Jeremiah 7:24 - Zokam International Version

²⁴ Amaute in ngai lo uh a zong a thusim kei uh hi; tua sangsikin amau gitlohna lungsim khauh lamah a awn zawsop uh hi. Amaute mainawt loin a nungkin uh hi.

LAISIENGTHOU CL Bible (BSI)

²⁴ Hinanleh amauten azui utsih ua, abil un zong angaikhe ut sih ua, tuanahsangin a lungtang giloute uh deidan leh ngaituona bangin agamta ua, mailam sawnlouin anuatawn zawta uhi.

Zo Bible

²⁴ Ahi vangin amate in ka thu ei mang loin a bil uh ei ngat sih uhi. Amate in a lungtang gitlona uh khausahin amau’ deina lam zui-in a gamta zawsop vua, mainawt loin a nuatawn uhi.

Jeremiah 7:24 ပူးပေါင်းရင်းမြစ်များ

Nehemiah 9:29

"Na thukham lama a kihei nadingun na vauhilh hangin kiphasak lua uh a, na thupiak a mang kei uh hi. Mi khat in a zuih leh a nungtasak thei na ngeinakipte tungah a mawh uh hi. Phengphi in nang hong nungngatsan uh a, ngawngkhauhin na thu a ngai kei uh hi.

Phatna-late 81:13

"Ka mite in kei thu hong ngai uh henla, Israel in ka lampite zui hoh leh,

Jeremiah 13:10

Hih a gilo mite in ka thu ngai nuam lo uh a, amau lungtang khauhna zui-in a na semin a biak uh pasian dangte a zuite hih kawnggak tawh kibangin - kimanna a nei kiuhkeuh kei ding uh hi!

Jeremiah 13:11

Ahi hangin kawnggak pen mihing kawng kimkot ah a kigak bangin Israel innkuan bup le Judah innkuan bup ka mi ding, ka minthan nading, hong kiphat nading le hong kipahtawi nadingin ka kawnga ka gak ahi hi. Ahi hangin amaute in thu a ngai kei uh hi," TOPA in cikhia hi.

Jeremiah 15:6

Nangmah in kei nong nolh khin zo hi," TOPA in cikhia hi. "Nang na nungtolhtolh hi. Tua hi-a na tungah ka khut hong nga-in kong susia ding hi; kong khuatuah thei nawn kei hi.

Jeremiah 16:12

Ahi hangin, note na pate uh sangin na uangzaw lai uh hi. En un, ka thu nong man tangun na lungsim gitlohna uh na zui tentan teitei uh hi.

Jeremiah 17:23

Amaute in ahileh ngai loin thusim lo uh a, ngawngkhauhin ka thu ngai loin, zuih zong a sawm tuan kei uh hi.

Jeremiah 17:9

Na khempeuh sangin lungsim khemhatzaw a, kidamsak thei lo hi. Kua in theitel ding ahi hiam?

Jeremiah 18:10

ka muhna ah gitlohna a gamtat-a ka thu hong man kei leh, tua ciangin ama adingin bawl ka sawm na hoih ka ngaihsun pha kik ding hi.

Jeremiah 18:12

Ahi hangin amaute in, ‘Khiatna nei kei, ka sawmsa bangun semsuak lel nung; ka vekun komau gitloh lungsim khauhna mah zui lel nung,’ hong ci ding uh hi," a ci hi.

Jeremiah 2:27

Amaute in singtawng kiangah, ‘Ka pa na hi hi’ ci uh a, suangtum kiangah, ‘Nang sung pana piang ka hi hi,’ ci uh hi. Amaute in hong maingat loin hong nungngatsan uh hi; tua hi napi a lungkham uh ciangin, ‘Hong pai-in ko hong hon in!’ ci zel uh hi.

Jeremiah 22:21

Awlmawh na neih loh laitakin kong vauhilh hangin, ‘Hong mang kei ning!’ na ci hi. Na neu tungua kipan a tuaci den na hi uh a; ka thu nong mang kei uh hi.

Jeremiah 23:17

Amaute in kei hong simmawhte tungah, ‘TOPA in: Lungnopna ngah niteh , ci hi,’ a ci den uh hi. Amaute lungsim khauhna a zui mite tungah, ‘No tungah siatna hong tung lo ding hi,’ a ci uh hi.

Jeremiah 3:13

Na khialhna phawk tapeuh in- TOPA na Pasian na langdona, niliim nuai tengah gamdang pasiante tunga na angvanna na thehthang a, ka thu nong mang kei hi,’ ci-in," TOPA in cikhia hi.

Jeremiah 3:17

Tua hun ciangin amaute in Jerusalem, TOPA Tokhom ci ding uh a, TOPA min pahtawi dingin Jerusalem ah minam khempeuh a kikhawm ding uh hi. Amaute in a lungsim gitloh-tentenna uh a zui nawn kei ding uh hi.

Jeremiah 32:23

Amaute hong pai-in tangpah uh a, ahi hangin na thu hong mang loin na thukham zui lo uh a; amau hih dinga na thupiakte a sem kei uh hi. Tua ahi ciangin nang in hih gimnate amau tungah na tungsak hi.

Jeremiah 32:33

Amaute in hong nungngatsan uh a, hong maingat kei uh hi; amaute ka hilhhilh hangin ka thu ngai lo uh a, a kisektat nuam kei uh hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 6:16

TOPA thugen hih ahi hi: "Lamkabomte ah dingin en unla, tanglai lampite dong un, lam hoih koi pen hiam cih dongin tawnpah un, tua ciangin na hinna un tawldamna a mu ding hi. Ahi hangin, ‘Tua lampi tawn dah ni," na ci uh hi.

Jeremiah 7:26

Ahi hangin amaute in ka thu ngai lo uh a, zong hong thusim kei uh hi. Amaute a ngawng uh khauh a, a pute uh sangin a siazaw-in gamta uh hi,’ ci hi.

Jeremiah 8:5

Tua ahileh bang hangin hih mite pialmang uh ahi hiam? Bang hangin Jerusalem in lamkhial suak ahi hiam? Amaute in zuauthu lenkip uh a, kileh kik ding a nial uh hi.

Jeremiah 9:14

Tua sangsikin amaute lungtang khauhna zui uh a; a pate uh hilhsa bangin Baal nung a zuih hang uh ahi hi," a ci hi.

Ezekiel 20:13

"‘Tua hi napi Israel mite in sehnel gamah kei hong lehdo uh hi. Amaute in ka thukipte zui loin ka thukhamte nial uh a - tuate zui-in gamta-a nungta ding hi na pi - ka Sabbath-te a ninsak gawp uh hi. Tua ahi manin amaute tungah ka thangpaihna ka bua dinga sehnel gamah amaute ka susia ding hi, ka ci hi.

Ezekiel 20:16

bang hang hiam cih leh amaute in ka thukhamte nial uh a, ka thukipte zui loin ka Sabbath-te a tang kei uh hi. Ahang in, a lungsim un milim biak ding bek a ngaihsun uh hi.

Ezekiel 20:21

"‘Ahi hangin a tate un kei hong lehdo uh hi; ka thukipte zui lo uh a - ka thukhamte limtakin zui loin - tuate a zuite in nuntak lawh ding uh hi napi - ka Sabbath-te a buahsak uh hi. Tua ciangin sehnel gamah amaute tungah ka thangpaihna sungin ka hehna kong zang ding hi, ka ci hi.

Ezekiel 20:8

"‘Ahi hangin amaute in kei hong lehdo uh a, ka thu a ngai kei uh hi; mitkhah lo-a a et uh a muhthadah-huai milimte paikhia lo tham loin Egypt milimte a paikhia tuan kei uh hi. Tua ciangin ka thangpaihna amaute tungah bua in, ka hehna, Egypt ah amaute tunga a zat dingin ka gen hi.

Daniel 9:6

Kote in, ka kumpite uh, ka uliante uh le ka pate uh, le ka gamua mite khempeuh tungah na mina thugen, na nasem kamsangte thu ka ngai kei uh hi.

Hosea 10:6

Tua pen Assyria ah kumpi lianpa adingin siah in kipuak ding hi. Ephraim maimawl ding hi; Israel in a sing milimte b a maizumpih ding hi.

Hosea 4:16

Israel-te lungkhauh uh a, bawngla lungkhauh bang uh hi. Tua ahileh TOPA in bang ci-in lonona-a tuunote bangin lono-in vak thei ding hiam?

Micah 6:16

Omri le Ahab innkuante ngeina teng na zui uh a, amaute tang ngeina teng na zui uh hi. Tua ahi ciangin note, suksiat dingin kong pia dinga na mite uh kinuihsanin, minamte in hong linhah ding uh hi," d a ci hi.

Zechariah 7:11

"Ahi hangin amaute in a thusim kei uh hi; lungkhauhin nungngatsan uh a, a bil uh a hum uh hi.

Thupiakkikna 29:19

Tua bang mite in hih kiciamna kammal a zak ciangin amah le amah kici in, "Keima thu-in ka tatsuak hangin ka suakta veve ding hi," ci-in kingaihsun kha ding hi. Hih in tui a ngah leitang tung le a keu a leitang tungah siatna a tungsak ding hi.