Jeremiah 6:16 - Zokam International Version

¹⁶ TOPA thugen hih ahi hi: "Lamkabomte ah dingin en unla, tanglai lampite dong un, lam hoih koi pen hiam cih dongin tawnpah un, tua ciangin na hinna un tawldamna a mu ding hi. Ahi hangin, ‘Tua lampi tawn dah ni," na ci uh hi.

LAISIENGTHOU CL Bible (BSI)

¹⁶ Mangpa’n tambangin agen hi: “Lampite ah ding unlen, en un, Lampi lui hoi um na khu dong unlen tua lampi hoi zuiun, Tuachi’n na hagau ua dingin khawldamna na mu ding uhi, ka chi a, hinanleh a maun tua khu ka zui sih ding uhi, achi uhi.

Zo Bible

¹⁶ Topa in tam bangin a gen hi: Lamka bawm-ah ding inlen khuodah un. Lam hoi ahi lampi luite dong unlen, tua lampi khu zui un. Tua hile note in toidamna na mu ding uhi. Ahi vangin amate in, “Ka zui sih ding uhi,” a ci uhi.

Jeremiah 6:16 ပူးပေါင်းရင်းမြစ်များ

1 Kumpite 8:36

tua ciangin van panin na za inla na nasemte, na mi Israel mawhna maisak in. Amaute nuntakna lampi maan hilh inla na mite luah dinga na piak leitangah guah zusak in.

2 Khangthute 19:11

"TOPA tawh kisai na khatpeuh ah siampi makai Amariah in note hong uk dinga, kumpipa tawh kisai na khatpeuh ah Judah beh a makaipa Ishmael tapa Zebadiah in note hong ukin, note mai-ah Levi-te ulianin na a sem ding uh hi. Hangtakin na sem un, hoihtaka nasemte TOPA in hong ompih ta hen," ci-in thu a pia hi.

Phatna-late 116:7

Ka hinna aw, TOPA nang tungah hoih khin ahi manin khatvei tawldam kik in.

Isaiah 2:5

Jacob innkuante aw hong pai un, TOPA khuavak sung ah kalsuan ni.

Isaiah 28:12

amaute tungah, "Hih in khawlmun ahi hi, a gimte khawl ta hen," ci a, "Hih in tawlngakna mun ahi hi" ci napi amaute in a ngai kei uh hi.

Isaiah 30:21

Taklam ah kihei-in vei lamah na kihei uh zongin na nung panin na bil un, "Hih lampi hi, tawn un," a cih na za ding uh hi.

Isaiah 46:9

Sawtpek lai-a a piangsa nate phawk un; keimah Pasian ka hi a, adang a om kei hi; keimah Pasian ka hi a, kei tawh kibang khat beek a om kei hi.

Isaiah 57:2

Thutanga kalsuante lemna ah lut uh a; a sih uh ciangin khawlna a mu uh hi.

Isaiah 8:20

Thukham le tecipannate bek ngai un. Amaute in hih kammalte tawh kizui-in a pau kei uh leh amau adingin phalvak khuavak a nei lo suak uh hi.

Jeremiah 12:16

Tuateh ka mite omzia a sin ding uh a, Baal tunga kiciamzia ding ka mite nangawn a hilh bangun - ‘TOPA nuntakna lo-in,’ ci-a na kiciam uh leh - tua ciangin ka mite lakah amaute ka kipsak pan ding hi.

Jeremiah 18:12

Ahi hangin amaute in, ‘Khiatna nei kei, ka sawmsa bangun semsuak lel nung; ka vekun komau gitloh lungsim khauhna mah zui lel nung,’ hong ci ding uh hi," a ci hi.

Jeremiah 18:15

Tua hi napi ka mite in kei hong mangngilh uh a; amaute lampi le tanglai lampite ah amaute a muktusak kimanna a nei lo milimte tungah gimnamtui a hal lailai uh hi. Tuate in amau lampi dinga kisial pen tawnsak loin, lamkhem pen a tawnsak hi.

Jeremiah 2:25

Na khedap siat dong, na dangkeu dongin tai kei in. Ahi hangin nang, ‘Phamawh kei! Gamdang pasiante ka it hi, amaute nung ka zui teitei ding hi,’ na ci hi.

Jeremiah 22:21

Awlmawh na neih loh laitakin kong vauhilh hangin, ‘Hong mang kei ning!’ na ci hi. Na neu tungua kipan a tuaci den na hi uh a; ka thu nong mang kei uh hi.

Jeremiah 31:21

"Lamlahnate phut inla; lamlak khuamte posak in. Na va paina lam lianpi ciamteh in. Nungakbit Israel aw, hong ciah kik in; na khuapite ah hong ciah kik in.

Jeremiah 42:3

TOPA na Pasian tungah koi lamah pai dinga bang sem ding ka hi uh hiam, hong gen nadingin thu hong ngetsak in," a ci uh hi.

Jeremiah 44:16

"TOPA mina ko tungah nong thupuak ka ngai kei ding uh hi!

Jeremiah 50:5

Amaute in Zion lam nga-in tua lai zuatna lampi a dong ding uh hi. Amaute in a kimangngilh ngei lo ding tawntung thukhun tawh TOPA kiang zuanin kipawlkhawm ding uh hi.

Jeremiah 7:23

ahi hangin amaute tungah: Ka thu hong mang un, keimah note Pasian ka hi dinga note keima mite na hi ding uh hi. Note na nopsak theih nadingun kong thupiaknate khempeuh zui un, ci-in thu ka pia hi.

Jeremiah 7:24

Amaute in ngai lo uh a zong a thusim kei uh hi; tua sangsikin amau gitlohna lungsim khauh lamah a awn zawsop uh hi. Amaute mainawt loin a nungkin uh hi.

Jeremiah 7:3

Hih in Israel-te Pasian Thahatpen TOPA gen ahi hi: Na lampi uh le na gamtat uh puahpha un, tua hileh note hih munah kong tengsak ding hi.

Malachi 4:4

"Ka nasempa Moses thukham, Israel-te khempeuh adinga Horeb a amah ka piak ka thukipte le ka thukhamte phawk un.

Luke 16:29

"Abraham in, ‘Amaute in Moses le Kamsangte a nei uh hi; tuate thu na ngai uh hen,’ ci-in dawng kik hi.

John 12:35

Tua ciangin Jesu in amaute kiang ah, "Note in tawmvei sung bek khuavak na nei lai ding uh hi. Khuamial in hong lap ma-in khuavak na neih lai-un pai un. Khuamial laka paite in a pai nading uh a thei kei uh hi.

John 13:17

Hihte thei khin na hi uh ciangin na sep uh leh thupha na ngah ding uh hi.

John 5:39

Laisiangtho simna hangin nuntak tawntungna a kinei sa na hi manun limtakin na sin a uh hi. Hih Laisiangtho, kei thu teci pang ahi hi.

Nasepte 17:11

Thessalonica mite sangin Berea mite nampi tat zaw uh hi. Ahang in, lawptakiin thupuak sang uh a, Paul thugente amaan mah ahi hiam, ci-in nisimin Laisiangtho a encian uh hi.

Rome-te 4:12

Amah vunat bek hi lo, i pa Abraham in a vunat ma-a, a neih upna khekhap a zui vunatte pa zong ahi hi.

Thupiakkikna 32:7

Tanglai hunte phawk unla; sawtpek lai-a khangte ngaihsun un. Na pa dong lecin hong gen dinga, na upate uh dong lecin hong ciangen ding uh hi.

Colosse-te 2:6

Tua ahi ciangin Christ Jesu, Topa a na sansa bang tektekun ama sungah nungta suakin,

Hebrews 11:2

Tanglai mite a kiphatna hihte hang ahi hi.

Hebrews 6:12

Note na thadah ding uh kong deih kei uh a, upna le sikdona tungtawna kam ciamsa a luahte na etteh ding uh kong deih uh hi.

Thukhente 2:17

Tua hi napi thukhente thu ngai lo uh a pasian dangte tungah kizuakin tuate a bia uh hi. A pate uh tawh kibang lo uh a, a pate uh totsa TOPA thupiakte man’na lampi panin amaute a pial pahpah uh hi.