Jeremiah 48:11 - Zokam International Version

¹¹ "Moab a neu tunga kipan a omcip hi a, zu tawdat bangin beel khat pan beel khatah kitei loin salin a kikai kei hi. Tua ahi ciangin amah a lim ngei-in lim a, a gimnam a kikhek kei hi.

LAISIENGTHOU CL Bible (BSI)

¹¹ “Moab khu khangdawng ahilai apat in nuomsa tahin a um a, adeibanga nuomtah a buol ahi a, bel khat apat bel danga hei awngin a um ngaisih a, sal a pui in zong aum ngaisih hi, tuaziehin atui ngaiin atui a, agimnamtui zong akiheng ngai sih hi.

Zo Bible

¹¹ Moab a neu lai panin nuom khan a, zutee tunga a om zuning bangin a om hit hiet hi; zubeel khat panin zubeel khatah kihlei loin, salin zong kikai lo hi; tua ahi ziehin a tui ngai-in tui a, a gimnam zong a theng thei sih hi.

Jeremiah 48:11 ပူးပေါင်းရင်းမြစ်များ

Phatna-late 123:4

Mi kiphasakte zahkona le mi ki-uangsakte simmawhna tampitak ka thuak uh hi.

Phatna-late 55:19

Kumpi tokhoma a om denpa Pasian in amaute za-in thuaksak ding hi - amaute a lampi uh a khel ngei lo, Pasian zong a kihta lo mite ahi uh hi.

Paunakte 1:32

Mimawlte in amau mottatna sihlawh ding uh a, mihaite in a thudonlohna uh sihlawh ding uh hi;

Isaiah 16:6

Moab-te kiphatsakna - ki-uangsaka kisaktheihna le kiliatsakna - ama kihisakna le a kimisakna i za khin hi, ahi hangin ama kisialhpihte a hawmpi ahi hi.

Isaiah 24:3

Leitung kisia kiuhkeuh dinga a kisusiamang ding hi. Hih thu TOPA gensa ahi hi.

Isaiah 25:6

Thahatpen TOPA in hih mual tungah mi khempeuh adingin an lim mahmah, zu gei mahmah - an limpen nekna le zu cilpen dawnna pawi a bawl ding hi.

Jeremiah 22:21

Awlmawh na neih loh laitakin kong vauhilh hangin, ‘Hong mang kei ning!’ na ci hi. Na neu tungua kipan a tuaci den na hi uh a; ka thu nong mang kei uh hi.

Jeremiah 48:12

Ahi hangin TOPA in cikhia hi, "Beel sung pan a sungkhia ding mi ka sawl hun hong tung dinga, amaute in amah a sungkhia ding uh hi; a beel hawmsakin, haitungte a dengzan ding uh hi.

Jeremiah 48:29

"Kote in Moab kiphatsakna - ki-uatsakna le kihihsakna, a kisaktheihna le a kiliatsakna le a lungsim liatnate ka za khin uh hi.

Jeremiah 51:34

Babylon kumpipa Nebuchadnezzar in eite hong nawmvalh a, eite hong lawnthalin, leibeel hawm hong suaksak hi. Gulpi bangin eite hong valhin, eite limna-in gil vah a, tua ciangin hong ikkhia kik hi.

Nahum 2:10

Tuanu kisusiagawp a, a neihsa teng kilaksakmangin a kihawmkhai hi! Lungtangte tuisuak a, khukte zaw in, pumpi kilinga, maitang peuhmah adaang hi.

Nahum 2:2

A susiate in amaute siasakin a lengguite uh a kisiat hangin TOPA in, Israel-te thupina bangin Jacob thupina zong angei a bangsak ding hi.

Zephaniah 1:12

Tua hun ciangin meivak zangin Jerusalem ka zong dinga, amah bek nuam a sate, lenggah zu tawdat banga, "TOPA in a sia a pha bangmah bawl lo hi,’ a cite dan ka tuaksak ding hi.

Zechariah 1:15

ahi hangin a lungmuang minamte tungah ka heh mahmah hi. Ki-iip lai ka hi manin amaute in siatna a behlap uh hi,’ ci hi.