Jeremiah 8:6 - Zokam International Version

⁶ Amau gente limtakin ka ngaih hangin thumaan a gen kei uh hi. A gitlohna uh a kisik kuamah om lo a, "Bang hih ka hi hiam? " a ci uh hi. Sakol galsim bangin amau tum ciatin a ta uh hi.

LAISIENGTHOU CL Bible (BSI)

⁶ Ke’n ka ngaikhie a, kaza hi, hinanleh amaun thudih agen sih uhi. Agitlouna ua pat koima akisia utsih ua, bang ka bawl ngel ei? achi uhi. Michin ama lampi chiet ah akihei ua, sakol kidouna phuol lam del abang uhi.

Zo Bible

⁶ Keima in hoi tahin ka ngaipieh a, ahi vangin dihtahin a gen sih uhi; a gitlona uh panin koima kisia lo a, “Bang ahei ka bawl?” ci lel uhi. Galsim dinga a tai sakol bangin a unpi-un a lampi ciet a zui uhi.

Jeremiah 8:6 ပူးပေါင်းရင်းမြစ်များ

Job 10:2

Pasian kiangah: Kei hong mawhpaih kei inla nong mawhsakna hong gen in, ka ci ding hi.

Job 34:31

"Mi khat in Pasian kiangah, ‘Ka khial hi, ahi zongin ka khial nawn kei ding hi.

Job 34:32

Ka muh theihlohte hong hilh in; ka khialhnasa a om leh zong tuate ka hih nawn kei ding hi,’ ci leh

Phatna-late 14:2

TOPA in van panin mihing tate a theitel khatpeuh, Pasian a zong khatpeuh a om hiam, cih a ensuk hi.

Isaiah 30:18

Tua hi napi TOPA in note hong hehpih nuam lailai in; ama hong khuatuahna hong lak lailai hi. Ahang in, TOPA in a thutang Pasian ahi hi. Amah a ngak zote khempeuh thupha ngah ahi hi.

Isaiah 57:17

Ama huaiham mawhna hangin ka heh lua-a; amah dan thuaksakin hehin ka lehngatsan hangin, ama nopsak bangin a gamta veve hi.

Isaiah 59:16

Amah in khat beek a om loh lam mu a, amau tanga ngetsak ding khat beek a muh loh ciangin lunghimawh a, ama khutin ama hotkhiatna semin, ama thumaanna in amah lenkip hi.

Jeremiah 23:25

"Keima mina zuauthu gen kamsangte thugen ka za khin hi. Amaute in,’Mang man ing ei! Mang khat man ing ei!’ ci uh hi.

Jeremiah 3:5

heh denden ding na hi hiam? Na thangpaihna zom den keii ding na hi hiam?’ nong ci hi. Hih bangin pau napi na hih theih gitlohna khempeuh na sem hi," a ci hi.

Jeremiah 5:1

Jerusalem kongzingte ah vaksuk vakto-in, en kawikawi-in ngaihsun kawm unla mun-awng teng zong un. Thumaana gamta, thutak a zong mi khat bek na muh uh leh hih khuapi mawhna ka maisak ding hi.

Ezekiel 18:28

Amah in a mawhnasa khempeuh ngaihsun thei-in lehngatsan ahi manin a nungta taktak ding hi; amah a si kei ding hi.

Ezekiel 22:30

"Keimah in gam ka suksiat loh nadingin kulh a lam zo ding, a gam tanga a kisap hun cianga a dingzo ding mi amaute lakah ka zon hangin khatbeek ka mu zo kei hi.

Daniel 9:11

Israel-te khempeuh in na thu hong mang nuam lo uh a, na thukhamte palsatin nang hong lehngatsan uh hi. "Tua ahi ciangin nang tungah kote mawh khin ka hi manun Pasian nasem Moses Thukham sunga kigelhsa hamsiatna le ciamsiatna thukhennate ko tungah hong kisung khin hi.

Micah 7:2

A pasian-mite leitungah beimangta a, thutaka dingtang mi khat beek a om kei hi. Mi khempeuh in sisan luansak ding bek ngak uh a; amau sanggamte lenthang a siah uh hi.

Zephaniah 3:7

Khuapi kiangah, ‘Kei hong kihta in hong kibawlphatnate sang nuam ta niteh maw!’ ka ci hi. Tua ciangin ama sunga teng mite kikhenkhia nawn lo dinga, a tungah ka dan piaknate khempeuh zong a tung kei ding hi. Ahi hangin a sep ngeite uh sep ding a lawp lai veve ding uh hi.

Haggai 1:5

Tu-in Thahatpen TOPA in, "Na omzia uh lim ngaihsut dih un.

Haggai 1:7

Hih in Thahatpen TOPA gen ahi hi: "Na lampi uh lim ngaihsut dih un.

Malachi 3:16

Tua ciangin TOPA a kihtate khat le khat kihopih uh a, TOPA in ngai-in a za hi. Ama omna ah TOPA kihta a, a min a pahtawite tawh kisai phawk tawntungna laizial khat sungah kigelh hi.

2 Peter 3:9

Mi pawlkhatte in a ziakaina a theih uh bangin a thuciamna ah Topa a ziakai kei hi. Amah in kuama kisiat ding deih lo a, mi khempeuh a kisik ding uh a deih manin note hong thuak keeikai hi.

Kilaakna 9:20

Hih pulpite in a thah baang a om lai leitung mite, a khut uh tawh a sep uh nate panin a kisik nai kei uh hi; amaute in dawite, kham, ngun, sumngo, sing le suang milimte - khua mu thei lo, khua za thei lo, lam pai thei lo milimte a biak uh a tawp tuan kei uh hi.