John 1:9 - Zokam International Version

⁹ Mikim tungah a tang tua khuavak taktak leitungah hong pai hi. b

LAISIENGTHOU CL Bible (BSI)

⁹ Tuakhu vah dihtah, michin leitunga hing pei pouma salvahpa ahi.

Zo Bible

⁹ Mikim tunga ang tang ahi tua khuovah tahtah pen leitungah ang pei zo hi.

John 1:9 ပူးပေါင်းရင်းမြစ်များ

Isaiah 49:6

amah in: "Jacob behte ciahpih kik ding le ka kepsa Israel-te puak kik ding a sempa na hina nang adingin neu lua hi. Ka hotkhiatna leimongte dongin na puak theih nadingin Gentile-te adingin zong khuavak kong suaksak ding hi," hong ci hi.

Isaiah 8:20

Thukham le tecipannate bek ngai un. Amaute in hih kammalte tawh kizui-in a pau kei uh leh amau adingin phalvak khuavak a nei lo suak uh hi.

Matthew 6:23

Ahi hangin na mit a siat leh na pumpi tung khempeuh a mial ding hi. No sunga om khuavak, khuamial ahileh bangzah in a mial tazen tam!

Luke 11:36

Tua ahi manin na pumpi khempeuh uh khuavak tawh kidima, a mialna themkha zong a om kei leh khuavak in note hong tan mah bang in na pumpi uh a tang khin kiuhkeuh ding hi," a ci hi.

John 1:4

Ama sungah nuntakna om-a, tua nuntakna, mite khuavak ahi hi.

John 1:7

Mi khempeuh in ama tungtawnin tua khuavak a up theih nadingin khuavak tawh kisai a theisak dingin teci-a hong pai ahi hi.

John 12:46

Kei hong um khat beek khuamial ah a om loh nadingin khuavakin leitung ah hong pai ka hi hi.

John 14:6

Jesu in, "Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi.

John 15:1

"Keimah lenggui taktak ka hi-a, ka Pa, tua lo neipa ahi hi.

John 6:32

Jesu in amaute kiangah, "Thutak kong geninah, vantung pana anlum hong pia Moses hi lo hi. Vantung pana anlum taktak hong pia, ka Pa ahi hi.

John 7:12

Mihonpite lakah ama thu kihuausim uh a, a kizel thang hi. Pawlkhatte in, "Amah mi hoih hi," a ci uh hi. Adangte in, "Hi kei, amah’n mite a khem hi," a ci uh hi.

1 John 1:8

Mawhna ka nei kei hi, i kicih leh ei le ei kikhem i hi a, eite sungah thutak a om kei hi.

1 John 2:8

Tua hi napi thupiak thak khat hong gelh ka hi hi; khuamial bei zo a, thumaan khuavak tang khin zo ahi manin amah le note sungah a thutak kimu zo hi.

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.