Jeremiah 5:7 - Zokam International Version

⁷ "Bang hangin na mawhna uh hong maisak ding ka hi hiam? Na tate un kei hong mangngilh khin uh a, pasian a hilo pasian tawh a kiciam uh hi. Amaute kisapna teng ka piak hi napi, amaute in angkawm teitei uh a, numei paktatte inn ah a honin a om uh hi.

LAISIENGTHOU CL Bible (BSI)

⁷ “Tami ziehin nou bang ka hing chi ngaidam diei? na tate un kei ahing taisanta ua, pasien hiloute min in akichiemta uhi; gilva tah a ka vah nua in, Aang nangkawm san ua, ahon hon in kizuate inn ah akikhawm vapual uhi.

Zo Bible

⁷ Na mawnate uh kang bangci maisah thei ding ahei? Na tate un keima ei nuasie zo a, pasien ahi lopite po tawh kiciem zo uhi. Gilva tahin an ka va ciengin amate in ang a kawm vua, numei pahtatte’ inn-ah a honpei valuoi uhi.

Jeremiah 5:7 ပူးပေါင်းရင်းမြစ်များ

2 Khangthute 13:9

Ahi hangin Aaron tapa TOPA siampite hawlkhia-in gamdang mite hih bangin na siampi ding uh phuaktawm hi lo na hi uh hiam? Bawngtalno khat le tuutal sagih tawh a ki-ap dinga hong pai peuhpeuh pasian ahi lote siampi a suak uh hi.

Job 31:12

Siatna a donga a kangtumsak mei hi a; tua in ka anlak ding teng botkhia ding hi.

Phatna-late 50:18

Guta khat na muh ciangin amah na pawlpih a; angkawmte lakah na kihel hi.

Jeremiah 12:16

Tuateh ka mite omzia a sin ding uh a, Baal tunga kiciamzia ding ka mite nangawn a hilh bangun - ‘TOPA nuntakna lo-in,’ ci-a na kiciam uh leh - tua ciangin ka mite lakah amaute ka kipsak pan ding hi.

Jeremiah 13:27

na angkawmnate le huk lua-a na tau huthutnate zummawh-a na kizuaknate a kidawkkhia ding hi. Mualneute tung le lolaite ah, a kihhuai-a na gamtatnate ka mu khin hi. Jerusalem aw, gimna nak thuak na nicia! Bangtan vei ninnin lai ding na hi hiam?" a ci hi.

Jeremiah 16:11

amaute tungah TOPA in, ‘Na pate un kei hong taisan uh a, pasian dangte zui-in a na semin bia uh hi. Kei hong taisan uh a, ka thukham zui lo uh hi.

Jeremiah 16:20

Mihing in ama pasian ding bawltawm thei ahi hiam? Bawltawm thei napi tuate pasian ahi kei hi!" a ci ding uh hi.

Jeremiah 2:11

Minam khat in a pasiante a kheng ngei hiam? (Tuate lah pasiante a hi peuhmah kei hi.) Ahi hangin ka mite in amau d minthanna bangmah man lo milimte khekna-in hong nei uh hi.

Jeremiah 2:31

"Tu khanghun a note aw, TOPA thu ngaihsun dih un: "Israel tungah sehnel-gam suak ngei a, khuamial mahmah gam suak ngei ka hi hiam? Bang hangin ka mite in, ‘Ka ututun ka vak thei uh hi. Nang kiangah hong pai nawn kei nung,’ ci uh ahi hiam?

Jeremiah 23:10

Gamsung ah angkawmte dim uh hi; hamsiatna b hangin gamsung teng gawtakin c, sehnel-gama lonona teng keucip hi. Kamsangte in gitlohna lam zui uh a, a vangliatna uh a maan lopi-in zang uh hi.

Jeremiah 3:19

Keimahmah in, "‘Lungdam lua-in tapate bangin ka bawl dinga, minam khatpeuh luah a nopcipen le a deihhuaipen nang kong pia ding hi,’ ka ci hi. ‘Pa’ hong ci-in nong zuihna pan kihei lo ding kong sa hi.

Jeremiah 3:8

Ama angkawmnate hangin a muanhuai lo Israel makna laipi ka pia a, ka hawlkhia hi. Tua hi napi a muanhuai lo a sanggamnu Judah lau lo lailai a; amah zong kuankhia-in a angkawm hi.

Jeremiah 7:9

"Note guta in, tual thatin, angkawmin, a ahi lopi-in kiciamin, Baal tungah meihal biakna pia-in, na theih loh uh pasiante nung zui-in,

Jeremiah 9:1

Ka lutang tuinak hi thei henla, ka mitte khitui nak hi thei leh maw! A kithat ka mite adingin sun le zanin ka kapkap ding hi.

Jeremiah 9:2

Ka mite a vekpi un angkawm hat, a muanhuai lo mihonpite ahi manun sehnel-gam ah ka zintun buk ding mun khat nei-in amaute nusia-in taisan thei leng!

Tamlawhna 3:42

"Kote ka mawh uh hi, kong lehdo khin uh a, ka mawhna uh nong maisak kei hi.

Ezekiel 22:11

Na sungah a vengte zi tawh a kihhuai-a gamta om-a, adang khat in a mo zumhuaipi in buahsak a, adang khat in a sanggamnu, ama pa’ tanu tektek a buan hi.

Hosea 11:8

"Ephraim aw, bang ci-in hong tawpsan thei ding ka hi hiam? Israel aw, bang ci-in mi tungah hong pia thei ding ka hi hiam? Bang ci-in Admah bangin hong bawl thei ding ka hi hiam? Bang ci-in Zeboiim bangin hong bawl thei ding ka hi hiam? Ka sungah ka lungsim kikhel hi; ka khuatuahna teng khang hi.

Hosea 13:6

Amaute ka vak ciangin gilvah uh hi; amaute a gilvah uh ciangin kiphasak uh hi; tua ciangin kei hong mangngilh uh hi.

Hosea 4:2

Hamsiatna a, zuauna le kithahna, guktakna le angkawmna bek om a; ciangtan nei loin sisan luanna in sisanluanna a nungzuih hi.

Hosea 7:4

Amaute angkawm vive hi uh a, annel lom a pawm masiah a empa in a mei mutkuang a kullo meikhuk sunga om tawh kibang uh hi.

Siampi Laibu 20:10

"‘Pasal khat in midang khat zi - a vengpa zi tawh ang a kikawm uh leh angkawmnu le angkawmpa kithat pelmawh ding hi.

Amos 8:14

Samaria maizumna a tawh a kiciamte ahikeh, ‘Dan aw, na pasian nuntakna lo in,’ ahikeh Beersheba pasian b nuntakna lo-in ci-a kiciamte - amaute a tho kik nawn lo dingin a puk ding uh hi," a ci hi.

Zephaniah 1:5

innkhum tungah kah a, aksi honte bia-a kunte, TOPA tawh kiciama a kunte le Molech b tawh a kiciamte zong,

Malachi 3:5

"Tua ciangin note kiangah thukhen dingin kong pai ding hi. Keimah in aitawi-te, numei tawh mawhte le ciampelte, nasemte thaman a khembawlte, meigongte le pa nei lote a nengniam a, pemtate thutangna a thusim lote le kei hong kihta lote langah teci pangin manlangin thu ka khen ding hi," Thahatpen TOPA in ci hi.

1 Corinth-te 6:9

Mi tatsiate in Pasian gam a luah loh ding lam thei lo na hi uh hiam? Mi khemsa-in om kei un: Numei pasal paktatte, milim biate, angkawmte, pasal kizuakte, pasal le pasal paktatte,

1 Corinth-te 8:4

Tua tak ciangin milim thoihna an nekna thu panin milim pen, leitung ah bangmah a hi lopi hi-a Pasian khat longal adang om lo cih i thei hi.

Galatia-te 4:8

Tunung lai, Pasian na theih ma un pianngei-a pasian a hi lote sila-in na om uh hi.

Thupiakkikna 32:15

Jeshurun d hong thau ta in hong lehpeek ta a, an hau in, gik lihliahin a mam pingpeng hi. Amah a bawlpa Pasian nusia-in, ama Honpa Suangpi a nial hi.

Thupiakkikna 32:21

Amaute in pasian ahi lo tawh hong hazasak uh a, kimanna nei lo a milim un hong hehsak uh hi. Kei zong tuate mahin mihing a hi lote ka engsak dinga; bangmah a thei lo minamte-in amaute ka hehsak ding hi.

Hebrews 13:4

Numei-pasal paktatnate khempeuh le angkawmte tungah Pasian in thu khen ding ahi manin, mi khempeuh in, kitenna pahtawi-in nupa lupna siangthosak uh hen.

James 4:4

No angkawm hat mite aw, leitung tawh kilawmtakna in Pasian lama muhdahna ahilam thei lo na hi uh hiam? A lawm dinga leitung a teelte peuhmah Pasian gal a suak hi.

Joshua 23:7

No laka a om lai minamte tawh kipawl kei un; amau pasiante min lo kei unla tuate in zong kiciam kei un. Tuate na sem loin tuate bia-in zong na kun peuhmah kei ding uh hi.