Jeremiah 48:47 - Zokam International Version

⁴⁷ "Tua hi napi hong tung ding mailam hunah Moab angei kong bangsak ding hi," TOPA in cikhia hi. Moab tunga thukhenna hih ciangah beita hi.

LAISIENGTHOU CL Bible (BSI)

⁴⁷ Hinanleh, ni nukhia chiengin Moab vangphatna ka pe kia ding hi, Mangpa’n achi hi.” Tamtan chieng Moab tunga vaihawmna ahi.

Zo Bible

⁴⁷ Hinanle ni nukhia ciengin Moab a gam ka piekia ding hi, Topa in ci hi. Moab tunga thukhenna tam cieng ahi hi.

Jeremiah 48:47 ပူးပေါင်းရင်းမြစ်များ

Job 19:25

Kei hong Tanpa c a nuntak lam ka thei a, ni tawpni ciangin leitung d ah a din ding zong ka thei hi.

Isaiah 18:7

Tua hun ciangin Thahatpen TOPA tungah letsong kipuak dinga, a tunsang a cinel mite pan, a nai a gamla-a a kihtakte pan pautuam zang galphuang minam pan le a gam uh gunte in a khenkhapte panin Thahatpen TOPA min omna mun Zion Vum ah letsong a kipuak ding hi.

Isaiah 23:18

Tua hi napi a summet teng le a thalawhsa teng TOPA adingin a kituam koih ding hi; tuate kholtuamin kitang neih thei lo ding hi. A summette, TOPA mai-a omte in kicingtaka a nek ding uh le puan hoih nono a silh nadingun kipia ding hi.

Isaiah 25:11

Tuipekpa in tuipekin a khut a van bangin a sungah a khut uh a van ding uh hi. Pasian in amaute kiphatsakpih khut siamna a a niamkhiatsak ding hi.

Isaiah 45:20

"No minamte pana a taimangte aw, kikaikhawmin kigawm unla hong pai un. A hon thei lo pasiante tungah thu ngen a, sing milim a pua kawikawite bangmah a thei lo uh ahi hi.

Jeremiah 12:14

TOPA gen hih ahi hi, "Ka mi Israel-te ka piak gouluah a matsak ka veng migilote; amaute leitang panin ka botkhia dinga, amaute laka Judah innkuante ka botkhia ding hi.

Jeremiah 12:15

Ahi hangin ka bawhkhiat khit ciangin amaute khuatuah kikin ama gam a luahna munuah ka puak kik ciat ding hi.

Jeremiah 23:20

A lungsim sunga a tupna teng a tunsak kim matengin TOPA hehna a kileh kik kei ding hi. Hong tung ding hunah kiciantakin na theitel ding uh hi.

Jeremiah 30:24

TOPA in a lungsima a tupna a kim dipdep matengin a hehluatna a kileh kik kei ding hi. Hong tung lai ding hunte ah hih thu na theitel ding uh hi.

Jeremiah 46:26

Keimah in amaute a that nuam Babylon kumpipa Nebuchadnezzar le a galkap mangte tungah ka pia ding hi. Ahi ta zongin tua nung ciangin a beisa hun bangin Egypt ah mi a teng kik ding hi," TOPA in cikhia hi.

Jeremiah 49:39

"Tua hi napi mailam hun ciangin Elam a mailam hun angei ka bangsak ding hi," TOPA in cikhia hi.

Jeremiah 49:6

"Tua hi napi tua khit mailam hunah Ammon mite angei ka bangsak ding hi," TOPA in cikhia hi.

Ezekiel 38:8

Ni tampi khit ciangin galhiam hong kitawisak ding hi. Sawtpi hun lai-a gamkhing a suaksa Israel mualliante tunga om minamte pana kikaikhawm gal sunga a suaktate’ gam khat mailam hun ciangin kong simsak ding hi. Amaute pen minamte lak pana kikaikhia hi uh a, tu-in a vekun lungmuangtakin teng uh hi.

Daniel 10:14

Tu-in na mangmuhna mailam hun tawh kisai ahi manin, mailam hun ciangin na mite tungah bang thu piang lai ding hiam cih a hilhcian dinga hong pai ka hi hi," hong ci hi.

Daniel 11:41

Gam Melhoih zong va sim ding hi. Gam tampi in lel dinga ahi hangin ama khut panin Edom, Moab le Ammon makaite kihukhia ding hi.

Daniel 2:28

ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Misimna 24:14

Tu-in ka mite kiangah ka ciah ding hi, ahi hangin hong pai dih in, mailam hunah hih mite in na mite bang cih ding hiam kong hilhkhol ding hi," ci-in a dawng hi.

Thupiakkikna 31:29

Ka sih khit ciangin note kisiathang gawpin kong thupiaksa panin na pialkhiat ding uh lah teltakin ka thei hi. Mailam hun ciangin TOPA muhna ah a sia-in gamta ding uh a, na khut uh tawh na bawlsate uh hangin amah hehsak ding na hih manun note tungah vangsiatna hong tung ding hi," ci-in hih thupiakte a pia hi.

Thupiakkikna 4:30

Note tungah hih na khempeuh hong tungin na lungdon khit uh a ni nunung ciangin TOPA note Pasian kiangah na kileh kik ding uh a, ama thu na mang ding uh hi.