Jeremiah 8:10 - Zokam International Version

¹⁰ Tua ahi ciangin a zite uh midangte ka piaksak dinga, a lote uh midangte ka piaksak ding hi. Aneupen pan alianpen dong, met nading lamah a huaiham uh hi; kamsangte le siampite in a vek un a kibangin zuau a phuak uh hi.

LAISIENGTHOU CL Bible (BSI)

¹⁰ Tuaziehin azite uh midangte kungah ka pe dinga, tualeh aloute uh aluo ding mite kungah ka pe ding hi. Aziehpen aneupen akipat alien leh thupipen dongin, michin abawn un punna dei a enna leh, huoihamna ah akipe siengta uhi. Zawlneite leh siempute na ngawn azuoutat chiet uhi.

Zo Bible

¹⁰ Tua ahi ziehin a zite uh midangte ka pie ding a, a logamte uzong galzote ka pie ding hi. Azieh pen mi zosie a neupen pan a lienpen dongin thuman lo-a sum ngana lamah a duhop ciet uhi. Kamsangte a kipan siempute dongin mi zosie zuouthu-in a gamta uhi.

Jeremiah 8:10 ပူးပေါင်းရင်းမြစ်များ

Job 31:10

ka zi in midang khat an gawi henla, pasal dangte in amah luppih hen.

Isaiah 28:7

Hihte zong zu hangin pai buatbuat uh a, zucil hangin a hoihoi uh hi: Zucil hangin siampite le kamsangte pai buatbuat uh a, zu in haisakin zucil a hoipih dangdang uh hi. Mang a muh laitakun hi buatbuat uh a, thu a khensat ding uh ciangin a muktu uh hi.

Isaiah 57:17

Ama huaiham mawhna hangin ka heh lua-a; amah dan thuaksakin hehin ka lehngatsan hangin, ama nopsak bangin a gamta veve hi.

Jeremiah 14:14

Tua ciangin TOPA in kei tungah, "Kamsangte in kei minin zuauthu a gen uh hi. Amaute ka sawl kei a, zong ka hopih kei hi. Amaute in note tungah a maan lo mangmuhna, aisanna, milim biakna a le amau lungsima suakte hong gen uh ahi hi.

Jeremiah 14:18

Gamsung ah pai leng namsau-a kithatte ka mu a; khuapi sungah pai leng lah kialpi-a puksite ka mu hi. Kamsangte le siampite amau theihlohna gamah a paimang ta uh hi, ‘va ci in," a ci hi.

Jeremiah 17:11

Thuman lo-a a haute, ama tui lopi a op valah tawh kibang hi. A khan kimtan ciangin a neihsate beimang dinga, a tawpna ah mihai ahilam kilangsak ding hi.

Jeremiah 22:17

"Ahi hangin na lungsim uh le na mit un, aman lo-a metna bek mitsuana, mawhpengte sisan luansak ding, mi nuainet ding le ngongtat ding bek na sawm uh hi," a ci hi.

Jeremiah 32:32

Israel mite le Judah mite - amaute, a kumpite uh le a uliante uh, a siampite uh le a kamsangte uh Judah mite le Jerusalem mite in a gitloh gamtatnasate un kei hong hehsak uh hi.

Jeremiah 38:22

Judah kumpipa kumpi inn a, a kinusia numeite khempeuh Babylon kumpipa uliante kiangah kipuak ding hi. Tua numeite in nang kiangah: " ‘Na muan na lawmte in hong makaih khial uh a - amaute in hong zo uh hi. Na khe buan lakah tumta a; na lawmte in hong taisan uh hi,’ hong ci ding uh hi.

Jeremiah 42:1

Tua ciangin galkap mangte khempeuh, Kareah tapa Johanan le Hoshaiah tapa Jezaniah e le mi khempeuh - aneupen pan a lianpen dongin

Jeremiah 5:31

Kamsangte in zuauthu genin siampite in amau thuneihna bangin uk uh a, ka mite in hih bang nuamsa uh hi. Ahi hangin a tawpna hong tun ciangin bang na cih ding uh hiam?

Tamlawhna 4:13

Ahih hangin ama sungah a thumante sisan luanna a piangsak kamsangte mawhna hang le siampite ginatlohna hanga piang ahi hi.

Ezekiel 33:31

Ka mite a ngeina bangin na kiangah hong pai uh a, na thugen ngai-in na mai-ah tu uh hi; ahi hangin na gen bangin gamta lo uh hi. Amaute a kam-un ki-ap uh a, ahi hangin amaan lo-a ngah nadingin a huaiham uh hi.

Amos 5:11

Mizawngte na tuancil uh a, a antang teng uh ut lopipi-in na kipiasak uh hi. Tua ahi manin suang kiseek inn na lam uh hangin a sungah na teng kha kei ding uh hi; lenggui hoihna lo na neih uh hangin lenggahzu na dawn kha kei ding uh hi.

Micah 2:4

Tua ni ciangin mite in note thugentehna-in hong nei ding uh hi; amaute in hih dahla hong phuah ding uh a: ‘Eite sia dipdep ta hang; ka mite neihsa teng kihawmmang khin. Amah in kei tung pan lakhia khin! I lote mi lehhekte tungah a hawmthang zo uh hi,’ ci uh hi," hong ci ding uh hi.

Micah 3:11

Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

Micah 3:5

TOPA gen hih ahi hi: "No kamsangte in ka mite lam a khialsak, amaute in an hong vak uh leh amaute lungnopna tangkosakin hong vak kei uh leh gal tuah ding na gelkholhsak uh hi.

Habakkuk 1:6

A cikzia lo, a hiamgamh mi Babylon-te a ka tawisang dinga, amaute in leitung khempeuh zo khinin amau aa ahi lo mite tenna munte nangawn a laksak ding uh hi.

Zephaniah 1:13

A hauhna uh kilaksak dinga, a innte uh a kisiagawp ding hi. Amaute in inn a lam uh hangin a sungah teng lo ding uh hi; lenggui a suan uh hangin a zu a dawn kei ding uh hi.

Titus 1:11

Amaute kamhum ding uh hi. Ahang in, a hilh loh ding pipi uh hillhin innkuan sung buppi a siasak uh hi; tua zong a maan lo-a metna zonna ahi hi.

Titus 1:7

Saptuam kem b pen, Pasian na a kikemsak ahi khit nung sangin pel loin kawkbaanna a om lo, a kiliansak lua lo, a heh baih lo, zu a kham lo, a gamhtat lo, met nading zonga a zuautat lo mi hi ding hi.