Jeremiah 5:21 - Zokam International Version

²¹ No mihai bangmah a ngaihsun thei lo mite; mit nei napi khua mu lote, bil nei napi khuaza lote aw, hih thu za un:

LAISIENGTHOU CL Bible (BSI)

²¹ “Nou mimote leh theina neiloute, mit nei napi a muloute, bil nei napi a zaloute tami zaun.

Zo Bible

²¹ No mimaw thu ngaisun thei lo mite, mit nei napi khuomu lote, bil nei napi khuo za lo mite aw, tami thu khu za un.

Jeremiah 5:21 ပူးပေါင်းရင်းမြစ်များ

Phatna-late 94:8

No, mite laka bangmah phawk lote aw, thusim un; no mihaite aw, cik ciangin pil ding na hi uh hiam?

Paunakte 17:16

Mihai in pilna ngah ding a lunggulh loh nungsang ama khuta sum om bang phatuam ahi hiam?

Isaiah 27:11

A hiang mengte a keu ciangin kitan a numeite pai-in singin a cih uh hi. Ahang in, hih mite in a theitel kei uh hi; tua ahi ciangin amaute a Bawlpa in amaute khuatuah lo a, amaute a Piangsakpa in amaute a angvan kei hi.

Isaiah 43:8

Mit nei napi mittawte, bil nei napi bengngongte pikhia un.

Isaiah 44:18

Amaute in bangmah thei lo uh a; bangmah a theitel kei uh hi; khua muh theih loh nadingin a mitte uh kibelh a, a theihtel theih loh nadingun a lungsim uh kikhaksak hi.

Jeremiah 10:8

Amaute, ngaihsutna nei lo mihai hi uh a; kimanna a nei lo singtawng milimte hilhsa ahi uh hi.

Jeremiah 4:22

"Ka mite hai uh a; kei hong thei lo uh hi. Amaute naupang thu thei lo hi uh a; theihtelna a nei kei uh hi. Amaute gitloh siam uh a, a hoih sep ding a thei kei uh hi," a ci hi.

Jeremiah 5:20

Hih thu Jacob innkuante tungah gen unla, Judah-te tungah tangko un:

Jeremiah 5:4

Amaute in TOPA lampi thei loin amau Pasian deihna thei lo uh ahi manin a gina lo, a hai hi lel uh hi, ci-in ka ngaihsun hi.

Jeremiah 6:10

Kua hopih in vauhilh thei ding ka hi hiam? Kua in ka thu ngai ding hiam? A zak theih loh nadingun a bilte uh a bing a hi. Amaute tungah TOPA kammal zak thadahhuai-a, nuam a sa kei uh hi.

Jeremiah 7:13

Hih nate khempeuh na hih laitak mah un TOPA in kong geninah: Note tungah kong gen kikkik hangin na ngai nuam kei uh a; kong sap hangin nong dawng nuam kei uh hi.

Jeremiah 8:7

Vana tui vapite nangawn in amau khuahunte thei uh a, vakhu, phialphiah le hamsiam-te a lal hunin lal uh hi. Ahi hangin ka mite in TOPA deihnate a thei kei uh hi.

Ezekiel 12:2

"Mihing tapa aw, nang a lehdo mite lakah na teng hi. Amaute a lehdo mi ahi manun mit nei napi mu lo uh a, zak nading bil nei napi khua a za kei uh hi.

Hosea 7:11

Ephraim kawlvakhu tawh kibanga, khemnop mahmah in ngaihsutna mel nei lo a - tu-in Egypt samsam in, tu-in Assyria lamah kihei hi.

Zechariah 7:11

"Ahi hangin amaute in a thusim kei uh hi; lungkhauhin nungngatsan uh a, a bil uh a hum uh hi.

Mark 4:12

"‘Amaute in mu ngitnget napi, mutel ngei lo ding uh a, za ngitnget napi, a theitel ngei kei ding uh hi; tua hi kei leh amaute lunghei in, kimaisak kha ding hi!’" a a ci hi.

Mark 8:18

Mit nei napi in mu lo a, bil nei napi in za lo na hi uh hiam? Hih thu phawk lo lailai na hi uh hiam?

John 12:40

"Amah in amaute mit tawsakin, a lungtangte uh sisak hi, tua ahi manin a mit uh tawh bangmah mu thei lo uh a, a lungtang uh tawh zong bangmah theitel thei loin a kihei thei kei uh hi - tua hi kei leh amaute ka damsak kha ding hi," c ci hi.

Nasepte 28:26

‘Hih mite kiangah pai inla, "Note in na zak ngitnget uh hangin na theitel ngei kei ding uh hi; na muh ngitnget uh hangin na mutel ngei kei ding uh hi,"

Rome-te 1:20

Ahang in, leitung piancil a kipan a kimu thei lo Pasian pianziate, a tawntung vangliatna le a Pasian pianngei a kipiangsaksa nate panin kitheitelin kimu ta ahi manin mihingte in paulap ding a nei kei uh hi.

Rome-te 11:8

hih-a kigelh bang ahi hi: "Pasian in tuni tektek dong, amawk lungsim ahi zongin, a mu thei lo mittang ahi zongin a za thei lo bil ahi zongin, amaute a pia hi." f

Thupiakkikna 29:3

Na mit mahmah un tua bawlsiatna lianpite, a tuampian limte le a lamdang alian mahmahte na mu khin uh hi.

Thupiakkikna 29:4

Ahi hangin tuni mahmah dong TOPA in theihtelna lungsim ahi a, muhna mit ahi a, zakna bil ahi zongin hong pia nai kei hi.

Thupiakkikna 32:6

A hai, a pil lo mite aw, TOPA na thuk kik nading uh hih bang lam mah hiam? Amah note hong bawl hong siam, hong Piangsakpa b na Pa uh hi lo ahi hiam?