Jeremiah 7:31 - Zokam International Version

³¹ Amaute in Ben Hinnom Kuam sungah a tanu a tapate uh mei-a hal nading - ka sawl loh, ka ngaihsut khak beek loh Topheth munsangte a bawl uh hi.

LAISIENGTHOU CL Bible (BSI)

³¹ Tualeh ka lungsim a ka gelkhah ngailou leh thu ka pieh khahlou, atapate u’leh atanute uh mei a halna dingin, Hinnom tapa guom a um Tophet mun ah munsangte alam uhi.

Zo Bible

³¹ Ka lungsim sunga ka gel ngai lo, zong thu ka pieh ngai lopi-in amate in a tapate ule a tanute uh mei-a a haltum nadingin Hinom tapa’ Kuom sungah Topheth a kici munsang a lam uhi.

Jeremiah 7:31 ပူးပေါင်းရင်းမြစ်များ

2 Kumpite 17:17

Amaute in a tanu a tapate uh mei sungah c biakna-in a pia uh hi. Amaute in aisan in khongkhai uh a, TOPA mit ah gitlohna sem dingin amau mah kipia tawm uh a, amah phinin a hehsak uh hi.

2 Kumpite 23:10

Amah in Ben Hinnom Kuampi a Topheth a phiatmang hi, tua ahi ciangin kuamah in Molech tungah a tanu ahi-a a tapa ahi zongin mei sunga b halna-in a zang thei nawn kei uh hi.

2 Kumpite 23:20

Josiah in munsanga biaknataute tungah siampite golum a, tuate tungah mihing guhte a hal hi. Tua ciangin Jerusalem ah a ciah kik hi.

2 Khangthute 28:3

Amah in Ben Hinnom Kuam ah biaknate hala, TOPA in Israel-te mai-a a hawlkhiat minamte zuih a kihhuai lampite zui-in biakna-in a tapate mei-in a hal hi.

2 Khangthute 33:6

Amah in Ben Hinnom Kuam sungah biakna-in a tapate mei sungah a halin khongkhai-in. ai san a, ai tawi-in, sikhate le vankahte thu a dong hi. Amah in TOPA muhna ah a sia tampitak sem-a a heh nadingin a phin hi.

Isaiah 30:33

Topheth a kibawlphat zawh sawt ta hi; tua in kumpipa adingin a baihsa a om ahi hi. Tua meikhukpi a thuk le a zai-a kibawl hi a, mei le sing a kicingtakin kikoihkhol hi; luiluang tawh a kibang kaat kuanglai TOPA husan a kitawhkuang ding hi.

Isaiah 57:5

Tehno kungte lak le singhiang nuai tengah numei pasal kilunggulhna-in na kangtum uh a; kuam thukpi sung le suanghawm sungah na tate uh kithoihna-in na nei uh hi.

Jeremiah 19:2

Belthem Kuam ah pai in. Tua lai-ah kong gen thu tangko in,

Jeremiah 2:23

"Bangci in, ‘Ka kihhuai kei hi; Baal nung ka delh kei hi,’ ci thei na hi hiam? Kuam sunga na gamtatnate en in; na sepsa ngaihsun pha in. Nang, a kawi taitai kala-oh nu na banga,

Jeremiah 32:34

Amaute in ka Min kilawhna inn sungah a kihhuai milimte koihin ninsak uh hi.

Jeremiah 32:35

Amaute in Ben Hinnom Kuam ah a tanu a tapate a uh tawh Molech a biak nadingun Baal ading munsang a bawl uh hangin, hih a kihhuai sepna tawh Judah a mawh nadingin ka sawl genloh ka lungsim sung nangawn ah a lut ngei beek kei hi.

Ezekiel 16:20

"‘Tua ciangin kei tawh na neih na tanu na tapate paipihin milimte an dingin biakna-in na pia hi. Na kizuakna hawmthawh lai na hi hiam?

Ezekiel 20:26

Amaute in cikzia-in keimah TOPA ka hilam a theih nadingun a letsongte uh - biakna-a a piak uh tacilte a tungtawnin amaute ka buahsak ding hi,’ ka ci hi.

Ezekiel 20:31

Na letsongte uh pia in - biakna-in na tate uh mei-in c na hal uh ciangin tuni mahmah dong no le no na milimte uh hangin a kibuahsak na hi uh hi. Israel innkuante aw, thu hong kidongsak ding ka hi hiam? Ka nuntakna ka lo hi, note thudotin ka om peuhmah kei ding hi, Thupipen TOPA in ci hi.

Siampi Laibu 18:21

"‘Molech thoihna-a piak a dingin na tate khat beek pia kei in, ahang in na Pasian min na daisak peuhmah kei ding hi. Kei mah TOPA ka hi hi.

Micah 6:7

Tuutal tulkhat, sathau gunpite tulsawm tawh TOPA lungkim ding ahi hiam? Ka khialhnate tangin ka ta upapen le ka kha mawhna tangin ka pumpi gah pia ding ka hi hiam?

Thupiakkikna 12:31

Amaute biak bangin TOPA note Pasian na bia peuhmah kei ding uh hi; bang hang hiam cih leh amau pasiante biakna ah TOPA deih loh a kihhuai na namkim a hih uh hi. Amau pasiante tungah biakpiakna-in a tanute a tapate nangawn uh mei-in a hal uh hi.

Thupiakkikna 17:3

ka thupiak tawh kilehbulhin pasian dangte, vana ni, kha, aksite ahi zongin bia-in a kuna,

Thupiakkikna 18:10

No lakah biakna-in a tanu ahi-a a tapa ahi zongin mei sungah b a khul, aisan, khongkhai, mangsan, aitawi,

Joshua 15:8

Tua ciangin Ben Hinnom Kuam dong Jebus-te khuapi (tua pen Jerusalem) leitaw-lam dungah zui-in a paito hi. Tua lai panin Rephaim Kuam leilu-lam monga om Hinnom Kuam nitumna-lam mualneu dawnah a kahto hi.