Jeremiah 49:3 - Zokam International Version

³ "Ai kisia ta hi! Heshbon aw, kap in. Rabbah a tengte aw, kapkhia un! Ippi puan silhin thum unla; Molech, ama siampite le a ulainte tawh salin kikaikhawm ding ahi manin kulhte sung tengah taisuk taito un.

LAISIENGTHOU CL Bible (BSI)

³ “Aw Heshbon kap in mau in, aziehpen Ai khuo suhmang ahita, nou Rabbah tanute kap unlen, saiip puon teng unlen, kaa un, Kulpi sungah suhtai toutai un, aziehpen Milkom asiempute leh, amiliente toh saltang khawm ding ata uhi.

Zo Bible

³ Hesbon khuo aw, da-in mau in, a zieh pen Ai suhsietin om ta! Rabbah tanute aw, kap un! La-ip puon silin kap unlen, ciengpum tawh kisunliem un! Azieh pen a siempute le a tuonvaite tawh Milcom salin kipeipi ding hi.

Jeremiah 49:3 ပူးပေါင်းရင်းမြစ်များ

2 Samuel 11:1

Kumpite galsim dingin a kuan hun phalbi sungin David in kumpipa mite tawh Joab le Israel galkap buppi a kuankhiasak hi. Amaute in Ammon-te susia uh a Rabbah a umcih uh hi. David ahileh Jerusalem ah a om hi.

1 Kumpite 11:33

Kei mah in hih ka sem ding hi, bang hang hiam cih leh amaute d in kei hong taisan uh a, Sidonte nusian Ashtoreth, Moab-te pasian Chemosh le Ammon-te pasian Molech-te bia -in, ka lampite zui lo uh a, ka muhna ah amaanin gamta loin, Solomon pa David zuih bangin ka ngeina kipte le ka thukhunte a zui kei uh hi.

1 Kumpite 11:5

Amah in Sidon mite nusian Ashtoreth le a kihhuai Ammon mite pasian Molech a a zui hi.

2 Kumpite 23:13

Kumpipa in, Jerusalem nisuahna lama Siatna Mual leitaw lama om Israel kumpipa Solomon in a bawl munsangte - Ashtoreth adingin a bawl Sidon-te nusian, Chesmosh-te adingin a bawl a kihhuai Moab pasian le Molech-te c adingin a bawl a kihhuai Amon mite pasiante a phiatmang hi.

Ezra 2:28

Bethel le Ai-te 223

Isaiah 13:6

TOPA ni naita ahi manin kap vangvang un; Thahatpen c pana suksiatna hong tung ding hi.

Isaiah 14:31

Kongpi aw, kap vangvang in! Khuapi aw, ku vangvang in! No Philistia-te khempeuh aw tuisuakmang un! Leilu panin meikhu meii-in kai-a a gualguala tangkai a om kei hi.

Isaiah 15:2

Biakinnpi ah Dibon paito a, a munsangte ah a kap dingin kuan to hi; Moab-te in Nebo le Medeba kah vangvang uh hi. Lu peuhmah kimet tol a, khamul peuhmah a kimetmai hi.

Isaiah 16:7

Tua ahi manin Moab-te kap vangvang uh a, amaute in Moab a kahhuan vangvang uh hi. Kir Hareseth mite d adingin taamlo-in dah un.

Isaiah 23:1

Tyre tawh kisai thusuak: Tyre kisia khina inn le tembaw khawlna om nawn lo ahi manin Tarshish tembawte aw, kap vangvang un! Cyprus b gam panin amaute tungah thu a tung hi.

Isaiah 23:6

Tuikulh a teng mite aw, Tarshish lam kantan unla kah cihtakin kap un.

Jeremiah 4:8

Tua ahi ciangin ippi puansilh unla kapin taamlo un, ahang in, TOPA hehluatna eite tawh kipelh nai lo hi.

Jeremiah 46:25

Israel Pasian Thahatpen TOPA in a geninah: "Keimah in Thebes-te a pasian Amon tung, Pharaoh tung, Egypt le a pasiante le a kumpite Pharaoh tunga kinga khempeuh tungah dan ka tuaksak ding hi.

Jeremiah 48:2

Moab kiphat ngei nawn lo ding hi; Heshbon d ah mite in a kiat nading sawmsim ding uh hi: ‘Hong pai un, tua minam beisak ni,’ ci ding uh hi. Madmen e aw, nang zong na dai khikhe ding hi; namsau in hong nungdelh ding hi.

Jeremiah 48:20

Moab kithehthang gawp ahi manin a maizum hi. Thum unla kah un! Moab kisiatna Arnon dungah zasak un.

Jeremiah 48:37

Mi peuhmah in a lu uh mettol uh a, a khamul uh kiatkhia-in a khut uh kuikek uh a, a kawnguah ippi puan teng uh hi.

Jeremiah 48:7

Na sepsa le na hauhna na muan nungsang, nang zong salin hong kikai dinga, Chemosh, a siampite le a uliante tawh salin a kikaikhawm ding hi.

Jeremiah 49:1

Ammon-te tawh kisai-in: TOPA gen hih ahi hi: "Israel in tapate nei lo hiam? Innluah ding nei lo ahi hiam? Tua ahileh bang hangin Molech b in Gad neihsa laksak ahi hiam? Bang hangin a mite, a khuapi ah teng uh ahi hiam?

Jeremiah 51:8

Thakhatin Babylon puk dinga, a kisiagawp ding hi. Amah kah un! Amah dam thei lai kha ding hi; a natna nuh ding zatui laksak un.

Jeremiah 6:26

Ka mite aw, ippi puan silh unla vut lakah kikhuk un; i tungah thakhatin siatna hong tung ding ahi manin tapa neihsun kah bangin thum unla kah cihtakin kap un.

Amos 1:15

Tuanu’ kumpipa b a uliante tawh salin kikaikhawm ding hi," TOPA in a ci hi.

Zephaniah 1:5

innkhum tungah kah a, aksi honte bia-a kunte, TOPA tawh kiciama a kunte le Molech b tawh a kiciamte zong,

James 5:1

No a hau mite aw, tu-in ngai un, no tungah gentheihna hong tung ding ahi manin kap unla kapkap un.

Joshua 7:2

Joshua in Jericho panin Bethel nisuahna-lam Beth Aven gei-a om Ai ah mi sawla amaute tungah, "Pai to unla tua kual sung teng va kansim un," a ci hi. Tua ciangin mite pai to uh a Ai a va kansim uh hi.

Joshua 8:1

Tua ciangin TOPA in Joshua kiangah, "Lau kei in; zong lungkia kei in. Galkap buppi kuanpih inla paito in Ai va sim un. Na khut sungah Ai kumpipa, a mite, a khuapi le a gam kong pia khin hi.

Joshua 8:28

Tua ciangin Joshua in Ai haltum a, tuni dongin vansia kholna suakin kuama tenlohna mun a suak hi.