Joel 2:11 - Zokam International Version

¹¹ A galkapte mai-ah TOPA hawk hi; sim zawh loh galkapte le a thahatte in a thu mang uh hi. TOPA ni thupi mahmah hi-in lauhuai lua mahmah hi. Kua in thuak zo peuhmah ding hiam?

LAISIENGTHOU CL Bible (BSI)

¹¹ Mangpa’n agalkap honte mai ah a aw asuo a, agiehphuol khu athupi mama ngal a, Athupieh sutangtungte athahat uhi. Mangpa ni khu athupi mama a, achizat huoi hi, Koi in athuoh zou diei?

Zo Bible

¹¹ A galkapte mai-ah Topa in thu a gen hi; a galkap honte nah tam sam e! Ama’ thupieh a mang mite simzawh ding hi lo hi. A tahtahin Topa’ ni pen thupi mama hi; zong zau huoi mama hi, koi in thuohzo ding ahei?

Joel 2:11 ပူးပေါင်းရင်းမြစ်များ

Phatna-late 18:14

Amah in a thaltangte kap a galte a kithehthangsak hi, kektang lianpite khiata, amaute a nawhkek hi.

Phatna-late 46:6

Minamte so in kumpi gamte puk hi; ama’n a aw sangsak a, leitung a tuimang hi.

Phatna-late 68:18

A sangna mun ah na kahtoh lai-in na matte na tonpih diudeu a; mite tung pan letsong ngah in, a lehdote pan c nangawnin na ngah hi - tua in TOPA Pasian aw, tua lai-ah na d ten theih nading ahi hi.

Isaiah 13:4

Mualtunga mihon tampi gamlumna tawh a kibang ngai dih un! Ngai un, kumpi-gamte laka kikona minamte kikaikhawm tawh kibang veh! Thahatpen TOPA in gal sim dingin galkap kaikhawm hi.

Isaiah 42:13

Mi thahatpa bangin TOPA kuankhia a, galhangpa bangin deihluatna sosak dinga; galphawnna aw khatvei kiko in a galte a zo khin ding hi.

Isaiah 7:18

Tua ni ciangin TOPA in gamlapi Egypt luite a om tho-te le Assyria gama om khuaipite sapna phit a mut ding hi.

Jeremiah 25:30

"Tu-in amaute tungah hih thugen kholhna khempeuh gen in: "‘A sangna mun panin TOPA hawkin; a tenna mun siangtho panin kektang khiat dinga nakpitakin a gam a hawksan ding hi. Amah lenggah cilte bangin awng dinga, leitunga teng khempeuh a otsan ding hi.

Jeremiah 30:7

Tua ni lauhuai lua si inteh! Tehpih ding a om kei hi. Jacob lungkham hun hi dinga, ahi hangin amah kihon ding hi.

Jeremiah 50:34

Tua hi napi amaute Tanpa lah thahat a; ama min Thahatpen TOPA ahi hi. Amah in amaute gamah tawlngakna a tut nadingin amaute thu nakpitakin panpih dinga, ahi hangin Babylon a tengte a buai den ding uh hi.

Ezekiel 22:14

Nang tungah kong thuk ni ciangin hang ngam lai-in na khut khauh zo nawn ding ahi hiam? Keimah TOPA in ka gensa hi a, ka sem ding hi.

Joel 1:15

Tua ni aw, tazen aw! Ahang in, TOPA ni nai ta hi. Thahatpenpa a suksiat bangin hong tung ding hi.

Joel 1:6

Minam khat in ka gam hong sim-a, vanglian mahmahin sim zawh lohin tam uh a, a ha uh humpinelkai ha bangin, humpinelkai nute ha bangin a hiam hi.

Joel 2:1

Zion ah pengkul mut un; ka mual siangtho tungah patau kohna gingsak un. TOPA ni tungta ahi manin gama teng mi khempeuh lingsak ta hen -

Joel 2:2

lungzin ni le khuamial ni, khuamial ni le meiikai ni nai mahmah ta hi. Ni suaktung vaang mualtung tengah a kiphah bangin a thahat a tam mahmah galkapte hong pai uh hi; tangtawng pana kimu ngei nai lo mailam huna zong a om ngei nawn lo ding ahi hi.

Joel 2:25

"Note lakah kong sawl ka galkap tampi - kauphe honpi le kauphenote, kauphe tuante le kauphe dangte f - kauphete hong neksak kum sunga piang teng kong din kik ding hi.

Joel 2:31

A lauhuai mahmah tua TOPA ni a tun ma-in ni khuamial kisuaksakin, khapi sisan kisuaksak ding hi.

Joel 3:14

Thukhenna Kuam sunga mihonpite, mihonpite! Ahang in, thukhenna Kuam ah TOPA thukhenna nai ta hi.

Joel 3:16

Zion panin TOPA hawk dinga, Jerusalem panin kek kia ding hi; lei le van kiling ding hi. Ahi hangin TOPA a mite bukna suak dinga, Israel mite mun muanhuai ahi ding hi.

Amos 1:2

Amah in: "Zion panin TOPA hawk a, Jerusalem panin kekte a kia hi; tuucingte lonona mun teng keucip b a, Carmel dawn teng keugaw ta hi," a ci hi.

Amos 5:18

TOPA ni a ngaklah note, gimna nak thuak na nucia! Bang hangin TOPA ni ngaklah na hi uh hiam? Tua ni-in khua vak loin mial bikbek ding hi.

Amos 5:20

TOPA ni-in khua vak loin khua kimialsak ding - mial bikbekin khuavak-zang khat zong om lo ding hi lo ahi hiam?

Obadiah 1:15

"Minam khempeuh tungah TOPA ni ding nai ta hi. Na sepsa bangin nang tungah hong kisem ding hi. na sepsate uh nomau lubuk ah hong tu ding hi.

Nahum 1:6

Ama lunghamna kua in nangzo ding hiam? Amah hehluatna kua in thuakzo ding hiam? A thangpaihna mei bangin a sungkhia hi; ama mai-ah suangtumte kitamzan hi;

Malachi 3:2

Ahi hangin ama hong pai ding ni kua in thuakzo ding hiam? Amah hong kilat ciangin kua in nang zo ding hiam? Ahang in, amah sik siansakna mei ahikeh puan sawpsiangna saban tawh kibang ding hi.

Misimna 24:23

Tua ciangin ama thusuak gen a: "Kalasai, Pasian in hih a sep ciangin kua nungta zo ding hiam? d

1 THESSALONIKA 4:16

Ahang in, Topa mahmah vantung panin, a ngaih mahmah thupiakna tawh, vansawltak lian aw le Pasian sapna pengkul ging tawh hong kumsuk dinga, tua ciangin Christ sunga a sisate tho masa ding uh hi.

Kilaakna 18:8

Tua ahi manin ni khat sungin ama gimnate ahi: sihna, thumna le kialpi-te in tuanu a khuplet ding hi. Ama tunga thukhen Topa Pasian thahat ahi manin tuanu, mei-ah kikhultum ding hi.

Kilaakna 6:17

Bang hang hiam cih leh amaute thangpaihna ni thupi hong tung hi, kua in thuak zo ding hiam?" ci-in a sam uh hi.