John 1:4 - Zokam International Version

⁴ Ama sungah nuntakna om-a, tua nuntakna, mite khuavak ahi hi.

LAISIENGTHOU CL Bible (BSI)

⁴ Ama ah hinna a um a, tua hinna khu mihingte vahna ahi.

Zo Bible

⁴ ama sungah hinna a nei vua, tua hinna khu mihingte’ khuovah ahi hi.

John 1:4 ပူးပေါင်းရင်းမြစ်များ

Phatna-late 49:6

a neihsa uh muangin a hauhna uh kisaktheihpihte in hong kimkot uh ciangin bang hang kihta ding ka hi hiam?

Phatna-late 84:11

Ahang in, TOPA Pasian in, tungsun ni le lum ahi hi; TOPA in angvanna le pahtawina pia a; a kal suanna kawkbaang lote ading na hoih khat beek a sit kei hi.

Isaiah 42:16

Keimah in mittawte a theih ngei lohna munah ka pi dinga, a tawt nai lohna lampi ah lam ka hilh ding hi; amaute mai-ah khuamial khuavak ka suaksak dinga, aham lampite ka nelsak ding hi. Ka sep ding nate hihte ahi hi; amaute ka nusia kei ding hi.

Malachi 4:2

Ahi hangin ka min a kihta note adingin a khate tungah damna tuangin thumaanna ni a suak ding hi. Tuateh bawngnote a kikhumna pan kikhahkhia-a a dian uh bangin paikhia-in na diang ding uh hi.

Matthew 4:16

khuamial sunga teng mite in, khuavak lianpi a mu zo uh hi; sihna liim gam sunga teng mite tungah khuavak tang khin ta hi." g cih thu a tangtun nading ahi hi.

Luke 2:32

Gentile-te tunga kilaak nading khuavak le na mi Israel-te minthan nading ahi hi," a ci hi.

John 11:25

Jesu in tuanu kiangah, "Keimah in, thawhkikna le nuntakna ka hi hi. Kei hong um mi a sih hangin a nungta ding hi;

John 12:35

Tua ciangin Jesu in amaute kiang ah, "Note in tawmvei sung bek khuavak na nei lai ding uh hi. Khuamial in hong lap ma-in khuavak na neih lai-un pai un. Khuamial laka paite in a pai nading uh a thei kei uh hi.

John 12:46

Kei hong um khat beek khuamial ah a om loh nadingin khuavakin leitung ah hong pai ka hi hi.

John 14:6

Jesu in, "Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi.

John 3:19

Thutanna hih ahi hi: Leitungah Khuavak hong tung zo hi, ahi hangin mihingte in a gamtatnate uh gilo ahi manin khuavak a it tangun khuamial a it uh hi.

John 5:21

Ahang in, Pa in misite nuntakna pia-in a thawhkiksak bangin Tapa in zong a piak nop mite tungah nuntakna a pia hi.

John 5:26

Ahang in, Pa in amah mah-a nuntakna a neih bangin Tapa in zong amah mah-a nuntakna a neih nadingin a pia zo hi.

John 8:12

Jesu in mihonpi tungah thu a gen khit ciangin, "Keimah leitung khuavak ka hi hi. Kei hong zui peuhpeuh khuamial lakah pai loin nuntakna khuavak a nei ding hi," a ci hi.

John 9:5

Leitunga ka om laiteng, leitung khuavak ka hi hi," a ci hi.

Nasepte 26:23

Christ a in thuak dinga misi pana tho masa pen hi in, ama mite kiang le Gentile-te kiangah khuavak thu a tangko ding hi,’ a cih valkan ka gen kei hi," a ci hi.

1 Corinth-te 15:45

Tua ahi ciangin "Mi masa Adam, a nungta mi suak hi." c ci-in kigelh hi. A nunung Adam, nuntakna a pia kha ahi hi.

Ephesa-te 5:14

Ahang in, na khempeuh a kimu theisak khuavak ahi hi. Hih thu hangin: "Ihmu mi aw, khanglo in, misi panin tho in, tua hileh nang tungah Christ a tang ding hi,"a na ci hi.

Colosse-te 3:4

Note e nuntakna ahi Christ hong kilat ciangin note zong ama minthanna tawh na kilangkhawm ding uh hi.

1 John 1:1

A tunga omsa, kote in ka zaksa uh, ka mit uh tawh ka muhsa uh, en-a ka khut uh tawh ka lawnsa uh, hih nuntakna Thu tawh kisai kong tangko uh hi.

1 John 1:2

Tua nuntakna hong kilang zo a, kote in mu khinin teci ka pang uh a, Pa tawh a om khawm ko kianga hong kilak tua nuntak tawntungna no tungah kong tangko uh hi.

1 John 5:11

Tua hi-a hih in teci panna ahi hi: Pasian in eite nuntak tawntungna hong pia a, tua nuntakna Tapa sungah a om hi.

Kilaakna 22:1

Tua ciangin vansawltak in nuntakna guntui hong laka, crystal bangin cim sitset a, Pasian le Tuuno tokhom pan luangkhia-in,

Kilaakna 22:16

"Keimah Jesu in, pawlpite ading in hih teci panna nang b tunga gen dingin ka vansawltak kong sawl zo hi. Kei in David Zungpi le ama Suan le a tangpha Zingsol ka hi hi."