Joel 2:23 - Zokam International Version

²³ Zion mite aw, kipak un; amah in a thumaanna e sikhiau guah hong pia ahi manin TOPA note Pasian tungah lungdam un. Amah in kum dangte bangin khuapi guah zusakin tuk guah le sikhiau guahte hong zusak hi.

LAISIENGTHOU CL Bible (BSI)

²³ “Tuachi’n nou Zion tate kipah un, tualeh Mangpa na Pasian uah nuom un, aziehpen Aman noute guo masa ginumtah in ahing zusahta hi. Aman nou adingin guo ahing zu sah dinga, aha khatna ah guo masa leh, guo nukhia ahing zusah ding hi.

Zo Bible

²³ Zion tate aw, lungdam unlen, Topa na Pasien uh sungah kipah un; azieh pen ama in na dihna uh a kilah nadingin guo masa zusah zo a, note adingin guotui tampitah ang buohsuh zo ta hi. Guo masa le guo nukhia zong nidang lai bangin a zusah hi.

Joel 2:23 ပူးပေါင်းရင်းမြစ်များ

1 Kumpite 8:36

tua ciangin van panin na za inla na nasemte, na mi Israel mawhna maisak in. Amaute nuntakna lampi maan hilh inla na mite luah dinga na piak leitangah guah zusak in.

Job 33:23

"Mihing adingin thumaan a gensak ding vansawltak palai tulkhat lakah khat a om khak leh zong,

Job 37:13

Amah in mihingte dan tuahsakna ahikeh leitang f tui buahna le ama itna lahna-in meii a zang hi.

Phatna-late 104:34

TOPA ah nuam ka sak bangin ka ngaihsutsutna in amah lungkimsak ta hen.

Phatna-late 147:8

Amah in meiite tawh huih khua tuam a, leitung ah guah zusakin mualte tungah lopa posak hi.

Phatna-late 149:2

Amaute a Bawlpa tungah Israel nuam hen; amau kumpipa tungah Zion mite kipaak uh hen.

Phatna-late 28:7

TOPA in ka hatna le ka lum ahi hi; ka lungsim in amah muanga, keimah hong kihuh hi. Ka lungsim nuamin dianga, la sakin ama tungah lungdam ka ko ding hi.

Phatna-late 32:11

No a thumaante lungnuamin TOPA sungah kipak un; no lungsima thutangte khempeuh aw, la sa un!

Phatna-late 84:6

Amaute in Baca Kuam nawka a pai lai-un ciktui phulna mun suaksak uh hi; sikhiau guahte in zong bual b a dimsak hi.

Paunakte 16:15

Kumpi khat a maitai ciangin kinuntak lawh a; ama angvanna in guah a paii tukmeii tawh kibang hi.

Isaiah 30:21

Taklam ah kihei-in vei lamah na kihei uh zongin na nung panin na bil un, "Hih lampi hi, tawn un," a cih na za ding uh hi.

Isaiah 30:23

Lei sunga na vawhsa khaici adingin guah zong hong zusak dinga, gam sunga an piangte gahpha in a tam mahmah ding hi. Tua ni ciangin na ganhonte uh lonona zapi ah a gamta ding uh hi.

Isaiah 41:16

Na haih ding uh a, amaute huihin lenin huihpi in a mutmang ding hi. Ahi hangin TOPA sungah note na lungnuam ding uh a, Israel-te Siangtho Pa sungah na minthang ding uh hi.

Isaiah 61:10

TOPA sungah nuam ka sa mahmah a, ka Pasian sungah ka kha a kipak hi. Ahang in, zi neipa in siampipa bangin a lu a zep bang le, suangmanpha-in monu a kizep bangin amah in hotkhiatna puante kei hong silhsak khin a, thumaanna puantualpi-in kei hong zem khin hi.

Jeremiah 3:3

Tua ahi ciangin khuapi guah zu lo a, guahsia zong a zu tuan kei hi. Tua hi napi na paktat mithah lailai a; zuma na mai san ding na nial lai hi.

Jeremiah 5:24

Amaute in, "Tuk guah le sikhiau guahte a hunin hong zusaka, an lak huna an hong lasakpa, TOPA eite Pasian kihta ni,’ a kici kei uh hi.

Tamlawhna 4:2

Hun khat lai-a manphatna kham tawh a kiteh Zion tapate bang ci-in tu-in beelsekpa in a khuta a sek leibeel banga kingaihsun a hia!

Ezekiel 34:26

Amaute le ka mual a kimkot munte thupha ka pia ding hi. A khuahun zui-in guah ka zusak dinga; thupha guah ka zusak ding hi.

Hosea 6:3

Eite in TOPA phawk ni; amah phawk ding ngaihsun tentan ni. Ni a suah pelmawh bangin amah hong kilang pelmawh ding hi; tuklai-a guahzuk bangin eite kiangah hong pai dinga, leitung tui a buak sikhiau guah bangin amah hong pai ding hi."

Siampi Laibu 26:4

a hunin guah kong puak dinga, leitang in gah gahin lo sunga singkungte a gah ding hi.

Amos 4:7

An lak ding khathum in a sap laitakin guah ka haang hi. Khuapi khatah guah zusakin adang khatah guah ka haang hi. Lo khatah guah zu-in adang khatah zu loin a keucip hi.

Zechariah 10:1

Khuakhal kipat hunin TOPA tungah guah ngen un; huihpi meiipite a bawl TOPA ahi hi. Amah in mite tungah guah zusak a, a kua mahpeuh tungah ankungte a pia hi.

Zechariah 10:7

Ephraim-te mi thahat tawh kibang ding uh a, zudawn bangin a lungkim ding uh hi. A tate un tua mu-in kipak ding uh a, TOPA sungah a lungdam ding uh hi.

Zechariah 9:13

Ka thalpeu ka kek bangin Judah ka kek dinga, Ephraim tawh ka bulh ding hi. Greece aw, na tapate langkhat ah, Zion aw, na tapate ka thosak dinga, nang galhangte namsau kong bangsak ding hi.

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Nasepte 14:17

Tua hi napi teci panna om loin amaute a mawk nusiat kei hi: vantung pana guah le amau hun ciata, a gah an pia-in a migitna hong lak hi. An tampi-in hong vaka, na lungtang uh lungnop na tawh a dimsak hi," a ci uh hi.

Thupiakkikna 11:14

tua ciangin note in an la-in zuthak le sathau na kaihkhop theih nadingun na gamuah sikhiau guah le tukguah ka zusak tuak ding hi.

Thupiakkikna 28:12

TOPA in vantungte le na tampi a kholna inn hongin na gamuah guah a hunin zusak dinga na khut uh tawh na septe khempeuh uh thupha a pia ding hi. Minam tampite na leitawisak ding uh a, ahi hangin no kuama tungpan na leitawi kei ding uh hi.

Thupiakkikna 32:2

Ka hilhna guahmal bangin kia henla, ka kammalte daitui bangin taak hen; lopa sel tungah guahphin bang henla, singno dawngte tunga guahzu bang hen.

Philippi-te 3:1

A nunung penin ka sanggamte aw, Topa sungah lungdam un! Note tungah a kibangmah gelh kik ding buaihuai lo a, note adingin bitna ahi hi.

Philippi-te 3:3

Ahang in, ei vunatte ei Kha-a Pasian biate, Christ Jesu sunga a minthangte in, ci-le-sa ah muanna i nei kei hi.

Philippi-te 4:4

Topa sungah lungnuam tawntung un. Kong genkik ding hi: Lungnuam un!