Jeremiah 47:6 - Zokam International Version

⁶ "Note kapin, ‘Kalasaih, TOPA namsau bang hun teh a khawl tam maw? Na paii ah kisiat inla; khawlta-in om hithiat in,’ na ci uh hi.

LAISIENGTHOU CL Bible (BSI)

⁶ Aw nang Mangpa namsau, bangtan vei sip dildel ding na hiei? Na pai sungah kisietlut inlen, um khinkhian inlen, sip in.

Zo Bible

⁶ Kadei, Topa’ namsau! Nang bang tanvei sip ding na hei? Na pai sungah kihengkia inlen, khawl inlen sip dide in!

Jeremiah 47:6 ပူးပေါင်းရင်းမြစ်များ

2 Samuel 2:26

Abner in Joab kiangah, "Namsau in a nawmvalh den ding kul ahi hiam? A tawpna ah khaatna ahi ding lam seh thei lo na hi hiam? A sanggamte uh a delh uh a khawl nadingun thu na piak ding bang tanvei sawt khin ahi hiam?" ci-in a otsan hi.

1 Khangthute 21:27

Tua ciangin TOPA in vansawltak hopih a, amah in a namsau a paii-ah a siat hi.

Phatna-late 17:13

Tho in, TOPA aw, amaute maituah a lei denna in; nangma namsau-in migilote pan kei hong hukhia in.

Isaiah 10:15

Azangpa tungah hei kiliansak ding ahi hiam, ahikeh a zangpa tungah sing-attem kisathei ding ahi hiam? Ciangkhut in a khunpa a vei loh bangin khetbuk in sing ahi lo khat a vik kei ding hi.

Isaiah 10:5

"A khut uh ka hehna cianggolh le ka thangpaihna khetbuk-a ka zat Assyria-te tungah gimna tung ta hen!

Jeremiah 12:12

TOPA namsau in gammong khat panin mong khat dong a vatmai nadingin sehnel-gam khosang khempeuh panin a susiate hong kuan ding uh a; khat beek a suakta kei ding uh hi.

Jeremiah 12:4

Bangtan vei gamsung vuaigawpin a lo sunga lopate vulgawp lai ding ahi hiam? Bang hang hiam cih leh tua gama tengte gilo uh a, vasate le gamsate mangthang khin ta uh hi. Tua tham loin mite in, "Ei tunga piangte hong mu kei na’nteh," ci uh hi.

Jeremiah 15:3

Amaute tungah suksiatna nam li ka tungsak ding hi," TOPA in cikhia a, thah nading namsau, a tuahmang dingin ui, a susia ding le a nemang dingin huihlak vasate le leitunga ganhingte ka sawl ding hi.

Jeremiah 25:27

Tua ciangin amaute tungah, "Israel Pasian Thahatpen TOPA thugen hih ahi hi: Note laka kong khah ding namsau hangin dawn-in, kham unla lua-in tuk unla tho kik zo nawn kei un, ci hi’ ci-in gen in.

Jeremiah 4:21

Galsimna bangtan vei mu lai-in pengkul aw bangtan vei ka za lai ding hiam?

Jeremiah 48:10

"TOPA’ na citaka a sem lo mi in hamsiatna thuak ta hen! A namsau sisan luansak na-a a zang lo mi in hamsiatna thuak ta hen!

Jeremiah 50:35

"Babylon mite langkhat, Babylon a tengte langkhat, le ama uliante le a mipilte’ langkhatah namsau khat a pang hi!" TOPA in cikhia hi.

Ezekiel 14:17

"Ahi kei leh tua gamah namsau sawlin, ‘Gamsung khempeuh namsau vatsuaksak un,’ ci-in a sunga mite le ganhing teng thatsak leng,

Ezekiel 21:30

Namsau a paai-ah siat kik un. Nang hong kibawlna mun; na pu na pate uh gamah thu kong khen ding hi.

Zechariah 13:7

"Namsau aw, ka tuucingpa le kei tawh kinai mipa do dingin tho in," Thahatpen TOPA in cikhia hi. "Tuucingpa sat in tuute kithehthang dinga, a note tungah ka khut ka viik ding hi.

John 18:11

Jesu in Peter kiangah, "Na namsau paimang in. Pa hong piaksa hai dawn lo ding ka hi hiam?" ci-in thu a pia hi.

Thukhente 7:20

Pawl thumte in zong pengkul mutin leibeelte a sukham uh hi. A veilam khutun meilah a taklam khutun penkul tawi-in mut uha, "TOPA ading le Gideon ading namsau!" ci-in a awng uh hi.