Jeremiah 51:27 - Zokam International Version

²⁷ "Tua gam ah dialkhai khaito un! Minamte lakah pengkul mut un! Tuanu sim dingin minamte kithawi uh henla; amah sim Ararat, Minni le Ashkenaz kumpi-gamte kaikhawm uh hen. Tuanu sim dingin a makai ding seh uh henla; kauphe honpi khat bangin sakolte sawlto un.

LAISIENGTHOU CL Bible (BSI)

²⁷ “Gam sungah puonlap khai unlen, namte lah ah pengkul mut un, ama dou dingin namte kisa sah unlen, ama dou dingin Ararat, Minni leh, Ashkenaz, leenggamte hankhawm un, ama dou dingin galkap lamkaite guot unlen, khauphehon kitawm un, ama dou dingin galkap lamkaite guot unlen, khauphehon kitawm letlut bangin, sakolte kuontou sah un.

Zo Bible

²⁷ Khum gamah diel khai unlen, minamte lahah pengkul mut un; tua nu sim dingin minamte kithawisah unlen, ama sim dingin kumpi gamte, Ararat, Minni, le Ashkenaz gamte hlan un; ama sim dingin galkapmang khat se unlen, kauphe hon kitom bangin sakolte kai un.

Jeremiah 51:27 ပူးပေါင်းရင်းမြစ်များ

Piancilna 10:3

Gomer’ tapate: Ashkenaz, Riphath le Togarmah.

Piancilna 8:4

a kha sagihna a ni sawm le sagihna ni-in gunkuangpi Ararat-a mualte tungah a kinga hi.

2 Kumpite 19:37

Ni khat ama pasian Nisroch biakinn sungah bia-in a om laitakin a tapate Adrammelech le Sharezer in namsau in satpuk uh a, amaute Ararat gam ah tai-in a suakta uh hi. Tuateh a tapa Esarhaddon in a kumpi za luaha kumpi a suak hi.

1 Khangthute 1:6

Gomer tapate: Ashkenaz, Riphath c le Togarmah.

Isaiah 18:3

Leitung mite khempeuh, leitunga tengte khempeuh aw, mualtung ah dialkhai a kikhai ciangin na mu ding uh a, pengkul a kimut ciangin na za ding uh hi.

Isaiah 37:38

Ni khat biakinn ah a pasian Nisroch a biak laitakin a tapa Adrammelech le Sharezer in a namsau un atlum uh a, amaute Ararat gamah a tai uh hi. A tapa Esarhaddon in a kumpiza a luah hi.

Jeremiah 25:14

Minam tampite le kumpi liante tungah amau le amau salin kipia ding uh a; amau gamtatsate le a khutun a sepsate uh tawh kizui-in ka thuk kik ding hi" a ci hi.

Jeremiah 46:23

Tuanu gamphapi lak ahi hangin amaute in a tulak a tennen ding uh hi, TOPA in cikhia hi. "Amaute kauphe hon sangin tamzaw tham uh a, a kisim khin zo kei hi.

Jeremiah 50:2

"Minamte lakah zasakin tangko unla, dialkhai khai-in bangmah im kei unla, ‘Babylon kila ta ding hi; Bel kimaizumsak dinga, Marduk laugawp ding hi. Tuanu’ milimte kimaizumsak dinga a pasian limte kilausak ding hi.,’ ci-in tangko un.

Jeremiah 50:3

Leilu-lam panin minam khat in tuanu sim dinga, ama gam gamlak a suak ding hi. A sungah kuamah teng loin; mite le ganhingte taikek khawm ding uh hi.

Jeremiah 50:9

Ahang in, keimah in leilu-lam gam panin minamte kipawlna lian mahmah khat Babylon sim dingin ka hanthawn ding hi. Amaute in, amaute langah panmun la ding uh a, leilu-lam panin tuanu kizo ding hi. A thaltangte uh a hawmciah lo galkap siamte tawh kibang ding uh hi.

Jeremiah 51:12

Babylon kulhte langah dialkhai khat khai un! A cingte behlapin a buksim ding kithawi un! TOPA in Babylon mite tungah tunsak dinga a khensatte tungsak ta ding hi.

Jeremiah 51:14

Thahatpen TOPA amah le amah kiciama: Keimah in kauphe honpi bangin mihing tawh nang kong dim taktak dinga, nang tungah gualzo-in a awng ding uh hi.

Jeremiah 51:28

Amah a sim dingin minamte - Medes kumpite, a ukpite uh le a uliante uh, le ama ukna gam khempeuh kithawisak un.

Jeremiah 6:1

Benjamin mite aw, na suahtak nadingun tai un! Jerusalem taisan un! Tekoa ah pengkul mut un! Beth Hakkerem tungah dialkhai khai un! Ahang in, leilu-lam panin gimna hu lianpi le a lauhuai suksiatna hong kuankhia hi.

Joel 3:9

Midangte tungah hih thu tangko un: Gal sim dingin kithawi un! Galhangte hansuah un! Galsiam mite galdo dingin naihsak un.

Amos 3:6

Khuapi sungah pengkul a kimut ciangin mite ling lo uh ahi hiam? Khuapi sungah siatna a tun ciangin TOPA tunsak loh-a tung ahi hiam?

Zechariah 14:2

Jerusalem do dingin minam khempeuh ka khawm ding hi; khuapi kila dinga, innte kilong gawpin numeite kibuan gawp ding hi. Khuapi alang salin kikai dinga, a om lai teng khuapi pan a kipaikhiatpih kei ding hi.

Thukhente 6:5

A ganhonte uh tawh kuanto-in a puanbuk uh kauphe hon-om a bang hi. Amaute le a kala-oh-te uh kisim zo lo a; amaute in tua gamsimin na khempeuh a susiamang uh hi.