Jeremiah 5:24 - Zokam International Version

²⁴ Amaute in, "Tuk guah le sikhiau guahte a hunin hong zusaka, an lak huna an hong lasakpa, TOPA eite Pasian kihta ni,’ a kici kei uh hi.

LAISIENGTHOU CL Bible (BSI)

²⁴ Amaun, tuin Mangpa i Pasian uh ahun tah a guo masa leh, guo nukhia hing pepa leh, bu lah hun nipi kaalte hing bawl piehpa, i giing ding uhi alungtang un achi ngai vawt sih uhi.

Zo Bible

²⁴ Amate in a lungsim sung vuah, a huna guote ang zusah, tua guo le khal guo ei pie le eite dinga anlah hun ei sepieh pa, “Topa i Pasien zatah vai,” a ci vawt sih uhi.

Jeremiah 5:24 ပူးပေါင်းရင်းမြစ်များ

Piancilna 8:22

"Leitung a kip laiteng khaici vawh hun le an lak hun, a vot le a sa, phalbi le khuakhal sun le zan a bei ngei kei ding hi," ci hi.

1 Kumpite 17:1

Tu-in Gilead a Tishbe a panin Tishbe-te Elijah in Ahab tungah, "A na ka sep TOPA, Israel Pasian nuntakna lo-in ka gen hi, hong tung ding kum tawmkhate sungah kei thu loin daitui ahi a, guahtui ahi zongin a om kei ding hi," a ci hi.

Job 29:23

Amaute in khuapi-guah ngak bangin kei hong ngak uh a, guah masa bangin ka thugente a dawn uh hi.

Job 38:37

Kua in meiite sim theihna pilna nei ahi hiam?

Job 5:10

Leitungah guah a zusak hi; gam sungah tui a luangsak hi.

Phatna-late 147:8

Amah in meiite tawh huih khua tuam a, leitung ah guah zusakin mualte tungah lopa posak hi.

Phatna-late 65:9

Leitung donin tui na buak a; tampitak na kibehlapsak hi. Mihingte an na sik nadingin Pasian luite tui dim a, tua d lah nangma kipsak ahi hi.

Isaiah 64:7

Kote na maitang nong selsan a, ka mawhna hangun hong patkhiasak na hi manin kuamah in na min hong sam loin pom hong sawm a om kei hi.

Jeremiah 10:13

Kek a kiatsak ciangin vante a tuite a hawk hi; amah in leitung mongte panin meiite a kahtosak hi. Amah in khuaphia le guah puakkhawm a, a vankholna innte panin huih a pusuaksak hi.

Jeremiah 14:22

Kimanna a nei lo minamte’ milimte in guah zusak thei ahi hiam? Vante in amau thu-in khuapi guah zusak thei ahi hiam? A zusak kei hi, nangma zuksak ahi hi; TOPA kote Pasian aw. Tua ahi ciangin hihte khempeuh nangma hihsa ahi manin nangma sungah lametna ka nei uh hi.

Jeremiah 2:19

Na gitlohna un note dan hong tuaksak dinga; na nungtolhna un hong tai ding hi. Tua ahi ciangin na Pasian uh TOPA hong taisanin nong kihtak loh uh ciangin gitlohna hi-a, kha velval ahilam ngaihsun unla tel un," Thahatpen TOPA in cikhia hi.

Jeremiah 3:3

Tua ahi ciangin khuapi guah zu lo a, guahsia zong a zu tuan kei hi. Tua hi napi na paktat mithah lailai a; zuma na mai san ding na nial lai hi.

Jeremiah 5:22

Kei hong kihta lo ding na hi uh hiam? TOPA in cikhia hi, "Ka mai-ah ling lo ding na hi uh hiam? Tuipi gamgi dingin sehnel ka bawl a, a kantan theih loh dingin, dai-a kimang den ding ahi hi. Tuihualte a kilok hangin phukhia zo lo uh a; a hawk uh hangin a kantan thei kei uh hi.

Jeremiah 50:5

Amaute in Zion lam nga-in tua lai zuatna lampi a dong ding uh hi. Amaute in a kimangngilh ngei lo ding tawntung thukhun tawh TOPA kiang zuanin kipawlkhawm ding uh hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Hosea 6:1

"Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

Joel 2:23

Zion mite aw, kipak un; amah in a thumaanna e sikhiau guah hong pia ahi manin TOPA note Pasian tungah lungdam un. Amah in kum dangte bangin khuapi guah zusakin tuk guah le sikhiau guahte hong zusak hi.

Amos 4:7

An lak ding khathum in a sap laitakin guah ka haang hi. Khuapi khatah guah zusakin adang khatah guah ka haang hi. Lo khatah guah zu-in adang khatah zu loin a keucip hi.

Zechariah 10:1

Khuakhal kipat hunin TOPA tungah guah ngen un; huihpi meiipite a bawl TOPA ahi hi. Amah in mite tungah guah zusak a, a kua mahpeuh tungah ankungte a pia hi.

Matthew 5:45

Tua hileh vantunga na Pa uh tate na suak thei ding uh hi. Amah in miphate le misiate tungah ni tangsak a, thumaante le thumaan lote tungah guah a zusak hi.

Nasepte 14:17

Tua hi napi teci panna om loin amaute a mawk nusiat kei hi: vantung pana guah le amau hun ciata, a gah an pia-in a migitna hong lak hi. An tampi-in hong vaka, na lungtang uh lungnop na tawh a dimsak hi," a ci uh hi.

Thupiakkikna 28:12

TOPA in vantungte le na tampi a kholna inn hongin na gamuah guah a hunin zusak dinga na khut uh tawh na septe khempeuh uh thupha a pia ding hi. Minam tampite na leitawisak ding uh a, ahi hangin no kuama tungpan na leitawi kei ding uh hi.

James 5:7

Tua ciangin sanggamte aw, Topa hong pai mateng na thuak keeikai un. Lokhopa in sikhiau guah le tuk guahte ngak a, leitung in a manpha gah a gah ding lungduaitaka a ngak thei ta un.

Kilaakna 11:6

Hih mite in amaute thugenkholh hun sung teng guah a zuk loh nadingin van khakcip theih nading vangliatna a nei uh hi. Tua banah amaute in tui sisan suaksak theihna le amaute deih hunhun-a pulpi tawh leitung a thuaksak theih nading uh vangliatna a nei uh hi.