Jeremiah 7:23 - Zokam International Version

²³ ahi hangin amaute tungah: Ka thu hong mang un, keimah note Pasian ka hi dinga note keima mite na hi ding uh hi. Note na nopsak theih nadingun kong thupiaknate khempeuh zui un, ci-in thu ka pia hi.

LAISIENGTHOU CL Bible (BSI)

²³ Hinanleh tami ahi ka thupiehte: Ka thu mangun, na Pasian uh ka hi dinga tualeh noute ka mite nahi ding uhi. Tualeh na umdan ding ua ka hing thupiehte zuiun, tuakhu nou a dingin ahoi ding hi, achi hi.

Zo Bible

²³ Hizongle amate tungah, “Ka thu mang un, tua hile keima note’ Pasien ka hi ding a, note zong keima’ mite na hi ding uhi; note na nopsah thei nadingun kang thupieh lampi beh zui un,” ci-in thu ka pie hi.

Jeremiah 7:23 ပူးပေါင်းရင်းမြစ်များ

Job 36:11

Amaute in a thu mangin a na a sep uh leh a nuntakna uh a om lai nite daupaina-in zangsak a, a omlai kumte lungkimtak-in a zangsak hi.

Phatna-late 119:3

Amaute in khialhna bangmah sem lo a, ama lampite a tawn uh hi.

Phatna-late 40:6

Biakna le piakna na lunggulh kei a, ahi hangin ka bilte na vutlet khin hi; b, c meihal biakna le mawhna hanga biakna na kal kei hi.

Phatna-late 81:13

"Ka mite in kei thu hong ngai uh henla, Israel in ka lampite zui hoh leh,

Paikhiatna 15:26

Amah in, "Note in na Pasian uh TOPA aw limtakin ngai a, ama muhna ah thumaanin na na sep uh leh, a thupiakte thupi sima, a thukipte khempeuh na zuih uh leh keimah in note hong damsak TOPA ka hi manin Egypt-te tunga ka tunsak cinatnate no tungah kong tungsak kei ding hi," a ci hi.

Paikhiatna 16:32

Moses in, "Hih in TOPA thupiak ahi hi: ‘Manna, omer khat la unla Egypt pana kong paikhiatpih lai-a gamlak-a na nek dingun kong piak anlum, khang sawnsawnte in a muh theih nadingin kem un,’ ci hi," a ci hi.

Isaiah 3:10

Amau gamtatna gah nopsakpih ding uh ahi manin a thuman mite tungah, thuhoih ding hi, ci-in gen un.

Jeremiah 11:4

hih thukhunna-a thute a mang lo peuhmah in hamsiatna thuak ta hen,’ ci in. ‘Ka thu hong mang unla kong thupiak khempeuh sem un; tua hileh note ka mi na suak ding uh a, keimah note Pasian ka hi ding hi.

Jeremiah 11:7

Na pute uh Egypt pan ka paikhiatpih a kipan tuni dong, "Ka thu hong mang un," ci-a ka vauhilh kikkik ahi hi.

Jeremiah 13:11

Ahi hangin kawnggak pen mihing kawng kimkot ah a kigak bangin Israel innkuan bup le Judah innkuan bup ka mi ding, ka minthan nading, hong kiphat nading le hong kipahtawi nadingin ka kawnga ka gak ahi hi. Ahi hangin amaute in thu a ngai kei uh hi," TOPA in cikhia hi.

Jeremiah 22:21

Awlmawh na neih loh laitakin kong vauhilh hangin, ‘Hong mang kei ning!’ na ci hi. Na neu tungua kipan a tuaci den na hi uh a; ka thu nong mang kei uh hi.

Jeremiah 22:3

TOPA thugen hih ahi hi: ‘Thumaan thutangin nasem un. A kisut gawp mite a nengniamte khut panin hukhia un, pemtate, pa nei lote le meigongte tungah khial loin gamhtat kei unla hih munah mawhpengte sisan luangsak kei un.

Jeremiah 24:7

Keimah TOPA ka hilam hong theih nadingun lungsim ka guan ding hi. A lungsim khempeuh uh tawh kei kiangah hong kileh kik ding uh ahi manin amaute keima mi hi ding uh a, keimah amaute Pasian ka hi ding hi.

Jeremiah 31:33

"Hih in tua hun khit cianga Israel innkuante tawh ka bawl ding thukhun ahi hi," TOPA in cikhia hi. "Amaute lungsim ah ka thukham ka koih dinga, amaute lungtang tungah ka gelh ding hi. Amaute Pasian ka hi dinga, amaute ka mi hi ding uh hi.

Jeremiah 32:23

Amaute hong pai-in tangpah uh a, ahi hangin na thu hong mang loin na thukham zui lo uh a; amau hih dinga na thupiakte a sem kei uh hi. Tua ahi ciangin nang in hih gimnate amau tungah na tungsak hi.

Jeremiah 38:20

"Hong ap peuhmah lo ding uh hi," Jeremiah in ci a, "Kong gen bangin TOPA thu mang in. Tua hileh nang adingin hoih dinga na nuntakna hong kihawisak ding hi.

Jeremiah 42:6

Nang kong sawlna uh TOPA eite Pasian thu, a hoihlam ahi a, a sialam ahi zongin kote hoih nadingin ka mang ding uh hi, ahang in, kote in TOPA eite Pasian thu ka mang ding uh hi," a ci uh hi.

Zephaniah 3:2

Amah in kuama thu mang loin kuama bawlphat ding a ut kei hi. Tuanu in TOPA muang loin a Pasian kiang a naih nuam kei hi.

Zechariah 6:15

Gamlapi pan hong pai-in TOPA biakinnpi lam hong huh ding uha, tua ciangin Thahatpen TOPA in kei hong sawl ahilam na thei ding uh hi. TOPA note Pasian thu hanciamtaka na man uh leh hih bangin hong piang ding hi," hong ci hi.

Zechariah 7:7

Jerusalem le a kima khuapite lung nuamin a daupau lai leh Negev le nitumna lam mualbul zangte a, a kiten lai-in kamsang masate tungtawna TOPA thugente hih thute mah hilo ahi hiam?’ ci in," a ci hi.

Rome-te 16:26

tua thuthuk tu-in kilaak khin a, minam khempeuh in um-a a thu a man theih nadingun tawntung Pasian thupiakna tawh kamsangte’ laigelhte tungtawnin kitheisak khin hi -

2 Corinth-te 10:5

Pasian theihna langdo-in, kipilsaknate khempeuh ka phelkhia uh a, Christ thu a mang dingin ngaihsutna khempeuh salin ka kai uh hi.

Thupiakkikna 11:27

tuni-a kong piak TOPA note Pasian thupiakte na man uh leh thupha hi in;

Thupiakkikna 13:4

Na zuih pelmawh ding uh le na zahtak pelmawh ding uh TOPA note Pasian ahi hi. Ama thupiakte zui-in mang unla; ama na semin amah lenkip un.

Thupiakkikna 13:5

Tua kamsangpa ahikeh mangmanpa kithat pelmawh ding hi, bang hang hiam cih leh amah in Egypt gama hong pai khiatpih na sal suahna uh gam pana hong tankhia TOPA note Pasian langdo in thu a hilh hi; amah in zuih dinga TOPA note Pasian in hong thupiak lampi pan note heikhiat ding a hanciam ahi hi. No laka gitlohna na siaksiang pelmawh ding uh hi.

Thupiakkikna 30:2

note le na tate un TOPA lam zuan kik-a, tuni-a kong thupiakna tawh kizui-in na khempeuh ah na lungsim khempeuh uh le na hinna khempeuh uh tawh ama thu na man uh leh,

Thupiakkikna 30:20

TOPA note Pasian itin, a aw ngai-in amah na letkip theih nadingun nuntakna teel un. Ahang in, na nuntakna uh TOPA hi a amah in na pate uh Abraham, Isaac le Jacob tungah piak dinga a ciamsa gam no tungah kum tampi hong pia ding hi.

Thupiakkikna 30:8

Note in TOPA thu na mang kik ding uh a, tuni-a kong gen ama thupiakte khempeuh na zui ding uh hi.

Thupiakkikna 4:10

Horeb a TOPA note Pasian mai ah na din lai-un amah in kei tungah, "Mite in ka thugenna za-a, leitungah a nuntak laitengun kei hong zahtak theih nading uh le a tate uh a hilhsawn theih nadingun ka mai-ah mite kikhawmsak in," hong cih ni mangngilh kei un.

Thupiakkikna 4:40

Note le no nunga na tate uh tungah thu hoih in, TOPA note Pasian in na neih den dingun hong piak leitangah sawtpi na ten theih nadingun, tuni-a kong piak ama thukipte le a thupiakte zui un.

Thupiakkikna 5:16

TOPA note Pasian hong piakna gamah sawtpi nungta-in na nopsak theih nadingun TOPA note Pasian hong thupiak bangin na nu le na pa pahtawi in.

Thupiakkikna 5:29

Amaute le a tate uh adingin a hoih den theih nadingin hong kihta dingin a lungsim uh kei tungah hong kinga uh henla ka thupiakte zui den le uh ka deih hi.

Thupiakkikna 5:33

Na lak ding uh gamah daupai-in na khanto nadingun TOPA note Pasian hong thupiakna lampi ah kalsuan un.

Thupiakkikna 6:3

Israel aw za un, na pate uh Pasian TOPA in hong ciamsa bang tektek in bawngnawi le khuaizu a luanna gamah tampitak pha a nuam na sak theih nadingun thu na man ding uh limtakin ngaihsun un.

Hebrews 5:9

khatvei hoihkim khinin, ama thu a mangte khempeuh adingin hotkhiatna nak hong suak zo a,

1 Samuel 15:22

Ahi hangin Samuel in: "TOPA awging man’na zahin meihal biaknate le biakpiaknate ah TOPA lungkim ahi hiam? Biakpiakna sangin thuman’na hoihzaw a, tuutalte’ thau sangin thusimna hoihzaw hi.