Jeremiah 5:31 - Zokam International Version

³¹ Kamsangte in zuauthu genin siampite in amau thuneihna bangin uk uh a, ka mite in hih bang nuamsa uh hi. Ahi hangin a tawpna hong tun ciangin bang na cih ding uh hiam?

LAISIENGTHOU CL Bible (BSI)

³¹ Guolneiten zuouthu agen ua, siempute’n lah athu thu un vai ahawm uhi, tualeh ka miten lah tambanga bawlte adeilam uh ahi hi; hinanleh atawpna ah bang na bawlta ding uoi leh?

Zo Bible

³¹ Kamsangte in zuouthu a gen vua, kamsangte’ thupieh bangin siempute vaihawm hi. Ka mite in tua bang dante a dei lai vaset vua, hinanle a tawpna ang tun ciengin bang na bawl ta ding vuoi?

Jeremiah 5:31 ပူးပေါင်းရင်းမြစ်များ

1 Kumpite 22:6

Tua ciangin Israel kumpipa in kamsangte kikhawmsak a - mi zali khawng - amaute kiangah, "Ramoth Gilead sim dingin ka kuan ding hiam, ahikeh ka thuak lel ding hiam," ci-in a dong hi. Amaute in, "Kuan in, Topa in kumpipa khutah hong pia ding hi," ci-in a dawng uh hi.

Paunakte 17:4

Migilo in kampau gilo ngai-a, zuautheite in mi a nasak leii a thusim uh hi.

Isaiah 10:3

Gamlapi pan gimna hong pai ciang, thukhenna ni ciangin bang na cih ding hiam? Hong huh dingin kua bel ding na hi hiam? Na hauhna koi-ah nusia ding na hi hiam?

Isaiah 20:6

Tua ni ciangin tui gei-a tengte in, "Ei muan mite, Assyria kumpipa pana hong huh ding hong hukhia ding ci-a i belhte bang suak ta uh hiam, en dih un! Bang ci suahtak thei nawn ding i hi hiam?’ ci ding uh hi," a ci hi.

Isaiah 33:14

Zion-a mawhneite lau uh a; pasian-neilote a ling kauhkauh uh hi: "Eite kua a haltum mei tawh teng khawm thei ding i hi hiam? Eite kua a kuang tawntung mei tawh tengkhawm thei ding i hi hiam?"

Isaiah 43:27

Na pa masa pen uh mawh a; na thu sungte un kei hong lehdo uh hi.

Isaiah 47:7

Nang in, ‘Tawntung kumpinu ka hi hi! - ka zom tawntung ding hi’na ci hi. Ahi hangin hih nate ngaihsun loin nang tunga hong tu kik ding zong na ngaihsun kei hi.

Jeremiah 12:4

Bangtan vei gamsung vuaigawpin a lo sunga lopate vulgawp lai ding ahi hiam? Bang hang hiam cih leh tua gama tengte gilo uh a, vasate le gamsate mangthang khin ta uh hi. Tua tham loin mite in, "Ei tunga piangte hong mu kei na’nteh," ci uh hi.

Jeremiah 14:14

Tua ciangin TOPA in kei tungah, "Kamsangte in kei minin zuauthu a gen uh hi. Amaute ka sawl kei a, zong ka hopih kei hi. Amaute in note tungah a maan lo mangmuhna, aisanna, milim biakna a le amau lungsima suakte hong gen uh ahi hi.

Jeremiah 26:7

TOPA inn sunga Jeremiah in hih thute a gen, siampite, kamsangte le mi khempeuh in a za uh hi.

Tamlawhna 1:9

Ama nin a nik tungah baang a, a mailam thu ding a ngaisun kei hi. Kinak siat lua mahmah ahi manin a hehnem ding khat beek a om kei hi. "TOPA aw, hong kibawlsiatna hong en in, galte in hong zo gawp uh hi,"

Tamlawhna 2:14

Na kamsangte mangmuhna man loin kimanna a nei kei hi. na koltana pan hotkhiat nadingin na mawhna hong pholak kei uh hi. Nang tunga hong gente uh thusuakte lah man loin hong makaih khial vive ahi hi.

Tamlawhna 4:13

Ahih hangin ama sungah a thumante sisan luanna a piangsak kamsangte mawhna hang le siampite ginatlohna hanga piang ahi hi.

Tamlawhna 4:18

Mite in ka khekhap uh hong zui a, ka kongzingte uah ka vakkhia thei kei uh hi. Ka hun beina uh tungta ahi manin ka ni uh bei ta a, ka hun uh a nai ta hi.

Ezekiel 13:10

"‘Amaute in ka mite lam khialsak uh a, kilemna om lopi-in, "Kilemna," ci uh a; a muanhuai loin kulh ciang in leikang tawh zut lel uh ahi manin

Ezekiel 13:6

A mangmuhna uh khial uh a, a aisanna uh zuau ahi hi. Amaute in, "TOPA gen hi," ci uh a, TOPA in a sawl lohpi amau kammal a tangtung dingin a lamen zawlai uh hi.

Ezekiel 22:14

Nang tungah kong thuk ni ciangin hang ngam lai-in na khut khauh zo nawn ding ahi hiam? Keimah TOPA in ka gensa hi a, ka sem ding hi.

Hosea 4:9

A tuaci mah ding hi; mite le siampite a kibang ahi hi. Amaute lampite hangin amaute gel dan ka piakhawm dinga, amaute sepsa tawh kizui-in ka thuk kik ding hi.

Hosea 6:10

Keimah in Israel inn sungah a mulkimhuai na khat ka mu hi. Tua lai-ah, Ephraim kizuakna ah kipia a, Israel a buahsak hi.

Hosea 9:5

A kisehsa pawi nite le TOPA pawi nite-in bang hih ding na hi uh hiam?

Micah 2:11

Zuauphuak le mikhem khat hong pai-in, ‘No ading zu tampi le zucil a om nadingin kam kong sansak ding hi,’ hong cileh amah hih mite deih kamsang hi lian ve!

Micah 2:6

Amau kamsangte in, "Thu gen nawn kei un. Hih bang thute gen huai lo hi; tua bangte in ko hong minsiasak zo kei ding hi," a ci uh hi.

Micah 3:11

Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

Zephaniah 3:4

A kamsangte uh ki-uangsakin zuautat mi hi uh hi. A siampite in mun siangtho thanghuaisak uh a, thukham tungah a ngongtat uh hi.

Thupiakkikna 32:20

Amah in, "Amaute pan ka maitang ka sel ding hi; amaute lungsim kawi khangmite hi uh a, a muanhuai lo tate ahi manun a tawpna ah bang a suak uh hiam, ka en ding hi.

Thupiakkikna 32:29

Amaute pil tapeuh in hih thu theitel uh henla, a tawpna ah bang suak ding cih thei le uh maw!