John 1:12 - Zokam International Version

¹² Ahi zongin amah a sangte khempeuh, ama min a umte khempeuh tungah Pasian tate suah nading thuneihna a pia hi.

LAISIENGTHOU CL Bible (BSI)

¹² Hinanleh Ama kipahpi poumate kungah Pasian tate hitheina ding hamphatna apie hi, Ama min gingtate kungah:

Zo Bible

¹² Ahi vangin ama sangin ama’ min a um zosiete tungah Pasien’ tate suo thei nading thuneina a pie hi.

John 1:12 ပူးပေါင်းရင်းမြစ်များ

2 Samuel 7:24

A tawntunga na aituam dingin na mi Israel-te na kipsak khin a, amaute Pasian na suak khin hi, TOPA aw.

Isaiah 56:5

amaute tungah ka biakinnpi sung le a kawmte tungah tanute le tapate sanga a hoihzaw phawkdenna le minte ka pia ding hi. Amaute tungah a mang nawn lo ding a kip tawntung min ka pia ding hi.

Jeremiah 3:19

Keimahmah in, "‘Lungdam lua-in tapate bangin ka bawl dinga, minam khatpeuh luah a nopcipen le a deihhuaipen nang kong pia ding hi,’ ka ci hi. ‘Pa’ hong ci-in nong zuihna pan kihei lo ding kong sa hi.

Hosea 1:10

"Tua hi napi Israel-te a kiteh thei lo, a kisim thei lo tuipi gei-a sehnel a bang ding uh hi. Amaute tungah, ‘Note ka mi na hi kei uh hi,’ a kicihna munah a maute, ‘A nungta Pasian tate kici ding hi,’ ci hi.

Matthew 10:40

"No hong sangte, kei hong sang hi-a, kei hong sangte, kei hong sawlpa a sang ahi hi.

Matthew 12:21

Minamte in a lametna uh ama minah a nga ding uh hi," a cih thu a tangtun nading ahi hi.

Matthew 18:5

Tua ciangin keima min hangin hih bang naupangno khat a sangte peuhmah, kei hong sang ahi hi.

John 1:11

Ama aa mahmah ahi te kiangah hong pai ahi hangin ama aa te in amah a sang kei uh hi.

John 1:7

Mi khempeuh in ama tungtawnin tua khuavak a up theih nadingin khuavak tawh kisai a theisak dingin teci-a hong pai ahi hi.

John 11:52

Tua minam tang ding bek hi loin a kitheh thang Pasian tate tang ding zong hi a, amaute kaikhawm kikin khat a suahsak nading ahi hi.

John 2:23

Paisan Pawi sung Jerusalem a, a om laitakin, a lim lamdang bawlte mi tampi in mu uh a, ama min a um uh hi. b

John 20:31

Ahi hangin Jesu, Christ hi-a, Pasian Tapa hi, cih na up theih a nading uh le tua upna hangin ama minin nuntakna na neih theih nadingun hihte a kigelh ahi hi.

John 3:18

Amah a um khempeuh a kimawhpaih kei hi. Ahi hangin amah a um lo mi peuhmah Pasian Tapa i khat neihsun a min um lo ahi manin mawh paihsa ahi hi.

Nasepte 3:16

Note in na muh uh le na theih uh hih mipa Jesu min upna hangin kihatsak hi. Note khempeuh in na muh uh bangin ama tunga damsiangna a pia pen Jesu min le ama tungtawna hong pai upna ahi hi.

Rome-te 8:14

Bang hang hiam cihleh Pasian Kha in a makaihte Pasian tapate ahi uh hi.

Rome-te 8:16

Pasian tate i hina eimau kha tawh tua Kha mahmah in teci a pang hi.

Rome-te 8:19

A kipiangsak na khempeuh in Pasian tapate a kilaak nading lawptakin lamenin a ngak uh hi.

Galatia-te 3:26

Christ Jesu upna tungtawnin note khempeuh Pasian tapate na hi uh hi;

Galatia-te 4:6

Note tapate na hi manun "Abba, c Pa" a ci khia tua Kha, ama Tapa Kha eite lungsungah Pasian in hong sawl hi.

Colosse-te 2:6

Tua ahi ciangin Christ Jesu, Topa a na sansa bang tektekun ama sungah nungta suakin,

2 Peter 1:4

Hihte tungtawnin pasian pianngei ah tanh na neih theih nading uh leh lunggulhna gilo in a piansak leitung siatna pan note na suahtak theih nadingun amah in tuate tungtawnin alian pha mahmah le a manpha a kamciamte eite hong pia zo hi.

1 John 3:1

Eite, Pasian tate cih-a i om nadingin Pa in eite tunga hong sunleet itna lian mahmah si! Ei lah tua mah i hi hi! Leitung in eite hong theih lohna amah a theih loh hang ahi hi.

1 John 3:10

Hih in Pasian tate le dawimangpa tate i theihkak theih nading ahi hi. Mi khatpeuh amaana a gamtat kei a, ama sanggampa a it kei leh Pasian ta ahi kei hi.

1 John 3:2

Kong it lawmte aw, tu-in eite, Pasian tate i hi a, mailamah bang i hi lai ding hiam, hong kitheisak nai lo hi. Ahi hangin amah hong kilat b ciangin amah ahi banga mu ding i hi manin amah i bang ding hi cih i thei hi.

1 John 3:23

Ama thupiak hih ahi hi: Ama Tapa Jesu Christ min up ding le amah in eite hong thupiak bangin khat le khat i ki-it ding ahi hi.