Jeremiah 44:4 - Zokam International Version

⁴ ‘Hih ka muhdah a kihhuai na sem kei un!’a ci kamsangte ka sawl kikkik hi.

LAISIENGTHOU CL Bible (BSI)

⁴ Ahivang in ka suoh guolneite zousie na kung uah matah a thouin, tam ka huot sil kidahhuoite bawl sih un chia gen dingin ka hing sawl hi.

Zo Bible

⁴ Hinanle keima in ka nasem kamsang zosie na kung vuah kang sawl a, “Ka huot tami a kidahhuoi nate bawl nawn sih un!” ci-in kang thumsah ngitnget hi.

Jeremiah 44:4 ပူးပေါင်းရင်းမြစ်များ

Jeremiah 26:5

note kianga kong sawl kikkik (ahi hanga a thu na ngaih loh uh) ka nasem kamsangte thu na ngaih kei uh leh

Jeremiah 7:25

Na pute un Egypt a nusiat huna kipan tu ciang dong, ni khat khit ni khat ka nasem kamsangte kong sawl kikkik hi.

Jeremiah 7:13

Hih nate khempeuh na hih laitak mah un TOPA in kong geninah: Note tungah kong gen kikkik hangin na ngai nuam kei uh a; kong sap hangin nong dawng nuam kei uh hi.

Zechariah 7:7

Jerusalem le a kima khuapite lung nuamin a daupau lai leh Negev le nitumna lam mualbul zangte a, a kiten lai-in kamsang masate tungtawna TOPA thugente hih thute mah hilo ahi hiam?’ ci in," a ci hi.

Ezekiel 16:47

Amaute nungah pai-in a kihhuai a gamtatnate uh ciing bek loin na paina khempeuh ah amaute sangin na uangzaw hi.

Ezekiel 8:10

Tua ciangin lut-a ka khuadak leh kawm tung khempeuh ah a awmtal na namte khempeuh le a kihhuai ganhing Israel innkuante milim khempeuh a kisuai ka mu hi.

Jeremiah 29:19

Ahang in, amaute in ka thu a ngai kei uh hi," TOPA in cikhia a, ka nasem kamsangte tunga amaute ka theihsak kikkikte a ngai kei uh hi," TOPA in cikhia hi.

Jeremiah 16:18

Amaute gitlohna le a mawhna uh a zah nihin ka thuk ding hi, bang hang hiam cih leh amaute in nuntakna nei lo, a zumhuai milim bawltawmin ka gamsung ninsak uh a, a kihhuai a milimte uh tawh ka gouluahna mun teng a dim khin uh hi," hong ci hi.

2 Khangthute 36:15

TOPA a pate uh Pasian in ama mite le a tenna mun tungah hehpihna nei ahi manin a kamtaite tungtawnin amaute tungah thu a khak kikkik hi.

1 Peter 4:3

Ahi hangin, lawkite in hih dinga a teel uh hukna lanna ah note nungta-in, kilunggulhna, zukhamna, zu-uangdawnna, zu-nopdawnna le a kihhuai milim biaknate hihin hun beisa, a hunkhop na zang khin uh hi.

Ezekiel 16:36

Hih in Thupipen TOPA gen ahi hi! Na hauhna g khempeuh sungkhia in, na lawmpa tungah na guaktang hina na lahna-in a kihhuai milimte khempeuh bia-in tuate tungah na tate uh sisan na pia hi.

Jeremiah 35:17

"Tua ahi ciangin Israel Pasian TOPA, Thahatpen Pasian gen hih ahi hi: ‘Ngai un! Judah tung le Jerusalem a teng peuhmah tungah a tung dinga ka genkhiatsa gimnate ka tungsak ta ding hi. Amaute ka hopih hangin ngai lo uh a; amaute ka sap hangin hong dawng nuam kei uh hi,’ ci-in va gen in," a ci hi.

Jeremiah 32:33

Amaute in hong nungngatsan uh a, hong maingat kei uh hi; amaute ka hilhhilh hangin ka thu ngai lo uh a, a kisektat nuam kei uh hi.

Jeremiah 32:34

Amaute in ka Min kilawhna inn sungah a kihhuai milimte koihin ninsak uh hi.

Jeremiah 32:35

Amaute in Ben Hinnom Kuam ah a tanu a tapate a uh tawh Molech a biak nadingun Baal ading munsang a bawl uh hangin, hih a kihhuai sepna tawh Judah a mawh nadingin ka sawl genloh ka lungsim sung nangawn ah a lut ngei beek kei hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Daniel 9:6

Kote in, ka kumpite uh, ka uliante uh le ka pate uh, le ka gamua mite khempeuh tungah na mina thugen, na nasem kamsangte thu ka ngai kei uh hi.

Nehemiah 9:30

Kum tampi tak amaute na thuak keiikai hi. Kamsangte tungtawnin na Kha-in na vauhilh hi. Amaute in thusim lo teitei uh a, tua ciangin amau gamveng mite khutah na pia hi.

Nehemiah 9:34

Ka kumpite uh, ka makaite uh, ka siampite uh le ka pate un na thukham zui lo uh a; na thupiakte le amau na vauhilhnate a thusim kei uh hi.

Jeremiah 7:17

Judah khuapite le Jerusalem kongzingte a, amau nasep mu lo na hi hiam?

Jeremiah 7:18

Naupangte in sing tom uh a, papite in mei tawhin nupite in, Van Kumpinu ading anlum moh bawl nadingin anneel mekman uh hi. Kei hong hehsak nadingun, pasian dangte tungah dawntheih biakna a sung uh hi.

Ezekiel 18:31

Na gamtatnasa khempeuh panun kikhel unla, lungsim thak le kha thak nei un. Israel innkuante aw, bang hang si ding na hi uh hiam?