Jeremiah 9:11 - Zokam International Version

¹¹ "Jerusalem vansia kholna le se-alte gamtatna mun ka suaksak ding hi. Tua munah kuamah a ten theih loh nadingin Judah khuapi gamval ka suaksak ding hi," a ci hi.

LAISIENGTHOU CL Bible (BSI)

¹¹ Jerusalem khu silsie kikoikhawmna vum leh, si-alte kuo in ka bawl ding a, tualeh Juda khopite khu ateng ding umlou, ahawmguoh ka suohsah ding hi.”

Zo Bible

¹¹ Jerusalem buathah kholna le si-alte’ tenna ka suohsah ding a, Judah gam khuopite zong mi ten lona gamkhing ka suohsah ding hi.

Jeremiah 9:11 ပူးပေါင်းရင်းမြစ်များ

Nehemiah 4:2

amah a koppihte le Samaria galkapte omin, "Tua Jew migina lote in bang hih uh hiam? A kulh uh puahphat sawm uh ahi hiam? Biakna pia ding uh ahi hiam? Ni khatin zo ding uh ahi hiam? Amaute mah banga a kihaltumsa nin lompi suangtum suaksak kik thei ding uh ahi hiam?" a ci hi.

Phatna-late 107:43

A pil peuhmah in hih nate thusim uh henla, TOPA itna lianpi ngaihsun uh hen.

Phatna-late 44:19

Ahi hangin kote hong gawizanin se-alte kua nong suah a, khuamial thukpi in kote hong khuh hi.

Phatna-late 79:1

Pasian aw, minamte in nangma goutanh sim uh hi; amaute in na biakinnpi siangtho buahsakin Jerusalem leisektawng suah uh hi.

Isaiah 13:22

Gam-uite a kua muanhuai sunguah kual ding uh a, se-alte amau kumpi inn nuam sungah a kual ding uh hi. Tuanu hun nai mahmah a, ama nite a kisot nawn kei ding hi.

Isaiah 25:2

Nangmah in khuapi, ninlompi na suaksak a, kulha ki-um khua susia-in gamdangte mun muanhuaite khuapi a hi nawn lo dingin na bawla; a kilam kik ngei nawn kei ding hi.

Isaiah 34:13

Amualbote thangling in tuum dinga a kulh muanhuaite lakhai le lingvom in a tuum ding hi. Tua mun, ngiate anzonna mun suak dinga, simbute’ bu suak ding hi.

Isaiah 44:26

a nasemte kammalte semkhia in, a kamtaite thugente a tangtungsakpa, Jerusalem tungah ‘Mi hong teng ding hi’ ci a, Judah khuapite tungah, ‘Amaute kilam ta ding hi,’ ci a, tuateh tua a siasate, ‘A ngei ka bangsak ding hi,’ a cipa,

Jeremiah 1:15

Leilu-lam kumpi-gama mite khempeuh ka sam ding hi," TOPA in cikhia hi. "Amaute kumpite hong pai ding uh a, Jerusalem lutna kongpite, khuapi umna kulhte le Judah gam khuapite ah a kumpi tokhom uh a phut ding uh hi.

Jeremiah 10:22

Ngai un! Thu hong kizasak hi - leilu-lam gam panin alian mahmah husa khat hong ging hi! Tua in Judah khuapite hawmsakin se-alte gamtatna a suaksak hi.

Jeremiah 16:10

"Hihte khempeuh hih mite tungah na gen ciangin amaute in, ‘Bang hangin TOPA in hihzah lawmlawma alian gimna a tunsak dingin khensat ahi hiam? Eite in bang khialhna bawl i hi hiam? TOPA eite Pasian tungah bang mawhna bawl i hi hiam?" ci-in hong dot uh leh

Jeremiah 25:11

A gambuppi-in gamtul le gam simtham suak dinga hih minamte in Babylon kumpipa’ na kum sawmsagih sung a sem ding uh hi.

Jeremiah 25:18

Jerusalem le Judah khuapite, a kumpite le a uliante kisia-in tuni dong simmawh linhah le hamsiatna a suak uh hi;

Jeremiah 26:18

Moresheth-a Micah in zong thu a gen hi; amah in Judah khempeuh tunga a genna ah, "Hih in Thahatpen TOPA gen ahi hi: " ‘Lo bangin Zion kikho dinga, Jerusalem ninkholna suakin biakinnpi mual, gamphapi lak a suak ding hi,’ ci hi. b

Jeremiah 26:9

Bang hangin TOPA mina Shiloh bangin hih inn kisia dinga, hih khuapi kinusia-in gam simtham suak ding hi, ci na hi hiam?" a ci uh hi. Tuateh TOPA inn sunga Jeremiah kim ah mi khempeuh a kikhawm uh hi.

Jeremiah 34:22

TOPA in ci khia hi. Keimah in thu ka pia dinga, amau khuapi ah ka puak kik ding hi. Amaute in do ding uh a, la-in mei-in a haltum ding uh hi. Tua munah kuamah a teng thei lo dingin Judah khuapite ka puamangsak ding hi," a ci hi.

Jeremiah 4:27

TOPA gen hih ahi hi: "Gambuppi kisia dinga, ahi zongin ka susia khin sam kei ding hi.

Jeremiah 44:2

"Israel Pasian Thahatpen TOPA gen hih ahi hi: "Note in Jerusalem le Judah khuapi khempeuh a ka tunsak gimna lianpi na mu zo uh hi. Amaute gitloh gamtatnasa hangin tuni-in kisia a kuamah a teng kei hi.

Jeremiah 49:33

Hazor, kinusia denin se-alte omna a suak ding hi. Tua lai-ah kuamah nungta lo dinga mihing peuhmah a teng kei ding hi.

Jeremiah 50:3

Leilu-lam panin minam khat in tuanu sim dinga, ama gam gamlak a suak ding hi. A sungah kuamah teng loin; mite le ganhingte taikek khawm ding uh hi.

Jeremiah 51:37

Babylon, van kisia lompi suak dinga, se-alte zualna mun suakin kuama tenlohna mun, a kilipkhap le a kiphitsan mun a suak ding hi.

Jeremiah 8:22

Gilead ah zatui om lo ahi hiam? Tua lai-ah zato siam om lo ahi hiam? Bang hanga ka mite liamma dam thei lo ahi hiam?

Tamlawhna 1:4

A kisehsa pawite sim dingin kuamah kuan nawn lo ahi manin Zion zuatna lampite thum uh hi. A kongpite khempeuh uh kitawn nawn lo a, a siampite thum ngaungau in a nungakte dah lua uh a, amah in gimna nak pi-in a thuak hi.

Tamlawhna 2:2

Topa in hehpih het loin Jacob tenna khempeuh nawmvalh a, Judah Tanu mun muanhuaite a thangpaihna-in a su ciim khin hi. Amah in tuanu a kumpi-gam le a kumpite leilak denna in a mindaisak hi.

Tamlawhna 3:47

Kote in launa le gum, siatna le kisiatna ka thuak uh hi."

Siampi Laibu 26:32

Na leitang uh a mawkna ka suaksak dinga tua lai-a tung na galte nangawn uh a mulkim ding uh hi.

Micah 1:6

"Tua ahi manin Samaria, nin kholna, lenggui cinna mun ka suaksak ding hi. A suangtumte guam sungah ka sung dinga, a khuambul pite ka dawksak ding hi.

Micah 3:12

Tua ahi ciangin nangma hangin Zion khua sung lo bangin kikho dinga, Jerusalem ninkholnapi suakin, biakinnpi omna mual gammang lak a suak ding hi.

Micah 6:16

Omri le Ahab innkuante ngeina teng na zui uh a, amaute tang ngeina teng na zui uh hi. Tua ahi ciangin note, suksiat dingin kong pia dinga na mite uh kinuihsanin, minamte in hong linhah ding uh hi," d a ci hi.

Thupiakkikna 29:23

Gambuppi pen ci le kaat kangvam hi dinga - bangmah kisuan loin bangmah sel lo-a, a tungah anteh sawlbawk a po kei ding hi. Tua in TOPA in heh lua-a a lotthal Sodom le Gomorah, Admah le Zeboim-te siatna tawh kibang ding hi.

Kilaakna 18:2

Amah in nakpi takin: "Puk ta! A Lian Babylon puk ta! Tuanu dawite kua suaka, kha gilote a le a nin, a huathuai vasate zualna mun, suak zo hi.