Jeremiah 7:9 - Zokam International Version

⁹ "Note guta in, tual thatin, angkawmin, a ahi lopi-in kiciamin, Baal tungah meihal biakna pia-in, na theih loh uh pasiante nung zui-in,

LAISIENGTHOU CL Bible (BSI)

⁹ Na guta un, tuolnathat un, ang na kawm un, zuoua kichiem in, Baal kunga gimnamtui hal in na theingailou uh pasiente nua na zui un;

Zo Bible

⁹ Note guta-in tuol thatin, ang kawmin, a manlopi-in kiciemin, Baal kungah biehna pie-in na thei ngai lo uh pasien dangte nuazui-in,

Jeremiah 7:9 ပူးပေါင်းရင်းမြစ်များ

1 Kumpite 18:21

Mipite mai-ah Elijah pai-in, "Ngaihsutna nih kikal ah bang tanvei lungsim laklawhin om niloh ding na hi uh hiam? TOPA pen Pasian ahileh amah zui unla; Baal pen Pasian ahileh lah amah zui un," a ci hi. Ahi hangin mite in bangmah a gen kei uh hi.

Paikhiatna 20:3

"Ka mai-ah a pasian dang na nei kei ding uh hi.

Isaiah 1:13

A khiatna nei lo biaknate hong kengkeng nawn kei un! na gimnamtui uh ka kih hi. Kha det nite, Sabbath-te le kikhopna thupite - na gitloh kikhopnate uh ka thuakzo nawn kei hi.

Isaiah 58:2

Amaute amaana gamta minam le Pasian thupiak a mangngilh lo bang kekin ni khat khit ni khat kei hong zongin ka lampi a thei nuam bangin a om uh hi. Amaute in thutanga thukhensatna hong ngen uh a, Pasian a kiangua pai ding a lawp tawh kibang uh hi.

Jeremiah 1:16

Ka mite tungah thukhenna ka genkhia ding hi. Bang hang hiam cih leh amaute giloin hong taisan uh a, pasian dangte tungah gimnamtui halin amau khut bawlsa a bia uh hi.

Jeremiah 11:13

Judah aw, nang in khuapi na neih zahzah pasian na nei a; Jerusalem kongzing pha zahzah a zumhuai Baal pasian biakna hal nadingin biakna-tau na dawh hi.

Jeremiah 11:17

Nang hong suan Thahatpen TOPA in nang tungah gimna a tunsak ding a khentat khin hi, bang hang hiam cih leh Israel innkuante le Judah innkuante in gitlohna bawlin Baal tunga gimnamtui halna tawh kei hong hehsak uh hi.

Jeremiah 13:10

Hih a gilo mite in ka thu ngai nuam lo uh a, amau lungtang khauhna zui-in a na semin a biak uh pasian dangte a zuite hih kawnggak tawh kibangin - kimanna a nei kiuhkeuh kei ding uh hi!

Jeremiah 18:15

Tua hi napi ka mite in kei hong mangngilh uh a; amaute lampi le tanglai lampite ah amaute a muktusak kimanna a nei lo milimte tungah gimnamtui a hal lailai uh hi. Tuate in amau lampi dinga kisial pen tawnsak loin, lamkhem pen a tawnsak hi.

Jeremiah 19:4

Ahang in, amaute in kei hong taisan uh a, hih mun gamdang pasiante omna suahin; a pate uh le Judah kumpite in zong a theih ngei loh uh pasiante tungah kithoihna halin, mawhpengte sisan tawh hih mun a dimsak zo uh hi.

Jeremiah 32:29

Hih Babylon khuapi a sim Babylon mite a sungah lutin mei-in hal ding uh a, a mite in kei hong hehsakna uh - innkhum tunga Baal ading gimnamtui a halnate uh le pasian dangte tungah dawntheih-a biakna a sunna uh innte tawh a haltum khawm ding uh hi.

Jeremiah 44:3

Amaute in amaute ahi a, note na hi uh a na pate uh ahi zongin a theih ngei loh uh pasian dangte tungah gimnamtui halin a biakna un kei hong hehsak hi.

Jeremiah 44:8

Bang dinga note pai-in na ten nading mun uh Egypt ah na khut uh tawh na bawlsa uh pasian dangte tunga gimnamtui halna tawh kei hong hehsak na hi uh hiam? No le no kisiasak na hi uh a, no le no kisamsia suakin leitunga minam khempeuh lakah mi muhdah na kisuah uh hi.

Jeremiah 44:9

Note in Judah gam le Jerusalem kongzing laka na pate uh le Judah kumpipate le kumpinute gitlohnate note le na zite uh gitlohnate mangngilh ta na hi uh hiam?

Jeremiah 48:35

Moab ah munsanga kithoihna piate le amau pasiante tungah gimnamtui halte ka beisak ding hi," TOPA in cikhia hi.

Jeremiah 5:2

Amaute in, ‘TOPA nuntakna ka lo hi,’ ci-in a kiciam uh hangin tu nangawnin a khialpi-a tomlo ahi uh hi.

Jeremiah 5:7

"Bang hangin na mawhna uh hong maisak ding ka hi hiam? Na tate un kei hong mangngilh khin uh a, pasian a hilo pasian tawh a kiciam uh hi. Amaute kisapna teng ka piak hi napi, amaute in angkawm teitei uh a, numei paktatte inn ah a honin a om uh hi.

Jeremiah 7:6

pemtate, pa nei lote le meigongte nuainet loin hih munah mawhpengte sisan na luansak kei uh a, note siat nadingin pasian dangte nung na zuih kei uh leh,

Ezekiel 18:18

Ahi hangin a pa in mi zawhthawh bawlin, a sanggampa na sutin mite lakah khialhna bawl ahi manin a mawhna hangin a si ding hi.

Ezekiel 20:30

"Tua ahi ciangin Israel innkuante tungah gen in: ‘Hih in Thupipen TOPA gen ahi hi: Na pate uh gamtatsa bangin no le no kibuahsakin amaute milim kihhuaite mah lunggulh lailai ding na hi uh hiam?

Ezekiel 23:39

Amaute in milimte tungah a tate uh biakna-a a piak ni mahmah un, ka munsiangtho ah lut uh a, a ninsak uh hi. Ka inn sungah amaute gamtatna tua bang ahi hi.

Ezekiel 5:11

Tua ahi ciangin Thupipen TOPA in ka nuntakna ka lo hi, na bawl tawm uh milimte le a kihhuai na hihnate uh tawh ka munsiangtho ninsak na hi manun kong angvanna ka dokkik dinga hong hehpih loin kong hingkhawi kei ding hi.

Hosea 2:13

Baal-te tungah gimnamtui a hal nite hangin ding hi. tuanu dan ka tuaksak ding hi; tuanu zungbuhte le suangmanpha tawh kizem a, ding hi. a lawmpate nungah pai-a ahi hangin kei hong mangngilh hi," TOPA in cikhia hi.

Hosea 6:9

Galgukte in mi khat a buksim bangun siampi honte a tuaci uh hi; amaute in Shechem paina lampi ah that uh a, a zumhuai mawhna a bawl uh hi.

Amos 4:5

Lungdamkoh biakna-in silngo kisawh anlum halin utthu-a biakna va kisialhpih un - no Israel-te in tuate kisialhpih un. ahang in, na sepnop pen uh tua ahi hi," Thupipen TOPA in cikhia hi.

Zephaniah 1:5

innkhum tungah kah a, aksi honte bia-a kunte, TOPA tawh kiciama a kunte le Molech b tawh a kiciamte zong,

Malachi 3:5

"Tua ciangin note kiangah thukhen dingin kong pai ding hi. Keimah in aitawi-te, numei tawh mawhte le ciampelte, nasemte thaman a khembawlte, meigongte le pa nei lote a nengniam a, pemtate thutangna a thusim lote le kei hong kihta lote langah teci pangin manlangin thu ka khen ding hi," Thahatpen TOPA in ci hi.

Rome-te 2:2

Tua banga hihte tunga Pasian thukhenna in thutak pansan hi, cih i thei ciat hi.

Thupiakkikna 32:17

Amaute in Pasian ahi lo dawite- a theih ngei loh uh pasiante, a piangtawm pasiante na pate uh kiktak loh pasiante tungah biakna a pia uh hi.

Kilaakna 21:8

Ahi hangin a meidawite, a umlote, a tatsiate, tualthatte, numei le pasal paktatte, mi bumte, milim biate le zuauphuakte khempeuh - amaute mun ding, kaat kuang meilipi sung hi ding hi. Hih pen sihna nihna ahi hi," hong ci hi.

Kilaakna 22:15

A pualam ah ahileh, uite, dawi-ai tawite, numei le pasal paktatte, tualthatte, milim biate, le zuauphuah nuamsa-a, zuauthu gente peuhmah a om ding uh hi.

Thukhente 5:8

Adang pasiante a teel uh ciangin, khuapi ah gal tunga, Israel tul sawmlite lakah lum le tei a kimu kei hi.