Jeremiah 50:9 - Zokam International Version

⁹ Ahang in, keimah in leilu-lam gam panin minamte kipawlna lian mahmah khat Babylon sim dingin ka hanthawn ding hi. Amaute in, amaute langah panmun la ding uh a, leilu-lam panin tuanu kizo ding hi. A thaltangte uh a hawmciah lo galkap siamte tawh kibang ding uh hi.

LAISIENGTHOU CL Bible (BSI)

⁹ Ngai un, Babilon dou dingin mallam gam a kipat nam thupi tahtah, kikhawmte ka tohthou dinga, tualeh ama dou dingin pan mun akhaw ding ua, tuana kipat ama lahzou ahi dinga, athaltangte u’khu galdousiem mihattah, khut guoh a nuakia ngailou bang ahi ding hi.

Zo Bible

⁹ Bangzieh ahei cile keima in leilu lam gam panin gam thupi honkhat hantawhin Babylon ka simsah ding hi; tua khuo a sim dingin amate ang kiguol ding uhi; tua panin khuopi kila ding hi. A thalpite uzong galhang thalkap siem pa’ thaltang kap tawh kibang ding a, a hawmpeikia sih ding hi.

Jeremiah 50:9 ပူးပေါင်းရင်းမြစ်များ

2 Samuel 1:22

A kithatte sisan pan le a thahatte satak panin, Jonathan’ thal guak kik ngei lo-a, Saul namsau guaksuak ngei lo hi.

Zailate’ Zaila 3:8

lalkhelhna a gualtung tuangte’n, kheelah namtem paibang kuah dimdiam uh e, khimzing nuaiah namtem tawi ve’n sang le lal veng a hiam aw.

Isaiah 21:2

A kihtakhuai mangmuhna khat kei hong kilak a: Migilopa in lehhek a, a luhpa in a luh hi. Elam aw sim in, Media aw umcih in! Ama piansak taunate khempeuh ka beisak ding hi.

Isaiah 41:25

"Leilu panin mi khat ka kithawisaka hong kuan zo hi - kei min lo in nisuahtohna panin khat hong kuan hi. Amah in leisan le leikang pawi bangin gam-ukte cilzan dinga, beelseekpa in buan a cil bangin a cil ding hi.

Jeremiah 15:14

Note langah a kuang ding ka hehna mei kitawh ding ahi manin, note theihlohna gamsung a khatah sila kong suaksak ding hi," hong ci hi.

Jeremiah 25:14

Minam tampite le kumpi liante tungah amau le amau salin kipia ding uh a; amau gamtatsate le a khutun a sepsate uh tawh kizui-in ka thuk kik ding hi" a ci hi.

Jeremiah 25:26

le a nai a gamla-a om leilu-lam kumpite khempeuh - lei mai tanga kumpi gamte khempeuh khat khit khat ka dawnsak hi. Amaute khempeuh khit ciangin Sheshach d kumpipa in zong a dawn hi.

Jeremiah 50:14

"No thal kekte khempeuh aw, Babylon kimkotah panmun la un. TOPA tungah tuanu mawh khin ahi manin amah kap un! Thaltangte sit kei un.

Jeremiah 50:21

"Merathaim gam le Pekod a tengte sim un. Nungdelh unla, thatin amaute susiamang b un, " TOPA in cikhia hi. "Kong sawl peuhmah hih un.

Jeremiah 50:26

Ama langa pang dingin a gamla panin hong kuan un. Tuanu saalte phelkek unla; anhum lompi bangin tuanu ciang un. Tuanu susia kiuhkeuh unla a baanglai bangmah nusia kei un.

Jeremiah 50:29

"Babylon sim dingin thal tawi thei khempeuh khawm un. A kimkot ah giahphual sat unla; khat beek suaktasak kei un. Ama gamtatnasa ama tungah thuk kik unla; ama sepsa bangin ama tungah sem un. Ahang in, amah in TOPA Israel Siangtho Pa a simmawh hi.

Jeremiah 50:3

Leilu-lam panin minam khat in tuanu sim dinga, ama gam gamlak a suak ding hi. A sungah kuamah teng loin; mite le ganhingte taikek khawm ding uh hi.

Jeremiah 51:11

"Thaltangte hiam unla lumte tawi un! TOPA in Babylon suksiat sawm ahi manin Medes kumpite hanthawn hi. TOPA in phu la-in, a biakinnpi phu a la ding hi.