Jeremiah 50:5 - Zokam International Version

⁵ Amaute in Zion lam nga-in tua lai zuatna lampi a dong ding uh hi. Amaute in a kimangngilh ngei lo ding tawntung thukhun tawh TOPA kiang zuanin kipawlkhawm ding uh hi.

LAISIENGTHOU CL Bible (BSI)

⁵ Amaun Zion zotna lampi adong ding ua, amai uh khumlang nga kawm in, hing peiun manghil ni umlou dingin, kumtawn thuhun in Mangpa toh ikizop ding uh, achi ding uhi.

Zo Bible

⁵ Amate in Zion lam nga-in tua khuopi zotna lampi a dong ding vua, a kimangngil ngai nawn lo ding tawntung thuciemna tawh Topa kung zuonin ang kipawl ding uhi.

Jeremiah 50:5 ပူးပေါင်းရင်းမြစ်များ

Piancilna 17:7

Keimah in na Pasian le nang nunga na suan-le-khakte’ Pasian ka hina dingin tawntung thukhun in kei le nang le hong tung lai ding khangte-a na suan-le-khakte tungah thukhun kip ka bawl ding hi.

2 Samuel 23:5

"Ka innkuan Pasian tawh kizopna man hi lo ahi hiam? Amah in kei tawh tawntung thukhun bawl khin a, a khen kimin kipsak hi lo ahi hiam? Ka hotkhiatna gahsuah loin ka deih khempeuh hong pia loin om ding hiam?

1 Kumpite 19:10

Amah in, "TOPA, Thahatpen Pasian adingin ka aam mahmah hi. Israel-te in thukhun nial uh a, na biakna-taute phelkhia mangin na kamsangte namsau-in a that uh hi. Kei kia bek a omlai sun ka hi-a, tu-in kei zong thah hong sawm uh hi," ci-in a dawng hi.

1 Kumpite 19:14

Amah in, "TOPA, Thahatpen Pasian adingin ka aam lua mahmah hi. Israel-te in na thukhunte nial uh a, na biakna-taute phelkhia mangin na kamsangte namsau in that uh a, tu-in kei zong thah hong sawm uh hi," ci-in a dawng hi.

Phatna-late 84:7

Amaute a milipun Zion a Pasian mai-ah a kilak matengun, a tha uh a hat semsem hi.

Isaiah 35:8

Tua lai-ah lam lianpi om dinga, Sianthona lampi a kici ding hi. A sianglo mite in tua a tung tawn lo ding uh a; tua Lampi tawnte ading tua bang ahi ding hi; a tatsia mihaite in tua tung a tawn kei ding uh hi.

Isaiah 55:3

Na bil uh hong ngat unla kei hong zuan un; na nuntak theih nadingun ka thu ngai un. David tungah a muanhuai itna ka ciam bangin note tawh tawntung thukhun ka bawl ding hi.

Jeremiah 3:18

Tua ni ciangin Judah innkuante in Israel innkuante zom ding uh a, a nih un na luah dingun na pate uh tunga ka piaksa gam ah leilu-lam gam panin a paikhawm ding uh hi.

Jeremiah 31:21

"Lamlahnate phut inla; lamlak khuamte posak in. Na va paina lam lianpi ciamteh in. Nungakbit Israel aw, hong ciah kik in; na khuapite ah hong ciah kik in.

Jeremiah 31:6

Ephraim mualte tungpan in galvilte in, ‘Hong pai un eite Pasian, TOPA kiang Zion ah paito ni,’ ci-a a kiko hun uh hong tung ding hi," a ci hi.

Jeremiah 32:40

Amaute tawh tawntung thukhun bawlin amaute hoih nading ka bawl den dinga, kei hong taihsat ngei nawn loh nadingun kei kihtakna ka muam ding hi.

Jeremiah 6:16

TOPA thugen hih ahi hi: "Lamkabomte ah dingin en unla, tanglai lampite dong un, lam hoih koi pen hiam cih dongin tawnpah un, tua ciangin na hinna un tawldamna a mu ding hi. Ahi hangin, ‘Tua lampi tawn dah ni," na ci uh hi.

Ezekiel 16:61

Tua ciangin na paizia phawkin nang sanga uzaw nu le nang sanga nauzaw nu - na sanggam numeite na ngah ciangin na mai zum ding hi. Na tanu dingin amaute kong pia dinga ahi hangin nang tawh i thukhun bulphuh a kong piak ahi kei ding hi.

Ezekiel 37:22

Keimah in Israel mualliante tungah amaute minam khat ka suaksak ding hi. Amaute khempeuh a uk kumpi khat omin minam nih suak ngei nawn lo ding uh a, kumpi-gam nihin a kikhen ngei nawn kei ding uh hi.

Hosea 1:11

Judah mite le Israel mite kigawm kik ding uh a, amaute makai khat kisehin amau gam panin paikhia to ding uh ahi manin tua ni Jezreel ni lianpi ni hi ding hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Hosea 6:1

"Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

John 7:17

Mi khatpeuh in Pasian deihna hih ding a teel leh, ka thuhilhna Pasian pan hiam, ahikeh keima thu a gen ka hi hiam, cih a mukhia ding hi.

Nasepte 11:23

Amah tungin, Pasian hehpihna a tunzia a muh ciangin a nuam mahmah hi. Amaute khempeuh in a lungsim khempeuh uh tawh Topa tungah a muanhuai nadingun a hanthawn hi.

2 Corinth-te 8:5

Ko lamet bangin hih loin Topa tungah amau mahmah kipia masa-in tua khit ciangin Topa deihna tawh kituakin ko tungah hong kipia uh hi.