? Amaute in bang hih uh ahi hiam? Kei le ka innkuanpihte tungah na khut tusak zaw in," a ci hi.

Phatna-late 23:1

TOPA in tuucin-a hong cingpa hi-a, bangmah ka kisam kei ding hi.

Phatna-late 80:1

Israel Cingpa, tuuhon banga Joseph a makaihpa; cherub-te kikal ah tu a,

Isaiah 40:11

Tuucingpa bangin a tuuhonte vaka, tuunote a ang sungah khawmin amaute dawm mahmah in pua dinga; a no neite damdamin a masuan hiathiat ding hi.

Isaiah 53:6

Eite khempeuh tuu bangin lam i pial khin a, eima utna ciatah i pial hi; TOPA in eite khempeuh mawhna ama tungah a suan hi.

Ezekiel 34:2

"Mihing tapa aw, Israel tuucingte langkhatah thu genkhol in; thu genkhol inla amaute tungah: ‘Hih in Thupipen TOPA gen ahi hi: Amaute kia bek a kidon Israel tuucingte in gimna nak thuak na uncia! Tuucingte in tuuhonte a cin ding uh hi lo ahi hiam?

Ezekiel 34:23

Amaute a uk ding tuucing khat ka nasempa David ka koih dinga amah in amaute a vak ding hi; amah in amaute vakin amaute a cingpa hi ding hi.

Ezekiel 37:24

"’Ka nasempa David amaute kumpi hi dinga, amaute khempeuh a cing ding tuucing khat ahi ding hi. Ka thukhamte zui ding uh a, ka thukipte limtakin a tang ding uh hi.

Micah 5:4

TOPA hatna sungah amah dingkipin, TOPA ama Pasian min thupi sungah a tuuhonte a cing ding hi. Tua ciangin amau liatna in leimong dong ban ding ahi manin amaute galmuangtakin a teng ding uh hi.

Zechariah 13:7

"Namsau aw, ka tuucingpa le kei tawh kinai mipa do dingin tho in," Thahatpen TOPA in cikhia hi. "Tuucingpa sat in tuute kithehthang dinga, a note tungah ka khut ka viik ding hi.

Matthew 20:28

Mihing Tapa, midangte ama na a semsak dinga hong pai hi lo, midangte ading nasem ding le mi tampi tat nadinga ama nuntakna a pia dingin hong pai ahi hi," a ci hi.

John 10:2

Kongpi lam tawna lutpa ahileh ama tuute a cingpa ahi hi.

John 15:13

A lawmte tang dinga a nuntakna a paai itna sanga itna lianzaw a nei kuamah om lo hi.

Ephesa-te 5:2

Christ in eite hong it a, eite adingin Pasian tungah a namtui-a piakna ding le biakpiakna dingin amah le amah a kipiakkhiat bangin itna nuntakna tawh na nungta un.

Titus 2:14

Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

Hebrews 13:20

Tawntung thukhun sisan tungtawn in a lian Tuu cingpa i Topa Jesu misi pana a thosak tua lemna Pasian in,

1 Peter 5:4

Tua hileh Tuucing Lianpenpa hong kilat ciangin a tul ngei lo minthanna lukhu na ngah ding uh hi.

1 John 3:16

Itna bang ahi hiam cih i theihna hih ahi hi: Jesu Christ in eite adingin a nuntakna hong khaam hi. Tua bangin eite in i sanggamte adingin i nuntakna i khaam ding kul hi.

Kilaakna 7:17

Ahang in, kumpi tokhom laizanga Tuuno, amaute cingpa hi ding hi; amah in amaute a nungta tuinakte ah paipih ding hi. Tua ciangin Pasian in amaute mit pan, khitui khempeuh a nulkeu ding hi,"hong ci hi.