John 1:49 - Zokam International Version

⁴⁹ Tua ciangin Nathanael in, "Rabbi, nang Pasian Tapa na hi hi. Israel Kumpipa na hi hi," ci-in a genkhia hi.

LAISIENGTHOU CL Bible (BSI)

⁴⁹ Nathanael in adawnga, akungah, “Rabbi, Nang Pasian Tapa na hia, Israel te leengpa na hi,” achi hi.

Zo Bible

⁴⁹ Nathanael in, “Rabbi aw, nang Pasien’ Tapa na hi hi! Israel kumpipa zong na hi hi!” ci-in a dawngkia hi.

John 1:49 ပူးပေါင်းရင်းမြစ်များ

Phatna-late 110:1

TOPA in ka Topa tungah: "Na galte khempeuh na khe ngakna ka suahsak matengin ka taklam ah na tu in," a ci hi.

Phatna-late 2:6

"Ka mual siangtho Zion tungah ka Kumpipa c ka tusak khin hi." a ci hi.

Isaiah 9:7

Ama ukna le kilemna khangin bei hun a nei kei ding hi. Amah in David tokhom luah dinga, tua huna kipan a tawntungin thumaan le thutang tawh a gam phutin a lenkip ding hi. Thahatpen TOPA deihluatna in hih thu a tangcingsak ding hi.

Daniel 9:25

Hih thu thei inla telcian in: Thukip d a kipiaka kipan Jerusalem a ngei bangin a kilam kik dong sagih ‘sagihte’ hi dinga, Jerusalem kilam kika kipan Sathau-kinilh Pa e, ukpa hong pai dong, sawmguk lenih ‘sagihte’ hi ding hi. Kongzing lampite le guampi nei-in kilam kik dinga, ahi hangin lungkham hun sung hi ding hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Micah 5:2

Ahi hangin nang Bethlehem Ephrathah aw, Judah bawng’te b sung pan aneu na hi hangin nang sungah Israel ukpa ding khat kei adingin a piangkhia ding hi; amah tanglai hunte pan c tangtawng pek pana d omsa ahi hi.

Zephaniah 3:15

TOPA in na dan thuak ding tawh hong kipelhsak khin hi; na galte hong kilehhawlsak zo hi. TOPA Israel-te Kumpipa, note tawh omkhawm khin hi; note in kisiatna peuhmah na kihta ngei nawn kei ding uh hi.

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Matthew 14:33

Gunkuang sunga om teng in, "Pasian Tapa na hi takpi hi," ci-in Jesu a bia uh hi.

Matthew 2:2

Amaute in, "A suakkhinsa e Jew-te kumpipa koi-ah om hiam? Nisuahna lamah ama aksi ka mu zo uh a, a bia dingin kong pai uh hi," ci-in a dong uh hi.

Matthew 21:5

"En un, na kumpipa uh, lungsim niam tawh, laapi tung le, a kituang nai lo laano, laapi ta laano tungah, tuangin note kiangah hong pai hi,’ ci-in Zion Tanu kiangah na gen in," a cih thu a tangtunna-in hih thu a piang ahi hi.

Matthew 23:7

Vanzuakna munte ah pibawl ding le ‘Rabbi’ ci-a mite sap ding a ut se uh hi.

Matthew 23:8

"Ahi zongin note ‘Rabbi’ a kici ding na hi kei uh hi. To khat bek nei na hi manun na vekun unau khat na hi uh hi.

Matthew 27:11

Tua hun laitakin ukpipa mai-ah Jesu a ding hi. Ukpipa in ama kiangah, "Nang Jew-te kumpipa na hi hiam?" ci-in a dong hi. Jesu in, "Hi mah hi, na cih bangin ka hi hi," ci-in a dawng hi.

Matthew 27:42

Amaute in, "Amah in midangte honkhia zo napi, amah le amah kihonkhia zo lo pi! Amah Israel-te kumpipa hi ven! Tu laitakin singlamteh tung pan hong kumsuk leh amah um ni.

Matthew 4:3

Tua zia-etpa a kiangah va pai-a, "Nang Pasian Tapa na hileh hih suangte anlum suaksak in," a ci hi.

Mark 15:32

I mitin mu a i up theih nadingin hih Israel-te kumpipa, hih Christ e singlamteh tung pan hong kumsuk ta hen," a ci uh hi. Tua mah bangin amah tawh a kikilh khawmte in zong a engko uh hi.

Luke 1:35

Vansawltak in, "Nang tungah Khasiangtho hong tung dinga Sang Penpa vang in nang hong sung ding hi. Tua ahi ciangin a suak ding misiangthopa, Pasian Tapa kici a ding hi.

Luke 19:38

"Topa min-a hong pai kumpipa in thupha a ngah hi! a "Vantungah lemna om henla, a sang penna munah minthanna om ta hen!"ci-in a awng uh hi.

John 1:18

Kuamah in Pasian a mu ngei kei hi. Ahi hangin Pa kianga om Tapa neihsun bek e f in amah a kitheisak zo hi.

John 1:34

Ken ka mu khin ta a, Pasian Tapa hi, cih teci ka pang hi," ci-in a gen hi.

John 1:38

Jesu kihei-a, amaute in a nung a zuih uh a muh ciangin, "Bang deih na hi uh hiam?" ci-in a dong hi. Amaute in, "Rabbi, (Siapa cihna) nang koi-a taam na hi hiam?" a ci uh hi.

John 1:50

Jesu in, "Theikung nuai-ah nang kong mu zo hi, ci-a kong gen manin na um d hi. Tua sanga thupizaw nate na mu ding hi," a ci hi.

John 18:37

Pilate in, "Nang, kumpi khat na hi maw leh!" a ci hi. Jesu in, "Kei kumpi nong cih na maan hi. A taktakin, hih thu hangin ka suaka, hih thu hang mahin leitung ah kong pai-a thutak ah teci ka pang hi. Thutak lama pang peuhmah in ka thu a ngai uh hi," ci-in a dawng hi.

John 4:31

Tua kalin a nungzuite in, "Rabbi aw, bang khatpeuh ne in," ci-in a sawl uh hi.