Jeremiah 6:10 - Zokam International Version

¹⁰ Kua hopih in vauhilh thei ding ka hi hiam? Kua in ka thu ngai ding hiam? A zak theih loh nadingun a bilte uh a bing a hi. Amaute tungah TOPA kammal zak thadahhuai-a, nuam a sa kei uh hi.

LAISIENGTHOU CL Bible (BSI)

¹⁰ Azah theina ding ua koi kunga thu gen a, koi ahiei vau hilna ka pieh ding? Ngaivawi, abil uh teptanlou bil ahi a, angaikhe thei sih uhi, Ngai in, Mangpa thu khu ama ua dingin simmaw huoi ahi a, kipahna mal mal anei sih uhi.

Zo Bible

¹⁰ Amate in a zah thei nadingin koi hopi-in koi galgih ding ka hei? En vawi, a bil uh bing a, khuo a za thei sih uhi. Amate dingin Topa’ kammal khu simmawna-a kizang ahi a, tua sungah nuom a sa sih uhi.

Jeremiah 6:10 ပူးပေါင်းရင်းမြစ်များ

Phatna-late 1:2

Amah ahileh TOPA thukham ah nuamsa a, sun le zanin ama thukham a ngaihsunsun hi.

Phatna-late 119:16

Na thukipte ah ka lungtai hi; na thu ka thusim lo kei ding hi.

Phatna-late 119:174

TOPA aw, na hotkhiatna ka ngai-a, na thukham ah nuam ka sa hi.

Phatna-late 119:24

Na ngeinakipte nuam ka sa hi; thu hong kuppih tuate ahi hi.

Phatna-late 119:35

Na thupiakte lam ah hong makaih in, ahang in tua lai nuam ka sa hi.

Phatna-late 119:70

Amaute lungtangte kheng a phamawhsak a neih loh uh hangin, na thukham ah nuam ka sa hi.

Phatna-late 119:77

Nangma thukham ka nopsakna ahi manin ka nuntak nadingin na khuatuahna kei tungah hong tung ta hen.

Phatna-late 40:8

Nangma deihna ka sem nuam hi, ka Pasian aw; nangma thukham ka lung sungah a om hi," ka ci hi.

Paikhiatna 6:12

Ahi hangin Moses in TOPA kiangah, "Israel-te in ka thugen hong ngai lo uh ahileh bangci in Pharaoh in pau-awkpi-a ka thugen hong ngai ding ahi hiam?" d a ci hi.

Isaiah 42:20

Na tampitak na muh khit hangin na thusim kei hi; Na bilte vak napi bangmah na za kei hi,"

Isaiah 53:1

Kote thupuak kua in um a, kua kiangah TOPA khut kilak ahi hiam?

Jeremiah 35:13

"Hih in Israel Pasian Thahatpen TOPA gen ahi hi: Pai inla Judah mite le Jerusalem a mite tungah, ‘Ka thu hong mangin thu khat sin lo ding na hi uh hiam?’ TOPA in cikhia hi.

Jeremiah 4:4

No Judah mite le Jerusalem mite aw, TOPA tungah no le no vun ki-at unla, na lungtang vun uh at un, na tua cih kei uh leh na gitloh gamtatnasate uh hangin ka heh suakin mei bangin kuang dinga - kuama phelh theih lohin a kang ding hi.

Jeremiah 5:21

No mihai bangmah a ngaihsun thei lo mite; mit nei napi khua mu lote, bil nei napi khuaza lote aw, hih thu za un:

Jeremiah 7:13

Hih nate khempeuh na hih laitak mah un TOPA in kong geninah: Note tungah kong gen kikkik hangin na ngai nuam kei uh a; kong sap hangin nong dawng nuam kei uh hi.

Jeremiah 7:26

Ahi hangin amaute in ka thu ngai lo uh a, zong hong thusim kei uh hi. Amaute a ngawng uh khauh a, a pute uh sangin a siazaw-in gamta uh hi,’ ci hi.

Jeremiah 9:26

Egypt, Judah, Edom, Ammon, Moab le gamlapi a sehnel-gama tengte khempeuh dan a kituahsak hun hong tung ding hi. Ahang in, hih minamte khempeuh vunat taktak hi lo uh a, Israel innkuan buppi nangawn lungtanga vunat loh ahi uh hi," a ci hi.

Ezekiel 3:7

Ahi hangin Israel innkuante in na thu hong ngai nuam lo ding uh hi, bang hang hiam cih leh Israel innkuan bup paupengin lungkhauh uh ahi manin ka thugen a ngai nuam kei ding uh hi.

Ezekiel 33:3

amah in tua gam sim dinga kuan namsau a muh ciangin a gam mite vauhilhna-in pengkul mutin

Ezekiel 33:9

Ahi zongin tua gilopa a kikhel nadingin na vauhilh a, hong man nop keileh a mawhna hangin amah si dinga ahi hangin nang le nang na kihonkhia ding hi.

Amos 7:10

Tua ciangin Bethel a siampipa Amaziah in Israel kumpipa Jeroboam tungah thu puak a, "Amos in Israel-te laizang takah nang do hong sawm hi. Ama thugen gam sung tengin thuak zo lo hi.

Matthew 3:7

A baptisena phual-ah Pharisee-te le Sadducee-te tampi a pai John in a muh ciangin, "No mualtan suante! Hong tung ding Pasian thangpaihna pana taikhia dingin kua in hong vauhilh ahi hiam?

Luke 11:45

Thukham siamte khatin, "Sia aw, hih thute na gen ciangin kote zong hong selpho na hi hi," ci-in a dawng hi.

Luke 20:19

Thukham siate le siampi makaite in hih gentehna amau a cihnopna ahilam thei uh ahi manin a matpah theih nadingun lampi a zong uh hi. Ahi hangin amaute in mipite a kihta uh hi.

John 7:7

Leitung in no hong mudah thei kei ding hi. Ahi hangin a gamtat hoih lote lakkhia ka hi manin kei hong mudah hi.

John 9:40

Amah tawh a om khawm Pharisee-te pawlkhat in hih banga a gen a zak uh ciangin, "Bang e? Ko zong a mittaw maw?" ci-in a dong uh hi.

Nasepte 7:51

"No a genhak mite, lungtang le bil vun-at lohte! Na pate uh tawh na kibang tektek uh hi. Note in Khasiangtho na nang ngitnget uh hi!

Nasepte 7:60

Tua ciangin khukdin-a, "Topa aw, hih mawhna amaute tungah na phul kei in," ci-in a kiko hi. Hih teng a cih khit ciangin a ihmu hi.

Rome-te 7:22

Ahang in, ka mihinna laigil ah Pasian thukham ka lungkimpih hi.

Thupiakkikna 29:4

Ahi hangin tuni mahmah dong TOPA in theihtelna lungsim ahi a, muhna mit ahi a, zakna bil ahi zongin hong pia nai kei hi.

Colosse-te 1:28

Mi khempeuh Christ sunga a kicing kim-a ka piak theih nadingun mi khempeuh tungah pilna namkim tawh taihilhin, hilhin amah ka tangko uh hi.

2 Timothy 4:3

Ahang in, mite in thu-up bucing a cimtak hun hong tung ding hi. Tua sangsikin, amaute lunggulhna tawh kituakin, a bil thakna uh tawh kituak, a zaknophuai lel thu a gen dingin amau kiangah sia tampitak a kaikhawm ding uh hi.

Hebrews 11:7

Noah in upna hangin a kimu nai lo nate ah a kivauhilh ciangin kihtakna siangtho tawh, a innkuanpihte hotkhiat nading gunkuangpi a lem hi. Ama upna hangin leitung mawhpaih a, upna hanga thumaanna a luahpa a suak hi.